1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

غزل برائے اصلاح- تہِ دریا میں ہے طوفانِ قرار

منذر رضا نے 'اِصلاحِ سخن' کی ذیل میں اس موضوع کا آغاز کیا، ‏ستمبر 3, 2019

  1. منذر رضا

    منذر رضا محفلین

    مراسلے:
    327
    جھنڈا:
    Pakistan
    السلام علیکم!
    اساتذہ سے اصلاح کی درخواست ہے

    الف عین
    یاسر شاہ
    سید عاطف علی


    خمِ گیسو میں پریشاں ہے ہوا
    کہ اسے ملتی نہیں راہِ فرار
    قیدِ ہستی کو بہاراں جو کہیں
    تو کہیں یوں کہ ہے گل سوز بہار
    برہمئ دودِ چراغاں سے ہوا
    پرتوِ نقشِ کفِ پائے نگار
    زیرِ ہر ذرہِ خاکِ صحرا
    جامۂ عقل و خرد کا اک تار
    پھر ہوا نے ہیں کھلائے نئے گل
    پھر کرو زخمِ دلِ زار شمار
    بلبلِ ہست، تجھے ہوش نہیں؟
    بہ گلِ باغِ عدم، بوس و کنار؟
    نالۂ دل سے ہویدا ہے یہ راز
    تہِ دریا میں ہے طوفانِ قرار
    دل پہ اوہام کی یورش ہے بہت
    کہ یہ ہے خواہش و ارماں کا مزار

    شکریہ!
     
    آخری تدوین: ‏ستمبر 3, 2019
    • پسندیدہ پسندیدہ × 1
  2. سید عاطف علی

    سید عاطف علی محفلین

    مراسلے:
    7,148
    جھنڈا:
    SaudiArabia
    موڈ:
    Cheerful
    اگر غزل ہو تو کے لیے تو مطلع ضرور لانا ہوگا۔ مقطع خواہ نہ بھی ہو ۔ یا پھر قطعہ کہہ لیں ۔
    البتہ یہاں تغزل کے زیادہ کیفیاتی تفکر کا اک گونہ تسلسل کی فضا ہے اشعار میں ، سو اس کو کوئی موضوع دے کر کسی فکری مضمون پر ختم کر کے موضوعاتی نظم کہہ لیا جانا زیادہ بہتر ہو گا ۔ یہ میرا مشورہ ہے ۔
     
    • پسندیدہ پسندیدہ × 1
  3. ارشد چوہدری

    ارشد چوہدری محفلین

    مراسلے:
    1,124
    جھنڈا:
    UnitedStates
    موڈ:
    Brooding
    0 تہِ دریا میں ہے طوفانِ قرار ) تہِ دریا کے ساتھ (میں ) لگانا عجیب سا لگتا ہے ۔جیسے آبِ زم زم کا پانی کہا جائے اور ہر شعر کا پہلا مصرع (فَعِلاتن فَعِلاتن فَعِلن ) میں ہے لیکن دوسرا ساتھ نہیں دیتا
     
  4. الف عین

    الف عین لائبریرین

    مراسلے:
    33,523
    جھنڈا:
    India
    موڈ:
    Psychedelic
    درست ہے غزل، بطور غزل بھی قبول کی جا سکتی ہے
    صرف یہ مصرع بحر سے خارج ہو گیا ہے
    برہمئ دودِ چراغاں سے ہوا
    اس شعر کا مفہوم بھی واضح نہیں ہوا
     

اس صفحے کی تشہیر