واصف ش۔یرِ ی۔زداںؑ (امام المتقین حضرت علی ابن ابی طالب کرم اللّٰہ تعالٰی وجہہ الکَریم کی شان میں حضرت واص

زبیر احمد

محفلین
مولائے رِندانِ جہاں ہے
علیؑ نُورِ ھُدٰیؐ کا رازداں ہے

علیؑ شیدا مُحَمَّد مُصطفٰےؐ کا
علیؑ گَویا مکینِ لا مکاں ہے

علیؑ کی ضَرب ہے ضربِ الٰہی
علیؑ کا نام نُصرَت کا نِشاں ہے

علیؑ کے ہاتھ کو کہیے یَدُ اللّٰہ
علیؑ "مَن کُنتُ مَولا" کا بیاں ہے

علیؑ ہے کَربَلاؤں کی حقیقت
علیؑ کی داستاں کیا داستاں ہے!!

علیؑ ساجد، علیؑ مسجودِ ہستی
علیؑ سَجدوں کی عَظمَت کا نشاں ہے

علیؑ کی یاد سے ہستی بہاراں
علیؑ سے بُغض، عِرفاں کی خِزاں ہے

علیؑ شاہِ نجف، شاہِ ولایت
علیؑ مولا، امامِ ہر زماں ہے

علیؑ غالب علیٰ اَرض و سمٰوات
علیؑ دامادِ شاہِؐ ہر زماں ہے

علیؑ مُشکل کُشا، ظِلِّ نبوت!
علیؑ "بابِ" حقیقت بے گُماں ہے

علیؑ خیبَر شِکن، شیرِ الٰہی
علیؑ مِفتاحِ قلب آسماں ہے

علیؑ ہے واقفِ رازِ حقیقت
علیؑ شرع و طریقت کا بیاں ہے

علیؑ ہے رہنُمائے جِن و آدم
علیؑ لا رَیب مِیرِ کارواں ہے

علیؑ نے دین کو سینچا لہو سے
علیؑ باغِ نبی ﷺ کا گُلفشاں ہے

علیؑ کی عین کے گوہر نرالے
علیؑ خُود معدنِ علمِ نِہاں ہے

علیؑ قاری، علی قرآن ناطق
علیؑ کا نُور بَر نوکِ سناں ہے

علیؑ ہے ساقئ تسنیم و کوثر
علیؑ خُود تِشنہ لَب تشنہ زباں ہے

علىَ ہے "لَا فتٰی" "لا سیف" والا
علیؑ لیکن رضا کا پاسباں ہے

علیؑ کو میں عُلٰی کہہ دوں و لیکن
علیؑ سجدے میں خُود تسبیح خواں ہے

علیؑ کے فَیض سے لاہور روشن
علیؑ کے دَم سے اجمیری نشاں ہے

علیؑ کا نام ہے کلیَر میں صابرؒ
علیؑ کے دَم سے خسرو شیریں بیاں ہے

علیؑ کا ہی "نظامِؒ دہلوی" ہے
علیؑ کی "لاٹ" ہی "قُطبی نشاں" ہے

علیؑ خواجہ فریدالدیںؒ کی منزل
علیؑ پاکِ پَتن کی جانِ جاں ہے

علیؑ کے نام سے مولائے رُومیؒ
علیؑ تبریزؒ کا سِرِّ نہاں ہے

علیؑ کا فقر ہے فَخرِ مُحمد ﷺ
علیؑ لَحمُکَ لَحَمی جسم و جاں ہے

علیؑ ہے کاشفِ رازِ حقیقت
علیؑ وَحدَت میں اِک کثرت نہاں ہے

علیؑ ہے شارحِ شانِ نبوّت
علیؑ کا نام ہی حُسنِ بیاں ہے

علیؑ ہے مرکزِ پُرکارِ ہَستی
علیؑ جب بھی جہاں ہے، درمیاں ہے

علیؑ سے اَولیاء کی زندگی ہے
علیؑ کی ذات ہی رُوحِ رواں ہے

علیؑ کی یاد ہے واصفؔ علی کو
علیؑ خُود اِس زمیں کا آسماں ہے

(بحوالہ____شب چراغ)
 
Top