عروض کا نیا ورژن

سید ذیشان

محفلین
تقریباً پانچ ماہ پہلے اسی سیکشن میں عروض سافٹوئر کے بارے میں ایک لڑی شروع کی تھی جس کو آپ نے سراہا۔ (جن کو نہیں معلوم تو میں www.aruuz.com کی بات کر رہا ہوں۔)
اسی لڑی میں چند ایک مسائل کی بھی نشاندہی کی گئی تھی۔ جن میں سے ایک آدھ کو اسی ورژن میں حل کر لیا گیا ہے۔ (ہندی بحر اور زمزمہ بحر)
لیکن ابھی بھی یہ مسائل سے بھر پور ہے۔

اس ویبسائٹ کو اُس وقت لانچ کرنے کا بنیادی مقصد آپ کی فیڈ بیک سے آگاہی حاصل کرنا تھی جو کہ کافی مقدار میں ملی اور اس کو مدِنظر رکھ کر ایک نئے ورژن کی منصوبہ بندی شروع ہو گئی۔
اس لڑی کو شروع کرنے کا بھی یہی مقصد ہے کہ اس نئے ورژن کے لئے ائیڈیاز فراہم کئے جائیں۔

آپ کو یہ جان کر خوشی ہوگی کہ تمام بڑی رکاوٹوں (تھیوری اور پریکٹیکل دونوں) کا حل تلاش کر لیا گیا ہے۔ جن میں سر فہرست یہ ہیں:

1۔ ڈکشنری میں غیر موجود الفاظ کی درست تقطیع (اس کے لئے پہلے رول بیسڈ طریقہ کار اپنایا گیا تھا لیکن مشین لرننگ کے الگوردھم کے نتائج کافی بہتر ہیں تو فائنل ورژن میں اسی کو ہی استعمال کیا جائے گا۔)
2- کلام موزوں نہ ہونے کی صورت میں قریب ترین بحر کی نشاندہی۔
3۔ اسی بحر کے مطابق اغلاط کی نشاندہی۔ اور درست کئے جانے پر دوبارہ تقطیع کی سہولت۔
4۔ مفرد الفاظ کی تقطیع۔
5۔ آزاد شاعری کی تقطیع۔ (اصلاح پر ابھی کام جاری ہے۔ یہ مسئلہ نسبتاً زیادہ مشکل ہے۔)
6- درست قوافی کی فراہمی۔ (اس کا بنیادی ڈھانچہ مکمل ہے لیکن اس پر ابھی کام باقی ہے۔)
7- نتیجے میں معرب الفاظ کی فراہمی۔

سب سے بڑا مسئلہ وقت کی تنگی ہے۔ اور سافٹ ویئر انجنئر میں قطعاً نہیں ہوں تو ویب ڈیزائننگ کا یہ پہلا تجربہ تھا اور ابھی بھی نئی چیزیں سیکھ رہا ہوں۔

اتنی بڑی تمہید کے بعد چند ایک تصاویر ہیں جو کہ نئے ورژن کی کچھ جھلک دکھا سکیں گی۔

(پس تحریر: مجھے شائد بعد میں ایک والنٹیئر کی ضرورت پڑے جن کو عروض کا علم ہو، اگر کوئی صاحب وقت نکال سکیں تو مجھے خوشی ہو گی)

8sxh.png


4q3k.png


16ih.png
 
آخری تدوین:

سید ذیشان

محفلین
بہت ہی خوب ذیشان بھائی ۔۔۔ ۔! ماشاءاللہ بڑی عرق ریزی کا کام سنبھالا ہے آپ نے۔ (y)

بہت شکریہ احمد بھائی۔ لگتا ہے کوچہ آلکساں سے استعفیٰ دینا پڑے گا۔ :p

عروض کے علم کا تو ککھ پتہ نہیں، والنٹیئر کے طور پر حاضر ہوں سید بادشاہ :)
شکریہ قیصرانی بھائی والنٹئر کرنے کا لیکن عروض سے واقفیت ضروری ہے۔ اس کے بغیر کام نہیں بنے گا۔
:) :)
 
آخری تدوین:
جناب ایسے کام کرکے کیوں شاعروں کی دکانیں بند کراتے ہیں!
مذاق بر طرف،
بہت خوب جناب، ہمارے لائق کوئی خدمت ہو تو حاضر ہیں!
 

سید ذیشان

محفلین
جناب ایسے کام کرکے کیوں شاعروں کی دکانیں بند کراتے ہیں!
مذاق بر طرف،
بہت خوب جناب، ہمارے لائق کوئی خدمت ہو تو حاضر ہیں!

ہاہاہا۔ ویسے شاعروں کو تو اس سے مزید آسانی ہونی چاہیے۔

آپ کا نام نوٹ کر لیا ہے۔ ضرورت کے وقت آپ کو بلاوں گا اگر فارغ ہوئے۔ :)
 

ابن رضا

لائبریرین
بہت ہی عمدہ کاوش پر صدقِ دل سے مبارک باد، جہاں تک عروض کا تعلق ہے تو محفل میں اساتذہ اکرام کے علاوہ مزمل شیخ بسمل بھائی کا نام نہایت معتبر ہے کہ عروض میں بہت اچھی عرق ریزی فرما چکے ہیں اور صاحب علم و مشق بھی ہیں۔ ان سے درخواست ہے کہ کچھ وقت نکال کر آپ کو اپنے مفید مشوروں سے نوازیں۔ کیا خیال ہے سَرسَری بھائی؟؟؟
 

سید ذیشان

محفلین
بہت ہی عمدہ کاوش پر صدقِ دل سے مبارک باد، جہاں تک عروض کا تعلق ہے تو محفل میں اساتذہ اکرام کے علاوہ مزمل شیخ بسمل بھائی کا نام نہایت معتبر ہے کہ عروض میں بہت اچھی عرق ریزی فرما چکے ہیں اور صاحب علم و مشق بھی ہیں۔ ان سے درخواست ہے کہ کچھ وقت نکال کر آپ کو اپنے مفید مشوروں سے نوازیں۔ کیا خیال ہے سَرسَری بھائی؟؟؟

بہت شکریہ بھائی۔ کوشش کروں کا جلد ہی اس کو مکمل کیا جائے۔ اور بسمل بھائی کا خوب کہا۔ ان پر تو ابھی تک ایک قرض واجب الادا ہے۔ :p
 
بہت شکریہ بھائی۔ کوشش کروں کا جلد ہی اس کو مکمل کیا جائے۔ اور بسمل بھائی کا خوب کہا۔ ان پر تو ابھی تک ایک قرض واجب الادا ہے۔ :p

آپ کا کام اب تو کرنا ہی بڑے گا۔ بلکہ اب تو اس لیے بھی کہ اب فرمائشیں بہت طرف سے آچکی ہیں۔ :) کل بھی یہیں محفل میں "ایک" صاحب نے فیس بک پر میسج کرکے کہا تھا۔ تو میں نے اب طے کرلیا ہے کہ باوجود دوسری مصروفیات کے اس کام کو کر ہی دوں۔ ورنہ اپنا تو بال بال (بال بچوں والا نہیں :p) قرضے میں ڈوب جائے گا۔ :) تاخیر کے لیے شرمندہ ہوں۔ :notworthy:
 
بہت ہی عمدہ کاوش پر صدقِ دل سے مبارک باد، جہاں تک عروض کا تعلق ہے تو محفل میں اساتذہ اکرام کے علاوہ مزمل شیخ بسمل بھائی کا نام نہایت معتبر ہے کہ عروض میں بہت اچھی عرق ریزی فرما چکے ہیں اور صاحب علم و مشق بھی ہیں۔ ان سے درخواست ہے کہ کچھ وقت نکال کر آپ کو اپنے مفید مشوروں سے نوازیں۔ کیا خیال ہے سَرسَری بھائی؟؟؟

آپ کی نوازش بھائی لیکن میں تو محض علمِ عروض اور عروض جیسے بیسیوں علوم کا طالب ہی ہوں ابھی۔ معتبر ہونا میرے بس کی بات نہیں بھائی۔ آپ کا حسن ظن ہے۔
 

ابن رضا

لائبریرین
آپ کی نوازش بھائی لیکن میں تو محض علمِ عروض اور عروض جیسے بیسیوں علوم کا طالب ہی ہوں ابھی۔ معتبر ہونا میرے بس کی بات نہیں بھائی۔ آپ کا حسن ظن ہے۔
کسرِ نفسی اپنی جگہ محترم بسمل صاحب طالب علم تو انسان ساری زندگی رہتا ہے۔ خوش رہیں
 

سید ذیشان

محفلین
آپ کا کام اب تو کرنا ہی بڑے گا۔ بلکہ اب تو اس لیے بھی کہ اب فرمائشیں بہت طرف سے آچکی ہیں۔ :) کل بھی یہیں محفل میں "ایک" صاحب نے فیس بک پر میسج کرکے کہا تھا۔ تو میں نے اب طے کرلیا ہے کہ باوجود دوسری مصروفیات کے اس کام کو کر ہی دوں۔ ورنہ اپنا تو بال بال (بال بچوں والا نہیں :p) قرضے میں ڈوب جائے گا۔ :) تاخیر کے لیے شرمندہ ہوں۔ :notworthy:

چلیں یہ تو اچھا ہوا۔ اسی بہانے ہمارا کام بھی بن جائے گا۔ :LOL:

ویسے یہ لسٹ ویبسائٹ پر لگانے کا سوچ رہا ہوں ریفرنس کے لئے۔ تو اگر آپ فراہم کریں گے تو آپ کے نام سے لگا لوں گا۔ :)
 
بہت خوب ذیشان بھائی!
قابل تحسین و رشک کام کر رہے ہیں آپ۔
اللہ آپ کو جزائے خیر عطا کرے۔
بندہ ہر قسم کی حسب استطاعت معاونت کے لیے تیار ہے کہ اس سے بھی سیکھنے کو ہی ملے گا :)
مزمل بھائی! اللہ تعالی آپ کو جزائے خیر دے کہ اپنا قیمتی وقت ہم جیسے تشنگانِ عروض کے لیے نکال لیتے ہیں۔
ابن رضا بھائی! میں آپ کی بات سے متفق ہوں۔
 

سید ذیشان

محفلین
بہت خوب ذیشان بھائی!
قابل تحسین و رشک کام کر رہے ہیں آپ۔
اللہ آپ کو جزائے خیر عطا کرے۔
بندہ ہر قسم کی حسب استطاعت معاونت کے لیے تیار ہے کہ اس سے بھی سیکھنے کو ہی ملے گا :)
مزمل بھائی! اللہ تعالی آپ کو جزائے خیر دے کہ اپنا قیمتی وقت ہم جیسے تشنگانِ عروض کے لیے نکال لیتے ہیں۔
ابن رضا بھائی! میں آپ کی بات سے متفق ہوں۔

شکریہ سرسری بھائی۔ :) امید ہے سب کی توقعات پر پورا اتروں گا اور مایوسی نہیں ہو گی۔ آپ کا نام نوٹ کر لیا ہے۔ (وقت آنے پر پیچھے نہیں ہٹنا :p)

کام کی تفصیل میں بعد میں بتا دوں گا (جب اس کے لئے ضروری ٹولز بنا دوں گا) لیکن اتنا مشکل کام نہیں ہو گا۔ اغلاط کی نشاندہی کا کام ہے۔
 
Top