شعر کے اندر کے کسی لفظ سے آگے کا شعر بنائیں۔ شکریہ

[اکمل زیدی]

صد چاک کیا پیرہن گل کو صبا نے
جب وہ نہ تری خوبیٔ پوشاک کو پہنچا

ہو سکے تو دل صد چاک دکھایا جائے
اب بھری بزم میں احوال سنایا جائے

 

[سید عمران]

ہو سکے تو دل صد چاک دکھایا جائے
اب بھری بزم میں احوال سنایا جائے

آپ جاتے تو ہیں اس بزم میں شبلیؔ لیکن
حال دل دیکھیے اظہار نہ ہونے پائے

 

[اکمل زیدی]

آپ جاتے تو ہیں اس بزم میں شبلیؔ لیکن
حال دل دیکھیے اظہار نہ ہونے پائے

حال دل میں سنا نہیں سکتا
لفظ معنیٰ کو پا نہیں سکتا

 

[سید عمران]

حال دل میں سنا نہیں سکتا
لفظ معنیٰ کو پا نہیں سکتا

ایسے ایسے شعر سنا دوں شہزادی
میں تو تیری نیند اڑا دوں شہزادی

 

[سید عمران]

ایسے ایسے شعر سنا دوں شہزادی
میں تو تیری نیند اڑا دوں شہزادی

ہم نے دکھڑا عشق کا رویا نہیں۔۔۔
اور بھائی پر ہنسی کا دورہ پڑا نہیں!!!

 

[سیما علی]

ہم نے دکھڑا عشق کا رویا نہیں۔۔۔
اور بھائی پر ہنسی کا دورہ پڑا نہیں!!!

کیوں ہجر کے شکوے کرتا ہے کیوں درد کے رونے روتا ہے
اب عشق کیا تو صبر بھی کر اس میں تو یہی کچھ ہوتا ہے

 

[سیما علی]

دل کے معاملے جو کبھی سب پہ وا ہوئے
جن کے ہیں اس کے بعد وہی ما سوا ہوئے

ہے ماسوا کیا؟ جو۔ میر کہیئے
آگاہ سارے اس سے ہیں آگاہ
(میر تقی میر)

 

[سیما علی]

ہم نے دکھڑا عشق کا رویا نہیں۔۔۔
اور بھائی پر ہنسی کا دورہ پڑا نہیں!!!

آپ جاتے تو ہیں اس بزم میں شبلیؔ لیکن
حال دل دیکھیے اظہار نہ ہونے پائے

حال دل پر ہنسا کبھی رویا
یوں مری عمر بے ثبات گئی

 

[سیما علی]

حال دل پر ہنسا کبھی رویا
یوں مری عمر بے ثبات گئی

لیتی ہے جلتی شمع بھی بجھنے میں کچھ تو وقت
ہے آدمی سا کوئی کہاں بے ثبات اور!
(امجداسلام امجد)