غزل: اپنی جانب ان کی رفتارِ خراماں دیکھیے ٭ نصر اللہ خان عزیزؔ

محمد تابش صدیقی نے 'پسندیدہ کلام' کی ذیل میں اس موضوع کا آغاز کیا، ‏فروری 17, 2020

  1. محمد تابش صدیقی

    محمد تابش صدیقی منتظم

    مراسلے:
    25,125
    جھنڈا:
    Pakistan
    موڈ:
    Breezy
    اپنی جانب ان کی رفتارِ خراماں دیکھیے
    ان کی جانب دل کے ہر ذرے کو رقصاں دیکھیے

    خطہ خطہ پائیے دل کا ہلاکِ آرزو!
    گوشہ گوشہ آرزو کا گل بداماں دیکھیے

    سب سے چھپ کر دیکھیے، سب سے چھپا کر دیکھیے
    یعنی وہ روئے حسیں تا حدِ امکاں دیکھیے

    دیکھیے کیوں خارج از خود جلوۂ روئے حبیب
    اپنی ہی لوحِ جبیں میں روئے جاناں دیکھیے

    ایک بار اس روئے روشن کا تصور کیجیے
    ہر طرف جلوے ہی جلوے پھر نمایاں دیکھیے

    وہ نہ ہوں نزدیک تو دنیا کو ویراں جانیے
    پاس آجائیں تو ہر جانب گلستاں دیکھیے

    جی میں آتا ہے کہ اک دن چھیڑ کر ان کو عزیزؔ!
    وہ جبینِ قہر آگیں عنبر افشاں دیکھیے

    ٭٭٭
    ملک نصر اللہ خان عزیزؔ
     
    • پسندیدہ پسندیدہ × 2
    • زبردست زبردست × 2
  2. saqaw.ahmad

    saqaw.ahmad محفلین

    مراسلے:
    3
    جھنڈا:
    Pakistan
    موڈ:
    Shh
    واہ کیا بات ہے
     
    • دوستانہ دوستانہ × 1
  3. محمد خلیل الرحمٰن

    محمد خلیل الرحمٰن مدیر

    مراسلے:
    9,231
    جھنڈا:
    Pakistan
    موڈ:
    Festive
    کیا نغمگی ہے۔ شریکِ محفل کرنے پر شکریہ قبول فرمائیے
     
    • دوستانہ دوستانہ × 1

اس صفحے کی تشہیر