1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

غزل برائے اصلاح۔ دیکھا ہمیں جو راہ میں تو منہ چھپا گئے

ذیشان لاشاری نے 'اِصلاحِ سخن' کی ذیل میں اس موضوع کا آغاز کیا، ‏نومبر 29, 2018

ٹیگ:
  1. ذیشان لاشاری

    ذیشان لاشاری محفلین

    مراسلے:
    90
    جھنڈا:
    Pakistan
    موڈ:
    Festive
    دیکھا ہمیں جو راہ میں تو منہ چھپا گئے
    لگتا ہے وہ بھی غیر کی باتوں میں آ گئے
    میت کو پھر سے جینے کی خواہش سی ہو گئی
    وہ کیوں ہماری قبر پہ آنسو بہا گئے
    اس بار خواب میں بھی کہا اس نے الوداع
    اک شمع آخری تھی سو وہ بھی بجھا گئے
    ظالم وہ ہیں تو کیا کریں دل پر ہے کس کا زور
    نادان ہے بچارہ سو اس کو وہ بھا گئے
    ہم سے ہمارا غم بھی تو ظاہر نہ ہو سکا
    آنسو جو تھے ہمارے وہ دل میں سما گئے
    اس نے نظر جو پھیری تو منہ سے ہے مے لگی
    جنت کو ہم نہ بھائے جہنم کو بھا گئے
    روز جزا میں رحم کا ہے آسرا ہمیں
    انصاف گر ہوا تو ہم اے خدا گئے
    ہستی کا ایک غم ہے اور اک شام ہجر ہے
    یہ دونوں دوست بانٹ کر ہم کو تو کھا گئے
    امید تھی نہ وصل کی نہ دید کی کرن
    تم اس گلی میں شان کیوں بے وجہ گئے
     
    • پسندیدہ پسندیدہ × 2
  2. شاہد شاہنواز

    شاہد شاہنواز لائبریرین

    مراسلے:
    1,803
    جھنڈا:
    Pakistan
    ظالم وہ ہیں تو کیا کریں دل پر ہے کس کا زور
    نادان ہے بچارہ سو اس کو وہ بھا گئے
    ۔۔۔ دوسرا مصرع بہتر کرسکتے ہیں، نادان ہے بچارہ ۔۔ کچھ معیار سے کم لگتا ہے ۔۔۔

    اس نے نظر جو پھیری تو منہ سے ہے مے لگی
    جنت کو ہم نہ بھائے جہنم کو بھا گئے
    ۔۔۔ کچا ہے ۔۔ نظر پھیرنے پر منہ سے مے لگنا سمجھ سے بالاتر ہے ۔۔۔ اور دوسرے مصرعے سے توبہ بھلی ہے ۔۔ آگے جو آپ کو اچھا لگے ۔۔

    روز جزا میں رحم کا ہے آسرا ہمیں
    انصاف گر ہوا تو ہم اے خدا گئے
    ۔۔۔ دوسرا مصرع درست نہیں ۔۔۔ کچھ بہتری کی صورت لائیے ۔۔

    ہستی کا ایک غم ہے اور اک شام ہجر ہے
    یہ دونوں دوست بانٹ کر ہم کو تو کھا گئے
    بانٹ کر کی جگہ بانٹ کے ۔۔
    ۔۔ خیال سے متفق ہوں، مثال سے نہیں ۔۔۔ اور اس سے بہتر ابھی ذہن میں بھی نہیں ۔۔

    امید تھی نہ وصل کی نہ دید کی کرن
    تم اس گلی میں شان کیوں بے وجہ گئے
    امید تھی نہ وصل کی نے دید کی کرن ۔۔۔ کیونکہ نہ دو حرفی نہیں باندھ سکتے ۔۔
    بے وجہ بھی لائق توجہ ہے ۔۔ وجہ کو وج تقطیع کیا جاتا ہے ۔۔۔ وجا نہیں ۔۔۔
     
  3. الف عین

    الف عین لائبریرین

    مراسلے:
    33,589
    جھنڈا:
    India
    موڈ:
    Psychedelic
    مقطع میں کیوں کا وزن بھی غلط ہے کہ فعول کے وزن پر باندھا گیا ہے درست فاع کے وزن پر ہی ہے
     
    • زبردست زبردست × 1

اس صفحے کی تشہیر