سیماب اکبرآبادی "شاید جگہ نصیب ہو اُس گُل کے ہار میں"

[طارق شاہ]

غزلِ​

سیماب اکبرآبادی​

​

شاید جگہ نصیب ہو اُس گُل کے ہار میں​

میں پُھول بن کے آؤں گا، اب کی بہار میں​

​

خَلوَت خیالِ یار سے ہے انتظارمیں​

آئیں فرشتے لے کے اِجازت مزار میں​

​

ہم کو تو جاگنا ہے ترے انتظار میں​

آئی ہو جس کو نیند وہ سوئے مزار میں​

​

اے درد! دل کوچھیڑکے، پھرباربارچھیڑ​

ہے چھیڑ کا مزہ خَلِشِ باربارمیں​

​

ڈرتا ہوں، یہ تڑپ کے لحد کو اُلٹ نہ دے​

ہاتھوں سے دِل دبائے ہوئے ہُوں مزارمیں​

​

تم نے تو ہاتھ جوروسِتم سےاُٹھالیا​

اب کیا مزہ رہا سِتَمِ روزگار میں​

​

اے پردہ دار، اب تونکل آ کہ حشْرہے​

دنیا کھڑی ہوئی ہے ترے انتظار میں​

​

عمرِ دراز، مانگ کے لائی تھی چار دن​

دو آرزو میں کٹ گئے دو انتظار میں​

​

سیماب پھول اُگیں لحدِعندلیب سے​

اتنی تو تازگی ہو، ہوائے بہار میں​

​

سیماب اکبرآبادی​

​

 

[سید زبیر]

اے پردہ دار، اب تونکل آ کہ حشْرہے
دنیا کھڑی ہوئی ہے ترے انتظار میں

بہت عمدہ ۔۔۔ خوب صورت کلام ہے ​

 

[طارق شاہ]

اے پردہ دار، اب تونکل آ کہ حشْرہے
دنیا کھڑی ہوئی ہے ترے انتظار میں

بہت عمدہ ۔۔۔ خوب صورت کلام ہے ​

سید صاحب!
بہت خوشی ہوئی جوعلامہ کے کلام سے یہ انتخاب آپ کو پسند آیا
اظہار خیال کے لئے ممنون ہوں
بہت خوش رہیں

 

[مزمل شیخ بسمل]

بہت عمدہ۔ کیا کہنے۔