1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

"عورتیں دہشتگرد ہوتی ہیں"

محمد عبدالرؤوف نے 'آپ کی تحریریں' کی ذیل میں اس موضوع کا آغاز کیا، ‏جون 13, 2021

  1. محمد عبدالرؤوف

    محمد عبدالرؤوف لائبریرین

    مراسلے:
    4,480
    حسن میرے دوست احمد کا بیٹا ہے اب تو خیر سے انیس، بیس سال کا نوجوان ہے جب وہ چار سال کا ہوا کرتا تھا تو اس کے چھوٹے سے دماغ میں جتنی معلومات ہوتی تھیں وہ اسے بروئے کار لانے پر یقین رکھتا۔ اگر اس سے پوچھا جاتا کہ چھ اور چھ کتنا ہوتا ہے تو فوری طور پر متوقع جواب ہوتا کہ "تین، چار یا آٹھ" کیونکہ اسے آٹھ سے آگے گنتی نہیں آتی تھی۔ ایک مرتبہ میں، احمد اور حسن شام کی سیر کے لیے نکلے تو راستے میں حسن کی باتوں سے محظوظ ہونے کی غرض سے، میں نے ایک نیم کے درخت کی طرف اشارہ کر کے پوچھا کہ یہ کون سا درخت ہے تو حسن نے فوراً بغیر ہچکچائے جواب دیا "پتوں کا".
    سن دو ہزار چھ کی بات ہے جب وطنِ عزیز دہشت گردی کی بھٹی میں جل رہا تھا ان دنوں روزانہ کی بنیاد پر ہونے والی تباہیوں سے دل گھبرایا رہتا کوئی ایک اچھی خبر حبس زدہ ماحول میں ٹھنڈی ہوا کا جھونکا محسوس ہوتی تھی۔ ان دنوں کسی قسم کی تقریب ہوتی تو اس کے بخیریت انجام پا جانے تک ایک انجانا سا خوف لاحق رہا کرتا تھا۔ میرے دوست احمد کے چھوٹے بھائی کی شادی کی تقریبات جاری تھیں۔ سہرا بندی کا وقت اگرچہ رات آٹھ بجے مقرر تھا لیکن تیاریاں صبح ہی صبح شروع ہو گئیں تھیں۔ سب سے پہلے تو مردوں کی تمام ضروریات پوری کی گئیں تاکہ انہیں میرج ہال کے مقررہ وقت پر بھیجا جا سکے، خواتین تو پھر اپنی سہولت سے پہنچتی رہیں گیں،
    شادی ہال کی بکنگ شام پانچ بجے سے رات دس بجے تک کی کرائی گئی تھی تقریباً چار بجے کا وقت ہوا ہو گا احمد کسی کام سے باہر گیا ہوا تھا، ہم کچھ مرد باہر میرج ہال جانے کے لیے تیار بیٹھے تھے لیکن ابھی بھی کچھ مرد حضرات کا آنا باقی تھا کہ ہم نے دیکھا کہ حسن منہ بسورتا ہوا آ گیا میں نے پوچھا کہ حسن کیا ہوا پہلے تو اس نے جواب نہ دیا جب میں نے دوبارہ پوچھا تو اس نے ایک دہلا دینے والا انکشاف کیا کہ "عورتیں دہشت گرد ہوتی ہیں" میں نے ہنسی ضبط کر کے حسن سے کہا "دہشت گرد؟" (ان دنوں ہمارے ٹیلیویژن چینلوں پر سب سے زیادہ لیا جانے والا لفظ دہشت گرد ہی تھا حسن نے شاید احمد سے کبھی سوال کیا تھا کہ دہشت گرد کون ہوتے ہیں اب اگر احمد یکسر ٹال جاتا تو حسن کی طبیعت ایسی تھی کہ اس نے کسی اور سے تو لازماً سوال کرنا تھا اور اصل جواب دینا معصوم بچوں کے ذہنوں کے لیے بھی اچھا نہ تھا تو احمد نے کہا کہ "بیٹا! دہشت گرد وہ ہوتا ہے جو دوسروں کی بات نہ مانے اور اپنی من مانی کرئے یا لوگوں کو تنگ کرئے یا اُن سے پیسے چھین لے") تو حسن نے اپنی معلومات کے مطابق جو اسے اس کے والد سے ملی تھی مجھے بتانے لگا پھر اس نے کہا کہ انکل دیکھیں نا میں نے بابا سے گاڑی لینے کے لیے پیسے مانگے تو اماں نے بابا کو مجھے پیسے دینے سے منع کر دیا خود اماں، آپا، پھوپھو اور کتنی عورتیں کچھ گھنٹوں کے میک اپ کا پارلر والی آنٹی کو کتنا پیسہ دے رہے ہیں اور آپا بابا سے جتنا پیسہ مانگتی ہیں بابا دے دیتے ہیں، میرے حصے کے پیسے بھی وہ لے جاتی ہیں۔ پھر وہ انتہائی معصومانہ سے لہجے میں کہنے لگا "کیا یہ دہشتگردی نہیں"
    میری بے اختیار ہنسی نکلی تو حسن خفگی سے کہنے لگا کہ آپ کو بھی میرا یقین نہیں ہے، شاید یہی بات اس نے کسی اور سے بھی کی تھی میں نے ہنسی ضبط کرتے ہوئے کہا کہ نہیں بیٹا مجھے کسی اور بات پر ہنسی آ گئی تھی اور ویسے مجھے تو آپ کی بات پر پورا یقین ہے کیونکہ آپ کی آنٹی(میری بیگم) بھی تو دہشت گرد ہیں۔
     
    آخری تدوین: ‏جون 13, 2021
    • پر مزاح پر مزاح × 9
    • زبردست زبردست × 1
  2. گُلِ یاسمیں

    گُلِ یاسمیں لائبریرین

    مراسلے:
    12,127
    جھنڈا:
    Pakistan
    موڈ:
    Question
    واقعی عورتیں دہشت گرد ہوتی ہیں
    ہم آپ کی بات سے متفق ہیں
    کچھ تو پھولن دیوی بھی کہلاتی ہیں :rollingonthefloor:
     
    • پر مزاح پر مزاح × 6
    • پسندیدہ پسندیدہ × 1
    • دوستانہ دوستانہ × 1
    • متفق متفق × 1
  3. محمّد احسن سمیع :راحل:

    محمّد احسن سمیع :راحل: محفلین

    مراسلے:
    2,703
    جھنڈا:
    Pakistan
    موڈ:
    Confused
    ہم امید کرتے ہیں کہ آپ نے مضمون کا عنوان رکھتے ہوئے ’’اللھم انی اعوذبک من الفیمنسٹس‘‘ کا ختم ضرور کر لیا ہوگا :)
     
    • پر مزاح پر مزاح × 4
  4. رومی

    رومی لائبریرین

    مراسلے:
    707
    تحریر تو میں بعد میں پڑھوں گی آپ کو عورتیں دہشتگرد لگتی ہیں؟
     
    • پر مزاح پر مزاح × 2
  5. علی وقار

    علی وقار محفلین

    مراسلے:
    1,980
    عنوان پڑھ کر میں چونک گیا۔ تشویش سی لاحق ہو گئی تھی۔ نمکین تحریر پڑھ کر آخر میں بھی آپ سے متفق ہو گیا۔ فی زمانہ ان عورتوں سے بڑا دہشت گرد کوئی نہیں۔
     
    • پر مزاح پر مزاح × 3
  6. محمّد احسن سمیع :راحل:

    محمّد احسن سمیع :راحل: محفلین

    مراسلے:
    2,703
    جھنڈا:
    Pakistan
    موڈ:
    Confused
    بھائی عبدالرؤوف نے غالباً اسی لیے حفظ ماتقدم کے طور پر عنوان واوین میں لکھا ہے :)
     
    • متفق متفق × 1
  7. سید رافع

    سید رافع محفلین

    مراسلے:
    2,456
    جھنڈا:
    Pakistan
    موڈ:
    Relaxed
    لفظ دہشت فارسی زبان سے اسم جامد ہے۔ اردو میں ساخت اور معنی کے اعتبار سے بعینہ داخل ہوا اردو میں سب سے پہلے ١٧٣٢ء کو "کربل کتھا" میں مستعمل ملتا ہے۔

    سو یوں کہا جا سکتا ہے کہ ١٧٣٢ء سے قبل فارس کی عورتیں دہشت گرد تھیں۔ بعد میں ١٧٣٢ء سے سب کی سب ہو گئیں۔
     
    • پر مزاح پر مزاح × 2
  8. محمد عبدالرؤوف

    محمد عبدالرؤوف لائبریرین

    مراسلے:
    4,480
    ہر خاندان میں کم از کم ایک پھولن دیوی تو ضرور ہوتی ہے، حالانکہ دو ہونی چاہئیں۔ :LOL:
     
    • پر مزاح پر مزاح × 2
  9. محمد عبدالرؤوف

    محمد عبدالرؤوف لائبریرین

    مراسلے:
    4,480
    لیکن یہ مضمون جن خواتین کے بارے میں ہے وہ اردو محفل میں تو کم از کم نہیں ہیں :)
     
    • دوستانہ دوستانہ × 2
  10. محمّد احسن سمیع :راحل:

    محمّد احسن سمیع :راحل: محفلین

    مراسلے:
    2,703
    جھنڈا:
    Pakistan
    موڈ:
    Confused
    کچھ عرصہ قبل ایک دو وارد ہوئی تھیں ۔۔۔ ایک محترمہ نے تو ایک لڑی میں خوب ہنگامہ بھی کیا تھا ۔۔۔ پھر اپنے اسٹیٹس میں فتحِ مبین کا اعلان فرمانے کے بعد غائب ہوگئیں :)
     
    • پر مزاح پر مزاح × 2
  11. محمد عبدالرؤوف

    محمد عبدالرؤوف لائبریرین

    مراسلے:
    4,480
    یہ تو میں نے کسی "نا سمجھ بچے" کے کہے کو نقل کر دیا ہے۔ میرا قطعاً ایسا نظریہ نہیں ہے :)
     
    • دوستانہ دوستانہ × 1
  12. محمد عبدالرؤوف

    محمد عبدالرؤوف لائبریرین

    مراسلے:
    4,480
    اس لیے چلی گئی ہوں گیں کہ مفتوحین سے لڑائی اچھی بات نہیں نا :)
     
    • پر مزاح پر مزاح × 2
  13. ہانیہ

    ہانیہ محفلین

    مراسلے:
    402
    جھنڈا:
    Pakistan
    موڈ:
    Festive
    پیاری رومی سسٹر۔۔۔۔کسی کے ایسے خیالات ہوں۔۔۔یا نہ ہوں۔۔۔اگنور کریں۔۔۔اگر کچھ لوگ ۔۔۔ سطحی قسم کے discriminative jokes کر کے ۔۔۔ چھوٹی چھوٹی خوشیاں حاصل کرنا چاہتے ہیں۔۔۔تو کر لینے دیں۔۔۔اب خوش ہونے کا حق تو سب کو ہی حاصل ہے۔۔۔ :)...
     
    • پر مزاح پر مزاح × 2
    • پسندیدہ پسندیدہ × 1
  14. محمد عبدالرؤوف

    محمد عبدالرؤوف لائبریرین

    مراسلے:
    4,480
    مس ہانیہ میں بھی "رنگ میں بھنگ" پڑنے کو بہت مِس کر رہا تھا، آپ کا بے حد شکریہ کہ آپ نے مایوس نہیں کیا :)
     
    • پر مزاح پر مزاح × 6
  15. محمّد احسن سمیع :راحل:

    محمّد احسن سمیع :راحل: محفلین

    مراسلے:
    2,703
    جھنڈا:
    Pakistan
    موڈ:
    Confused
    آپ بھی حد کرتے ہیں بھائی عبدالرؤوف ۔۔۔ زمانہ کہاں کا کہاں پہنچ چکا ہے ۔۔۔ رنگ اور بھنگ متروک ہوئے ۔۔۔ اب تو colour میں weed پڑتی ہے :)
     
    • پر مزاح پر مزاح × 4
  16. محمد عبدالرؤوف

    محمد عبدالرؤوف لائبریرین

    مراسلے:
    4,480
    ہم ٹہرے پرانی سوچ کے، اگر وقت کے ساتھ چل رہے ہوتے تو ہم کسی اور کیمپ اور کسی اور جھنڈے کے نیچے ملتے :)
     
    • دوستانہ دوستانہ × 2
  17. ہانیہ

    ہانیہ محفلین

    مراسلے:
    402
    جھنڈا:
    Pakistan
    موڈ:
    Festive
    آپ نے سر ۔۔۔ weed استعمال کیا ہے :)
     
    • پر مزاح پر مزاح × 1
  18. ہانیہ

    ہانیہ محفلین

    مراسلے:
    402
    جھنڈا:
    Pakistan
    موڈ:
    Festive
    بھنگ ہو یا ویڈ یا سگریٹ۔۔۔ یہ آپ جیسے بڑے لوگوں۔۔۔۔ کا ڈپارٹمنٹ ہے۔۔۔۔ :) ۔۔۔ سر۔۔۔۔
     
    • پر مزاح پر مزاح × 2
  19. محمد عبدالرؤوف

    محمد عبدالرؤوف لائبریرین

    مراسلے:
    4,480
    بہرحال آپ اپنی کوشش جاری رکھیں
    اسی بہانے میری لڑی سرورق موجود رہے گی :)
     
    • پر مزاح پر مزاح × 1
  20. ہانیہ

    ہانیہ محفلین

    مراسلے:
    402
    جھنڈا:
    Pakistan
    موڈ:
    Festive
    سر میری کونسی کوشش۔۔۔۔۔ بات آپ کر رہے تھے سر۔۔۔ میں تو آ بھی نہیں رہی تھی اس فورم پر۔۔۔۔آپ نے خود ہی آگے کنفرم بھی کر دیا۔۔۔ آپ کے لیول پر حیران ہوں۔۔۔ اس طرح کے ویڈ وغیرہ کے طنز ۔۔۔ آپ اور سر احسن مزے سے کسی کے لئے بھی کر لیتے ہیں۔۔۔۔ مین نے آپ کے اور سر احسن کی پوسٹس رپورٹ کی ہیں۔۔۔۔ حیرت ہے میں نے آپ پر یا سر احسن پر طنز کبھی نہیں کیے۔۔ اتنا بغض اور اتنا غصہ میرے لئے۔۔۔:) جان پہچان بھی نہیں ہے آپ کی اور میری ۔۔۔۔۔۔ آپ دنوں کو اب بھی حقوق نسواں کے ٹوپک پر تکلیف ہے۔۔۔۔ جو نہ آرہا ہو۔۔۔ اس پر اس طرح طنز کرنا کسی کی غیر موجودگی میں۔۔۔۔ واو۔۔۔ :) ۔۔۔۔سر میرا یہاں آنا یا نہ آنا۔۔۔ اس سے آپ کو مطلب نہیں ہونا چاہئے۔۔۔۔۔
     
    آخری تدوین: ‏جون 13, 2021
    • معلوماتی معلوماتی × 1

اس صفحے کی تشہیر