عظمتِ قرآن از آفاق صدیقی

[سیدہ شگفتہ]

عظمتِ قُرآن​

نُورِ وحدت کا ہے گھر قرآن میں
کُھل گئے رحمت کے در قرآن میں​

خود ہی فرما دی بیاں اللہ نے
عظمتِ خیر البشر قرآن میں​

فیض ختم المرسلیں کی مدحتیں
جا بجا ہیں جلوہ گر قرآن میں​

معجزہ ہے معنی و الفاظ کا
ہر پیامِ معتبر قرآن میں​

آگیا تہذیبِ انساں کا سفر
منزلِ مقصود پر قرآن میں​

علم و حکمت کی اچھوتی وسعتیں
پا رہے ہیں دیدہ ور قرآن میں​

عام ہے اہلِ بصیرت کے لئے
راحتِ قلب و نظر قرآن میں​

سنگ و آہن موم ہو کر ہی رہے
ہے کچھ ایسا بھی اثر قرآن میں​

اپنی ہر مشکل کا حل موجود ہے
ڈھونڈنا چاہیں اگر قرآن میں​

کیوں نہ ہو آفاق یہ اُم الکتاب
ہے دو عالم کی خبر قرآن میں​

کلام : آفاق صدیقی​

 

[شاکرالقادری]

جزاک اللہ

 

[حجاب]

سبحان اللہ

 

[قیصرانی]

جزاک اللہ باس صاحبہ

 

[سیدہ شگفتہ]

السلام علیکم

آپ سب کے کلمات کے اصل حقدار تو صاحبِ کلام ہی ہیں جنہوں نے اسے موزوں کیا ، البتہ مجھے خوشی ہے کہ عظمتِ قرآن بزبانِ دیگر ہی سہی مجھے یہاں پیش کرنے کی سعادت ملی ۔ آپ سب کا بے حد شکریہ !

 

[دوست]

پسند آئی۔

 

[سیدہ شگفتہ]

شکریہ شاکر

 

[جاسمن]

سبحان اللہ۔
برحق۔
جزاک اللہ خیرا۔

 

[عبد الرحمٰن]

سبحان اللہ