شکیب جلالی اور شکیل بدایونی کی ایک زمین میں غزلیں

[فرحان محمد خان]

خوابِ گل رنگ کے انجام پہ رونا آیا
آمدِ صبح شب اندام پہ رونا آیا

دل کا مفہوم اشاروں سے اجاگر نہ ہوا
بے کسئِ گلۂ خام پہ رونا آیا

کبھی الفت سی جھلکتی ہے کبھی نفرت سی
اے تعلق ترے ابہام پہ رونا آیا

مری خوشیاں کبھی جس نام سے وابستہ تھیں
جانے کیوں آج اسی نام پہ رونا آیا

لے کے ابھرے گی سحر پھر وہی پژمردہ کرن
کیا کہوں تیرگیِ شام پہ رونا آیا

بے سبب اپنی نگاہوں سے گرا جاتا ہوں
اس فسوں کاریِ الزام پہ رونا آیا

اتنے ارزاں تو نہیں تھے مرے اشکوں کے گہر
آج کیوں تلخیِٔ آلام پہ رونا آیا

لائق حسن نظر تھے نہ کبھی ان کے خطوط
آج محرومئِ پیغام پہ رونا آیا

اب بھی منزل مرے قدموں کی تمنائی ہے
کیا کہوں حسرتِ یک گام پہ رونا آیا

رونے والا تو کرے گا نہ کسی کا شکوہ
لاکھ کہئے غمِ ایام پہ رونا آیا

ان کے شبہات میں کچھ اور اضافہ تھا شکیبؔ
اشکِ سادہ کے اس انعام پہ رونا آیا
شکیب جلالی
----------------------------
اے محبت ترے انجام پہ رونا آیا
جانے کیوں آج ترے نام پہ رونا آیا

یوں تو ہر شام امیدوں میں گزر جاتی ہے
آج کچھ بات ہے جو شام پہ رونا آیا

کبھی تقدیر کا ماتم کبھی دنیا کا گلہ
منزلِ عشق میں ہر گام پہ رونا آیا

مجھ پہ ہی ختم ہوا سلسلۂ نوحہ گری
اس قدر گردش ایام پہ رونا آیا

جب ہوا ذکر زمانے میں محبت کا شکیلؔ
مجھ کو اپنے دل ناکام پہ رونا آیا
شکیل بدایونی​

 

[فرحان محمد خان]

مقبولیت کے لحاظ سے شکیل بدایونی کی غزل زیادہ مقبول ہے بہ نسبت شکیب جلالی کے۔ باقی اساتذہ کی آراء کا منتظر ہوں
سر محمد وارث
سر فرخ منظور
سر محمد تابش صدیقی
سر محمد ریحان قریشی

 

[فرحان محمد خان]

سر فاتح

 

[محمد وارث]

مقبولیت کے لحاظ سے شکیل بدایونی کی غزل زیادہ مقبول ہے بہ نسبت شکیب جلالی کے۔ باقی اساتذہ کی آراء کا منتظر ہوں
سر محمد وارث
سر فرخ منظور
سر محمد تابش صدیقی
سر محمد ریحان قریشی

اس کی ایک وجہ یہ بھی ہو سکتی ہے کہ شکیل بدایونی کی غزل گائی جا چکی ہے اور یہ ایک حقیقت ہے کہ اردو غزلوں کی مقبولیت میں گائیکی کا بھی بہت ہاتھ ہے۔ شکیب جلالی کی غزل کم از کم میں نے تو کسی گلوکار سے نہیں سنی، شاید کسی نے گائی ہو۔ شکیل بدایونی کی غزل مشہور گائیکہ بیگم اختر نے گائی تھی۔

 

[محمد وارث]

میری پسندیدہ غزلوں میں سے۔

 

[محمد وارث]

اور یہ بھی قرائن سے لگتا ہے کہ شکیل بدایونی نے غزل پہلے کہی ہوگی اور شیکب جلالی نے بعد میں!

 

[فرحان محمد خان]

اور یہ بھی قرائن سے لگتا ہے کہ شکیل بدایونی نے غزل پہلے کہی ہوگی اور شیکب جلالی نے بعد میں!

شکیب جلالی نے مارچ 1953 ء کہی ہے !شکیل بدایونی کی غزل کی تاریخ نہیں مل سکی

 

[فرحان محمد خان]

سر فاتح آپ کی رائے کا منتظر

 

[فرخ منظور]

زیادہ مقبول تو شکیل بدایونی کی غزل ہے لیکن بلاشبہ شکیب جلالی کی غزل زیادہ عمدہ ہے۔ ویسے بھی شکیب جلالی، شکیل بدایونی سے بہتر شاعر تھا۔ شکیل بدایونی اچھا نغمہ نگار تھا لیکن روایتی شاعری کرنا ہر ایک کے بس کی بات نہیں ہوتی۔

 

[فاتح]

سر فاتح آپ کی رائے کا منتظر

میں تو پہلے ہی برادرم محمد وارث کے مراسلوں سے متفق کا بٹن دبا چکا ہوں جس کا مطلب تھا کہ میری بھی رائے وہی ہے۔

 

[محمد وارث]

خوابِ گل رنگ کے انجام پہ رونا آیا
آمدِ صبح شبِ اندام پہ رونا آیا​

شب کے ساتھ اضافت اضافی ہے!

 

[فرحان محمد خان]

شب کے ساتھ اضافت اضافی ہے!

ختم کر دی

 

[فرحان محمد خان]

سر محمد وارث
سر فاتح
سر فرخ منظور

 

[فرخ منظور]

سر محمد وارث
سر فاتح
سر فرخ منظور

بہت برا گایا ہے۔ انڈیا والوں سے ایسی توقع نہیں تھی۔

 

[فاتح]

سر محمد وارث
سر فاتح
سر فرخ منظور

بیگم اختر کی آواز میں سننے کے بعد تو ٹینا ثانی کا گایا ہوا بھی اچھا نہیں لگتا۔ یہ تو پھر کوئی نو آموز ہے۔