شعر و شاعر (اشعار اور خالق)

[طارق شاہ]

مَیں ترکِ رہ و رسمِ جنُوں کر ہی چُکا تھا
کیوں آ گئی ایسے میں تِری لغزِشِ پا یاد

جِگؔر مُرادآبادی

 

[طارق شاہ]

دوست احباب مُصیبت میں تو پائے نہ گئے
ہم اذیّت میں اکیلے گئے، سائے نہ گئے

شفیق خلؔش

 

[طارق شاہ]

محبّت کیا ہے، تاثیرِ محبّت کِس کو کہتے ہیں
تِرا مجبُور کردینا، مِرا مجبوُر ہو جانا

نِگا ہِ ناز کو تکلیفِ جُنبش تا کُجا آخر ؟
مجھی پر مُنحصر کردو، مِرا مجبُور ہوجانا

جگؔر مُراد آبادی

 

[طارق شاہ]

میری وارفتگی معاذاللہ
تم بھی آئے تو کُچھ خبر نہ ہُوئی

ہم بھی اُٹھتے بخندہ پیشانی
کبھی ایسی کوئی سَحر نہ ہُوئی

جوؔش ملیح آبادی

 

[طارق شاہ]

یُوں اُمڈ آئی کوئی یاد مِری آنکھوں میں !
چاندنی، جیسے نہانے کو لَبِ جُو آئی

مُصطفٰی زیدی

 

[طارق شاہ]

صِرف اِک حسرتِ اِظہار کے پرتَو ہیں، ندِیم !
میری غزلیں ہوں، کہ نظمیں، کہ فسانے میرے

احمد ندِیؔم قاسمی

 

[طارق شاہ]

فِتنہ اُن کے قدم سے اُٹھتا ہے
ہر قدم کِس سِتم سے اُٹھتا ہے

اُس کی کافر نِگاہ کے اُٹھتے ہی
شور دیر و حَرَم سے اُٹھتا ہے

داغ دہلوی

 

[طارق شاہ]

دیکھیے کیا فساد قاصِد پر
میری طرزِ رقم سے اُٹھتا ہے

داغؔ دہلوی

 

[طارق شاہ]

شامِ غم کچھ اُس نگاہِ ناز کی باتیں کرو
بےخودی بڑھتی چلی ہے، راز کی باتیں کرو

نِکہتِ زُلفِ پریشاں، داستانِ شامِ غم !
صُبح ہونے تک اِسی انداز کی باتیں کرو

فِراؔق گورکھپُوری

 

[طارق شاہ]

کوئی سِیکھ لے دِل کی بے تابیوں کو
ہر انجام میں ، رنگِ آغاز دینا

صفؔی لکھنوی

 

[طارق شاہ]

موسمِ گُل مِرا، خوشیوں کا زمانہ وہ تھا
ہنس کے جینے کا اگر تھا ، تو بہانہ وہ تھا

وقتِ رُخصت بڑا مُشکل تھا چُھپانا غم کا !
اشک آنکھوں سے رَواں تھے، جو روانہ وہ تھا

شفیق خلؔش

 

[طارق شاہ]

اب خود تِرا جلوہ جو دِکھا دے، وہ دِکھا دے !
یہ دیدۂ بِینا تو تماشا نظر آیا

اصغؔر گونڈوی

 

[طارق شاہ]

اِس طَور سے تمھارے تو مرتے نہیں ہیں ہم !
اب واسطے ہمارے، نِکالو جفا کُچھ اور

مِیر تقی مِیرؔ

 

[طارق شاہ]

صُورت پَرست ہوتے نہیں معنی آشنا
ہے عِشق سے بُتوں کے، مِرا مُدّعا کُچھ اور

مِیر تقی مِیرؔ

 

[طارق شاہ]

مرگیا پر نہ رفیقوں کو خبر مَیں نے کی
اِس خرابی سے شبِ ہجر سَحر مَیں نے کی

غلام ہمدانی مصحفؔی

 

[طارق شاہ]

نسیمِ شوق یہ لائی جوابِ نامۂ درد !
کُچھ اور دِن ابھی تکلیفِ اضطراب اُٹھا

جِگر مُراد آبادی

 

[shehzubaba]

ﺍُﺳﮯ ﺗﻮ ﺗﻮﮌﻧﺎ ﺁﺗﺎ ﺗﮭﺎ، ﺍُﺱ ﻧﮯ ﺗﻮﮌ ﺩﯾﺎ
ﻭﮦ ﺟﺎﻧﺘﺎ ﮨﯽ ﻧﮩﯿﮟ ﺩﻝ ﮐﯽ ﺍﮨﻤﯿﺖ ﮐﯿﺎﮨﮯ

 

[shehzubaba]

عشق زندہ بھی چھوڑ دیتا ہے
تم کو اپنی مثال دیتا ہوں

 

[shehzubaba]

ﺗﯿﺮﯼ ﺻﻮﺭﺕ ﮐﻮ ﺟﺐ ﺳﮯ ﺩﯾﮑﮭﺎ ﮨﮯ
ﻣﯿﺮﯼ ﺁﻧﮑﮭﻮﮞ ﭘﮧ ﻟﻮﮒ ﻣﺮﺗﮯ ﮨﯿﮟ

 

[shehzubaba]

اک درد ہے جو سہہ رہا ہوں میرے خدایا,

اک بات ہے جو تم سے اکیلے میں کرونگا..!!