شفیق خلش " غمِ حیات سے کب قلْب ہمکنار نہیں "

[طارق شاہ]

غزل​

شفیق خلش​

​

غمِ حیات سے کب قلْب ہمکنار نہیں​

خدا کا شکر، ضمیر اپنا داغدار نہیں​

​

تمھارے ہجرمیں دل کو ذرا قرار نہیں​

غمِ جہاں کی طرح تم سے بھی فرار نہیں​

​

ہرایک چیزمیں ہوتی ہے کچھ کمی بیشی​

بس ایک غم میں تمھارے ہی اختصار نہیں​

​

بھروسہ غیر پہ رکھیں، کہاں رہا ممکن​

خود اپنے گھرمیں کسی کا جب اعتبار نہیں​

​

یہ خوف کیوں ہے کہ رسوا رہو گے دنیا میں​

شریکِ گریہ ہیں یہ لوگ، رازدار نہیں​

​

ارادہ یوں تو ہے پختہ نہ عشق کرنے کا​

نگاہِ حُسن کا لیکن کچھ اعتبار نہیں​

​

 

[سید زبیر]

واہ
یہ خوف کیوں ہے کہ رسوا رہو گے دنیا میں
شریکِ گریہ ہیں یہ لوگ، رازدار نہیں

 

[طارق شاہ]

واہ
یہ خوف کیوں ہے کہ رسوا رہو گے دنیا میں
شریکِ گریہ ہیں یہ لوگ، رازدار نہیں

سید صاحب!
ممنون ہوں اظہار خیال اور انتخاب کی ستائش پر
خوشی ہوئی جو انتخاب پسند آیا
بہت خوش رہیں