شعر و شاعر (اشعار اور خالق)

[طارق شاہ]

دِل سوختہ تھے چاہنے والوں میں تمھارے
لیکن، سبب ِگرمئ اِظہار ہمیں تھے

سودا تِری زُلفوں کا گیا ساتھ ہمارے !
مر کر بھی نہ چُھوٹے ، وہ گرفتار ہمیں تھے

تعشق لکھنوی

 

[طارق شاہ]

پُھول کی پتّی سے کٹ سکتا ہے ہِیرے کا جِگر
مردِ ناداں پر کلامِ خُوب و بالا بے اثر

جگن ناتھ آزاؔد

 

[فاخر رضا]

یزیدیت کے جو ماتھے پہ یہ پسینہ ہے
خدا کا خوف نہیں ہے یہ ڈر حسین کا ہے
فرحت عباس شاہ

 

[طارق شاہ]

ہمدردئ احباب سے ڈرتا ہُوں مظفرؔ !
ميں زخم تو رکھتا ہُوں، نمائش نہيں کرتا

مظفؔر وارثی

 

[طارق شاہ]

دَیں نہ کیوں حُسنِ بَلاخیز پہ الزام، کہ جب
دوسرے خواب تک آنکھوں میں سجائے نہ گئے

شفیق خلؔش

 

[طارق شاہ]

ہوکے لازم رہے جینے کو تنفس کی طرح
بیتےلمحے جو تِرے سنگ، بُھلائے نہ گئے

شفیق خلؔش

 

[طارق شاہ]

اجل شفا تھی ، مگر اہلِ درد نے کیا کیا
دوا کے نام سے احسان چارہ گر کے لئے

تابؔش دہلوی

 

[طارق شاہ]

نسبتِ نُور پھر بھی قائم ہے
کہیں ذرّہ ہے آفتاب کہیں !

تابؔش دہلوی

 

[طارق شاہ]

شام سے پہلے مرتے ہیں یا آخرِ شب تک جِیتے ہیں
تیرے بغیر نہ جِینے والے ، دیکھئے کب تک جِیتے ہیں

شوکت علی خاں فانؔی بدایونی

 

[طارق شاہ]

منزلِ عِشق پہ تنہا پہنچے، کوئی تمنّا ساتھ نہ تھی
تھک تھک کر اِس راہ میں آخر اِک اِک ساتھی چُھوٹ گیا

شوکت علی خاں فانؔی بدایونی

 

[طارق شاہ]

ہمارے دِیدۂ تر میں اثر ہے ابرِ نیساں کا !
صدف چشمی سے آنسو، گوہرِ نایاب رہتا ہے

تابؔش دہلوی

 

[طارق شاہ]

خلش شفیق نہ ہو کر بھی ہے شفیق خلش !
کہ وجہِ یاد سے ہوتی ہے یہ، اور اِس سے یاد

شفیق خلؔش

 

[طارق شاہ]

تِرے کرم کا سزاوار تو نہیں حسرؔت !
اب آگے تیری خوشی ہے جو سرفراز کرے

مولانا حسرؔت موہانی

 

[طارق شاہ]

الله جانتا ہے سمیٹی نہیں گئیں
اِتنی محبّتوں کے سزاوار ہم نہ تھے

باقرزیدی

 

[طارق شاہ]

محِفل سے اُس نے اپنی اُٹھایا تو تھا، مگر
پھر آگئے، کہ اتنے بھی خودار ہم نہ تھے

باقؔرزیدی

 

[طارق شاہ]

بارہا، در سے اُٹھانے پہ دوبارہ تھا وہیں !
میں رہا دِل سے خود اپنے ہی یُوں ناچار کہ بس

شفیق خلؔش

 

[طارق شاہ]

میں تو ہُوں شاخِ ثمرور تابؔش
ٹُوٹتا کم ہُوں ، لچک جاتا ہُوں

تابؔش دہلوی

 

[طارق شاہ]

پِھر دیکھیے اندازِ گُل افشانیِ گُفتار
رکھ دے کوئی پیمانۂ صہبا مِرے آگے

مرزا اسداللہ خاں غالؔب

 

[طارق شاہ]

سہل کہتا ہُوںمُمتنع حسرؔت
نغزگوئی مِرا شعار نہیں

مولانا حسرؔت موہانی

 

[طارق شاہ]

ہَوا کے دوش پہ رکھّے ہُوئے چراغ ہیں ہم
جو بُجھ گئے تو ہَوا سے شکایتیں کیسی

عبیداللہ علیؔم