عزیز حامد مدنی غزل۔ تازہ ہوا بہار کی، دل کا ملال لے گئی ۔ عزیز حامد مدنیؔ

[فرخ منظور]

غزل​

​

تازہ ہوا بہار کی، دل کا ملال لے گئی​

پائے جنوں سے حلقۂ گردش حال لے گئی​

​

جراتِ شوق کے سوا، خلوتیان خاص کو​

اک تیرے غم کی آگہی، تا بہ سوال لے گئی​

​

شعلۂ دل بجھا بجھا، خاکِ زباں اڑی اڑی​

دشتِ ہزار دام سے ، موجِ خیال لے گئی​

​

رات کی رات بوئے گل، کوزۂ گل میں بس گئی​

رنگِ ہزار میکدہ، روحِ سفال لے گئی​

​

تیز ہوا کی چاپ سے ، تیرہ بنوں میں لو اٹھی​

روحِ تغیّرِ جہاں، آگ سے فال لے گئی​

​

نافۂ آہوئے تتار، زخمِ نمود کا شکار​

دشت سے زندگی کی رو ، ایک مثال لے گئی​

​

ہجر و وصال و نیک و بد، گردشِ صد ہزار و صد​

تجھ کو کہاں کہاں مرے، سروِ کمال لے گئی​

​

نرم ہوا پہ یوں کھلے، کچھ تیرے پیراہن کے راز​

سب ترے جسمِ ناز کے، رازِ وصال لے گئی​

​

ماتمِ مرگِ قیس کی، کس سے بنے گی داستاں​

نوحۂ بے زباں کوئی، چشمِ غزال لے گئی​

​

عزیز حامد مدنی ؔ​

​

یہی غزل مہدی حسن کی آواز میں راگ جے جے ونتی میں سنیے۔​

​

​

 

[محمد خلیل الرحمٰن]

واہ فرخ بھائی جی خوش کردیا۔ شکریہ اتنی پیاری غزل شیئر کرنے پر۔

 

[فرخ منظور]

واہ فرخ بھائی جی خوش کردیا۔ شکریہ اتنی پیاری غزل شیئر کرنے پر۔

آپ کی غزل پسند آئی، ہماری محنت وصول ہوئی۔ نوازش خلیل صاحب!

 

[مغزل]

کیا کہنے فرخ بھائی واہ واہ واہ ۔۔ روح سرشار کردی پیارے صاحب ۔۔ مزا آگیا ۔۔ مدنی صاحب کو تو ہم نے برسوں پڑھا ۔۔ بالخصوص نظم میں اپنا ثانی نہیں رکھتے تھے ۔ غزل بھی کمال اتمام پر ہے ۔۔ مزا آگیا ہے واہ

 

[فرخ منظور]

کیا کہنے فرخ بھائی واہ واہ واہ ۔۔ روح سرشار کردی پیارے صاحب ۔۔ مزا آگیا ۔۔ مدنی صاحب کو تو ہم نے برسوں پڑھا ۔۔ بالخصوص نظم میں اپنا ثانی نہیں رکھتے تھے ۔ غزل بھی کمال اتمام پر ہے ۔۔ مزا آگیا ہے واہ

بہت شکریہ مغزل بھائی۔ ہو سکے تو مدنی صاحب کی کچھ نظمیں پوسٹ کر دیجیے۔

 

[الف عین]

اوہو، یہ مشہور غزل اب تک محفل میں نہیں تھی؟ شکریہ فرخ۔

 

[فرخ منظور]

اوہو، یہ مشہور غزل اب تک محفل میں نہیں تھی؟ شکریہ فرخ۔

جی نہیں تھی۔ اسی لئے پوسٹ کی۔

 

[محمداحمد]

بہت ہی خوب فرخ بھائی، عمدہ انتخاب ہے۔

 

[فرخ منظور]

بہت ہی خوب فرخ بھائی، عمدہ انتخاب ہے۔

بہت شکریہ محمداحمد بھائی!

 

[فرخ منظور]

تازہ ہوا بہار کی، دل کا ملال لے گئی
پائے جنوں سے حلقۂ گردش حال لے گئی

جراتِ شوق کے سوا، خلوتیان خاص کو
اک تیرے غم کی آگہی، تا بہ سوال لے گئی

شعلۂ دل بجھا بجھا، خاکِ زباں اڑی اڑی
دشتِ ہزار دام سے ، موجِ خیال لے گئی

رات کی رات بوئے گل، کوزۂ گل میں بس گئی
رنگِ ہزار میکدہ، روحِ سفال لے گئی

تیز ہوا کی چاپ سے ، تیرہ بنوں میں لو اٹھی
روحِ تغیّرِ جہاں، آگ سے فال لے گئی

نافۂ آہوئے تتار، زخمِ نمود کا شکار
دشت سے زندگی کی رو ، ایک مثال لے گئی

ہجر و وصال و نیک و بد، گردشِ صد ہزار و صد
تجھ کو کہاں کہاں مرے، سروِ کمال لے گئی

نرم ہوا پہ یوں کھلے، کچھ تیرے پیراہن کے راز
سب ترے جسمِ ناز کے، رازِ وصال لے گئی

ماتمِ مرگِ قیس کی، کس سے بنے گی داستاں
نوحۂ بے زباں کوئی، چشمِ غزال لے گئی

عزیز حامد مدنی​

 

[فرخ منظور]

مہدی حسن کی آواز میں
http://playit.pk/watch?v=glBMAZNT8Kk