غزل۔۔۔وہ خال و خد سرِ قرطاس آنے کیسے کیسے

منذر رضا نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏مارچ 23, 2020

  1. منذر رضا

    منذر رضا محفلین

    مراسلے:
    364
    جھنڈا:
    Pakistan
    السلام علیکم
    ایک غزل پیشِ خدمت ہے:


    کھلائے گل بہاراں کی ہوا نے کیسے کیسے
    ملے کچھ سینہ چاکی کے بہانے کیسے کیسے
    سرِِ مقتل میں رقصاں پا بہ جولاں جان دے دی
    لہو نے بسکہ گائے تھے ترانے کیسے کیسے
    گدا گزرا، مصیبت ائی، تو پھر سب نے جانا
    بچا رکھا تھا بستی کو دعا نے کیسے کیسے
    لبوں پر اک مچلتی موج نے آ کر بچائے
    یمِ دل میں غمِ جاں کے خزانے کیسے کیسے
    بہ چشمِ تر خدا سے کچھ دعائیں ہی تو کی تھیں
    ولے خلقت بنا بیٹھی فسانے کیسے کیسے
    غمِ دنیا کی پت جھڑ، یادِ خوش رو کی بہاریں
    دیارِ دل کے موسم ہیں سہانے کیسے کیسے
    بچایا زندگی کے دشت میں مہرِ فنا سے
    سیہ زلفوں کی یادوں کی ردا نے کیسے کیسے
    ہمارے ہاتھ خالی تھے، سو خالی کاسہ دے کر
    زبس بہلایا ہے اہلِ سخا نے کیسے کیسے
    وہ دل کے آئنے پر ایک چہرے کا ابھرنا
    وہ خال و خد سرِ قرطاس آنے کیسے کیسے
     
    • پسندیدہ پسندیدہ × 1
    • زبردست زبردست × 1
  2. ظہیراحمدظہیر

    ظہیراحمدظہیر محفلین

    مراسلے:
    2,717
    جھنڈا:
    Pakistan
    موڈ:
    Busy
    منذر رضا صاحب ، خوب اشعار ہیں لیکن مجموعی طور پر آپ کی غزل کی لفظیات پسندیدہ نہیں ۔ متروک لفظوں سے اجتناب بہتر ہے ۔ ان کے بلاوجہ اور بلاضرورت استعمال سے ایک عجیب ہی ناگوار سا تاثر پیدا ہورہا ہے ۔ اگر متروک الفاظ ہی پڑھنے ہیں تو قاری اساتذہ کو کیوں نہ پڑھے کہ جنکے شعری اور لسانی ماحول میں یہ الفاظ فِٹ بیٹھتے ہیں۔
    ۔ "سرِ مقتل میں" کہنا درست نہیں ہے ۔ جناح کیپ ٹوپی والا معاملہ ہے ۔
    - "گدا گزرا" کی جگہ جب "گدا گزرگیا" کا محل ہے ۔ موجودہ صورت میں تو شعر میں مزاحیہ مطلب پیدا ہورہا ہے ۔
    ۔ ساتویں شعر میں "مہرِ فنا" کیکیا معنویت ہے سمجھ میں نہیں آیا ۔
     
    • پسندیدہ پسندیدہ × 3
  3. منذر رضا

    منذر رضا محفلین

    مراسلے:
    364
    جھنڈا:
    Pakistan
    یہ مَیں ہے حضور
    باقی آپ کے اعتراضات بہت بجا ہیں۔ کوشش کرتا ہوں ان کو دور کروں۔
     
    • دوستانہ دوستانہ × 1
  4. ظہیراحمدظہیر

    ظہیراحمدظہیر محفلین

    مراسلے:
    2,717
    جھنڈا:
    Pakistan
    موڈ:
    Busy
    حیرت ہے!
    اس کو مَیں (واحد متکلم) تو تب پڑھا جائے گا جب اس کے بعد "نے" موجود ہو ۔ یعنی مَیں کی صورت میں یوں ہونا چاہئے: سرِ مقتل میں نے جان دیدی ۔
    نے کے بغیر تو جملہ درست نہیں ۔ ذرا اس پر دھیان دیجئے ۔
     
    • پسندیدہ پسندیدہ × 2
  5. منذر رضا

    منذر رضا محفلین

    مراسلے:
    364
    جھنڈا:
    Pakistan
    ظہیراحمدظہیر صاحب
    دور تجھ سے میر نے ایسا تعب کھینچا کہ شوخ
    کل جو میں دیکھا اسے مطلق نہ پہچانا گیا
    (میر)
    میں کہا میر جاں بلب ہے شوخ
    تو نے کوئی خبر کو بھیجا بھی؟
    (میر)
     
    • دوستانہ دوستانہ × 1
  6. محمد خلیل الرحمٰن

    محمد خلیل الرحمٰن مدیر

    مراسلے:
    8,659
    جھنڈا:
    Pakistan
    موڈ:
    Festive
    پرانی اردو میں ضرور جائز تھا لیکن شاید اب نہیں!
     
    • معلوماتی معلوماتی × 1
    • متفق متفق × 1
  7. محمد خلیل الرحمٰن

    محمد خلیل الرحمٰن مدیر

    مراسلے:
    8,659
    جھنڈا:
    Pakistan
    موڈ:
    Festive
    سرِ مقتل جو میں نے پابجولاں جان دے دی!!!
     
    • پسندیدہ پسندیدہ × 1
    • زبردست زبردست × 1
  8. محمّد احسن سمیع :راحل:

    محمّد احسن سمیع :راحل: محفلین

    مراسلے:
    482
    جھنڈا:
    Pakistan
    موڈ:
    Confused
    بہت خوب خلیل صاحب۔
    ویسے مشکل نویسی کا ایک سائڈ افیکٹ یہ ہوتا ہے کہ کبھی کبھار سامنے کی بات اوجھل رہ جاتی ہے :)
     
    • دوستانہ دوستانہ × 1
  9. فاخر رضا

    فاخر رضا محفلین

    مراسلے:
    2,992
    بہت اچھا لکھا ہے۔ جب دوبارہ لکھیں تو پھر سے یہیں شیئر کردیجیے گا۔
     
    • پسندیدہ پسندیدہ × 1
    • پر مزاح پر مزاح × 1
  10. ظہیراحمدظہیر

    ظہیراحمدظہیر محفلین

    مراسلے:
    2,717
    جھنڈا:
    Pakistan
    موڈ:
    Busy
    واقعی؟!!! یعنی آپ سنجیدگی سے میر کے ان اشعار کا حوالہ دے رہے ہیں؟!! اور ثابت کرنا چاہ رہے ہیں کہ ایسی زبان استعمال کرنا درست ہے ؟! شدید حیرت کی بات ہے۔
    اب اتنا کہوں گا کہ میں غلط لکھا ۔ آپ بالکل درست لکھا تھا ۔ اس وقت مجھ پاس فرصت ذرا کم ہے ۔ مجھ کوں کئی اور مراسلے لکھنا ہیں ۔ آپ سوں پھر کبھی بات ہوگی ۔
    :):):)
     
    • پر مزاح پر مزاح × 2
    • پسندیدہ پسندیدہ × 1
    • متفق متفق × 1
  11. ظہیراحمدظہیر

    ظہیراحمدظہیر محفلین

    مراسلے:
    2,717
    جھنڈا:
    Pakistan
    موڈ:
    Busy
    خلیل بھائی، اس جملے میں "شاید" کے انتہائی غیر ضروری استعمال پر میں پُرزور احتجاج کرتا ہوں ۔ :):):)
    آپ تو اردو گرامر کے ارتقا سے واقف ہیں اور معاصرمعیاری اردو جانتے ہیں ۔
     
    • پسندیدہ پسندیدہ × 1
    • دوستانہ دوستانہ × 1
    • متفق متفق × 1

اس صفحے کی تشہیر