شہزاد نيّر۔۔۔۔۔۔۔بے سبب پيار ميں کمی پہ نہ آ

[فیصل عزیز]

بے سبب پيار ميں کمی پہ نہ آ
اے مرے دوست ! دشمنی پہ نہ آ

رہ روِ عشق ! کچھ ڈگر کا خيال
اتنی دور آکے کج روی پہ نہ آ

ہم نشيں ! حرمت ِسخن تک رہ
۔اس ميں امکان _ بے زری پہ نہ آ

چشمِ مغرورِ اختيار! پلٹ
ديکھ يوں ميری بے بسی پہ نہ آ

دلبرِشوخ ! دلبری پر رک۔
آتے آتے تو دل لگی پہ نہ آ

کيا خبر کل کدھر چلا جائے
دل ! مری مان اجنبی پہ نہ آ

دلبرا ! دل ميں کچھ قيام ذرا۔
مطربا ! ساز _ رخصتی پہ نہ آ

جان _ آشفتہء طوالت _ ہجر
بے قراری سے بے دلی پہ نہ آ

حرف رکھنا ہے تو مجھی پر رکھ۔
نکتہ چيں ! میری شاعری پہ نہ آ

شہزاد نيّر

 

[الف عین]

یہ بات میری سمجھ میں نہیں آتی کہ لوگ زیر اضافت کی جگہ ہائفن کیوں استعمال کرتے ہیں!!
یہ شہزاد نیر تو محفل کے رکن بھی ہیں نا؟

 

[فیصل عزیز]

سر میں آپ کی بات سمجھا نہیں۔۔۔۔۔۔؟

 

[الف عین]

تدوین کردی ہ، اب بھی نہیں سمجھے ہوں تو
اس ميں امکان _ بے زری پہ نہ آ
امکانِ بے زری نہیں لکھا جا سکتا؟