غزل: اہلِ دل درد کی املاک سے وابستہ ہیں ٭ عزم شاکری

محمد تابش صدیقی نے 'پسندیدہ کلام' کی ذیل میں اس موضوع کا آغاز کیا، ‏جنوری 23, 2020

  1. محمد تابش صدیقی

    محمد تابش صدیقی منتظم

    مراسلے:
    25,273
    جھنڈا:
    Pakistan
    موڈ:
    Breezy
    اہلِ دل درد کی املاک سے وابستہ ہیں
    تیرے دیوانے تری خاک سے وابستہ ہیں

    جو عطا کی تھی بزرگوں نے قبا کی صورت
    آج تک ہم اسی پوشاک سے وابستہ ہیں

    آشیاں جلنے پہ بے گھر نہیں سمجھا جائے
    یہ پرندے خس و خاشاک سے وابستہ ہیں

    خشک جنگل کی طرح ہو گئے چہرے لیکن
    آج تک دیدۂ نمناک سے وابستہ ہیں

    جتنے دیوانے تری بزم سے منسوب ہوئے
    سب کے سب پیرہنِ چاک سے وابستہ ہیں

    ٭٭٭
    عزم شاکری
     
    • پسندیدہ پسندیدہ × 4

اس صفحے کی تشہیر