شکر انسان ہے ابھی باقی

[loneliness4ever]

السلام علیکم
اصلاح کا منتظر ہوں
بحر کے اراکین
فاعلاتن مفاعلن فِعْلن

شکر انسان ہے ابھی باقی
اک مری جان ہے ابھی باقی
نام لیتا رہا نبی کا میں
مجھ میں ایمان ہے ابھی باقی
عابدوں کی کہے عبادت بھی
ان میں شیطان ہے ابھی باقی
عین ممکن ہے آسماں تک ہوں
خود سے پہچان ہے ابھی باقی
خود حوالے ہوا میں یادوں کے
دینا تاوان ہے ابھی باقی
یاد ِ جاناں سے گھر سجا لیکن
دل ہی ویران ہے ابھی باقی
چاند سنتا ہے حال ِ دل میرا
رات مہمان ہے ابھی باقی
زندگی اشک سے رقم کر دی
لکھنا عنوان ہے ابھی باقی
یاد ِ جاناں رہی مری دولت
یہ ہی سامان ہے ابھی باقی
نام ہی عمر بھر کمایا ہے
اک یہ ہی مان ہے ابھی باقی
شہر بھر تو مرا شناسا ہے
وہ ہی انجان ہے ابھی باقی
ہو ملاقات بھی مری مجھ سے
اک یہ ارمان ہے ابھی باقی
اب خموشی بھی اک ضرورت ہے
یوں تو فرمان ہے ابھی باقی
ہے مکمل نہیں غزل میری
زندگی جان ہے ابھی باقی

 

[الف عین]

اب بھی مکمل نہیں ہوئی غزل؟
کچھ اشعار میں روانی کی کمی ہے اور کچھ کا مطلب واضح نہیں ہوا۔

 

[loneliness4ever]

اب بھی مکمل نہیں ہوئی غزل؟
کچھ اشعار میں روانی کی کمی ہے اور کچھ کا مطلب واضح نہیں ہوا۔

محترم استاد کوشش کوشش اور کوشش، یہ تو ختم نہیں کرنی اس
لئے غزل بھی مکمل نہیں ہوئی، جلد حاضر ہوتا ہوں پرانے اسٹاک
میں سے مزید کسی پرانی کوشش کے ساتھ، اور ساتھ میں اس کوشش
پر بھی دماغ لگاتا ہوں، توجہ اور شفقت کا بے حد شکریہ ، اللہ عمر دراز فرمائے
صحت و تندرستی سے مالا مال فرمائے .... آمین