1. اردو محفل سالگرہ پانزدہم

    اردو محفل کی یوم تاسیس کی پندرہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

طالبِ دیدار کی ہمت ہی ہے

میم الف نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏اگست 24, 2019

  1. میم الف

    میم الف محفلین

    مراسلے:
    294
    جھنڈا:
    Pakistan
    موڈ:
    Fine
    طالبِ دیدار کی ہمت ہی ہے
    ہر قدم اِس راہ میں حیرت ہی ہے
    موند کر آنکھیں اگر دیکھے کوئی
    پردۂ کثرت میں بھی وحدت ہی ہے
    نفس ہو گر مطمئن، اے ہم نفس!
    پھر یہ دنیا بھی کوئی جنت ہی ہے
    عقل دیتے ہیں تو لے لیتے ہیں عمر
    بخش دیں دونوں تو یہ نعمت ہی ہے
    خواب سی جو زندگانی ہے الفؔ
    جاگنے کی نیند سے مہلت ہی ہے​
     
    • پسندیدہ پسندیدہ × 3
    • زبردست زبردست × 1
  2. یاسر شاہ

    یاسر شاہ محفلین

    مراسلے:
    863
    جھنڈا:
    Pakistan
    موڈ:
    Cheerful
    السلام علیکم ماشاء الله بھائی منیب! آپ اب فورم میں آرہے ہیں -وہ جو ایک کچھ نہ لکھنے کا خلا تھا اس سے باہر آ چکے ہیں -

    طالبِ دیدار کی ہمت ہی ہے
    ہر قدم اِس راہ میں حیرت ہی ہے

    خوب -میرا بھی اس باب میں ایک شعر دیکھیے :

    چوکھٹ پہ تیری آکر میں تھک کے گر گیا ہوں
    اک آس پیا ملن کی ہمّت بندھا رہی ہے

    موند کر آنکھیں اگر دیکھے کوئی
    پردۂ کثرت میں بھی وحدت ہی ہے

    واہ -


    نفس ہو گر مطمئن، اے ہم نفس!
    پھر یہ دنیا بھی کوئی جنت ہی ہے

    یعنی دنیا کا جنّت ہونا محال ہے لہٰذا اطمینان نفس بھی محال -

    اقبال کا ایک شعر یاد آیا :

    حیف تو ہی چند کلیوں پر قناعت کر گیا
    ورنہ گلشن میں علاجِ تنگئ داماں بھی ہے


    عقل دیتے ہیں تو لے لیتے ہیں عمر
    بخش دیں دونوں تو یہ نعمت ہی ہے

    یہ صورت بھی دیکھ لیں :
    ہوش آتے آتے کٹ جاتی ہے عمر
    بخش دیں گر دونوں، اک نعمت ہی ہے

    دوسرے مصرع میں <اک> ڈالنے کی لفظی خوبصورتی تو یہ ہے کہ <دونوں> کی رعایت سے برتا ہے اور معنوی خوبصورتی یہ ہے کہ جب ہوش اور عمر دونوں ہوں تو ایک مکمّل نعمت ہوئی ورنہ ہوش ہو عمر نہ رہے تو چہ حاصل -اور اگر ہوش نہ ہو اور عمر طویل ہو تو بندے کے حق میں نعمت نہیں زحمت ہے-

    خواب سی جو زندگانی ہے الفؔ
    جاگنے کی نیند سے مہلت ہی ہے

    واہ بہت خوب -الف تخلص بھی خوب ہے -

    بس میاں اب اپنا نام میم الف ہی رکھنا ،کسی دن الف میم نہ ہوجانا یعنی امام مہدی -;)
     
    • زبردست زبردست × 1
    • پر مزاح پر مزاح × 1
  3. میم الف

    میم الف محفلین

    مراسلے:
    294
    جھنڈا:
    Pakistan
    موڈ:
    Fine
    بہت شکریہ یاسر بھائی
    کبھی میم
    کبھی الف
    کبھی منیب
    کبھی میم الف
    کبھی کچھ بھی نہیں
    اب آپ کو یہی دیکھنے کو ملے گا :)
     
    • دوستانہ دوستانہ × 1

اس صفحے کی تشہیر