شعر و شاعر (اشعار اور خالق)

[shehzubaba]

کم ظرف و منافق تھے سو افسوس نہیں ہے,

جو لوگ مرے حلقہء احباب سے نکلے . . ! !

 

[طارق شاہ]

پِھر کئی لوگ نظر سے گُزرے
پِھر کوئی شہرِ طرب یاد آیا

ناصؔر کاظمی

 

[طارق شاہ]

بَقدرِ شوق نہیں ظرفِ تنگنائے غزل
کُچھ اور چاہیئے وُسعت مِرے بیاں کے لیے

مِرزا اسداللہ خاں غالؔب

 

[طارق شاہ]

میرا نغمہ باعثِ دِلداریِ خُوباں تو ہے
میرا نالہ خیر سے وجہِ نِشاطِ جاں تو ہے

مجاؔز لکھنوی

 

[طارق شاہ]

بُنیادِ جہاں میں کجی کیوں ہے
ہر شے میں کسی کی کمی کیوں ہے

جس بات سے دِل میں ہلچل ہے
وہ بات لبوں پہ رُکی کیوں ہے

شہر یا ؔر

 

[طارق شاہ]

وہ جو پیاسے تھے ، سمندر سے بھی پیاسے لَوٹے
اُن سے پُوچھو کہ ، سرابوں میں فسُوں کتنا ہے

شہرؔیار

 

[طارق شاہ]

کیا کیا ہُوا ہے ہم سے جنُوں میں ، نہ پُوچھیے !
اُلجھے کبھی زمِیں سے، کبھی آسماں سے ہم

مجاؔز لکھنوی

 

[طارق شاہ]

یہ جانتا ہے کہ وعدہ شکن ہے وہ، پِھر بھی !
دِل اُس کے وعدۂ فردا پہ شاد کتنا ہے

مُرتضٰی برلاؔس

 

[طارق شاہ]

دِکھا کے خواب یہ محرُومِ خواب کِس نے کِیا
تمام عُمر کا جِینا عذاب کِس نے کِیا

جو احتیاطِ نظر ہی سے راز فاش ہُوا
تو یہ قصُور بھی آخر جناب کِس نے کِیا

مُرتضٰی برلاؔس

 

[طارق شاہ]

مَیں بولتا ہُوں تو اِلزام ہے بغاوت کا !
مَیں چُپ رہُوں تو، بڑی بےبسی سی ہوتی ہے

بشیر بدؔر

 

[طارق شاہ]

خود اپنے آپ سے شرمندگی سی ہوتی ہے
کبھی کبھی تو بڑی بے دِلی سی ہوتی ہے

بشیر بدؔر

 

[طارق شاہ]

ہیں یہ سب گِلے شِکوے، بربنائے لاعلمی
ورنہ بجلیاں اپنی اور نہ آشیاں اپنا

علامہ سیماؔب اکبر آبادی

 

[طارق شاہ]

وہ بَلا سے دشمنِ دِیں سہی، وہ کنشت و دَیر نَشِیں سہی
مِرے اعتبار میں بُت تو ہے، جو خُدا نہیں تو نہیں سہی

سیمؔاب اکبر آبادی

 

[طارق شاہ]

دِلوں کا حال خُدا جانتا ہے خُوب، مگر
خوشی بھی مِلنے پہ آزردگی سی ہوتی ہے

شفیق خلؔش

 

[طارق شاہ]

چُھپائے پِھرتے ہیں خود کو ہم اُن سے یُوں بھی خلؔش
کہ سامنا ہو تو، شرمندگی سی ہوتی ہے

شفیق خلؔش

 

[طارق شاہ]

ہر اِک حَسِیں کو یُوں تا دُور چھوڑتی ہے نظر
بُتوں کی چال بھی، دِل بُردگی سی ہوتی ہے

شفیق خلؔش

 

[طارق شاہ]

گُماں مِلے پہ ہمیشہ مَہِ مُکمل کا !
وہ گُل کے چہرے پہ تابندگی سی ہوتی ہے

شفیق خلؔش

 

[طارق شاہ]

پِھر روز و شب لئے افسُردگی سی ہوتی ہے
بس اُس کے مِلنے پہ آسودگی سی ہوتی ہے

شفیق خلؔش

 

[طارق شاہ]

غَرَض کہ کاٹ دیئے زندگی کے دِن، اے دوست!
وہ تیری یاد میں ہُوں، یا تجھے بُھلانے میں

فِراؔق گورکھپوری

 

[طارق شاہ]

بیانِ شمع ہے، حاصِل یہی ہے جلنے کا!
فنا کی کیفیتں دیکھ جِھلمِلانے میں

فِراؔق گورکھپوری