سیدہ زینبؔ سروری

[فقیر شبّیر احمد چشتی]

منقبت امامِ عالی مقام رضی اللہ تعالیٰ عنہ

لہو لہو ہے دلِ زار، داستانِ حسینؑ
لعیں نے لوٹ لیا حیف آشیانِ حسینؑ

ہے امتی کا حقیقت میں، امتحانِ حسینؑ
ہنوز غم کو مناتے ہیں عاشقانِ حسینؑ

فضا میں گونج رہی ہے کہیں اذانِ حسینؑ
رواں دواں ہے زمانے میں کاروانِ حسینؑ

لکھی نہیں ہے فقط ہم نے آج شانِ حسینؑ
بنا ہوا ہے ہر اک لفظ ترجمانِ حسینؑ

لٹا رہے ہیں دل و جاں بھی محبانِ حسینؑ
تنا رہے گا سدا ان پہ سائبانِ حسینؑ

دعا نہ لوٹ کے آئے درِ اجابت سے
ملے گی تب شَرفِ دیدِ آستانِ حسینؑ

لیئے ہوئے ہیں سرِ دست جام کوثر کے
پئیں گے شاہ ﷺ کے ہاتھوں سے تشنگانِ حسینؑ

فنا کے گھاٹ یزیدی اتر گئے زینبؔ
حسینؑ زندہ ہے رب خود ہے پاسبانِ حسینؑ

کلام: سیدہ زینبؔ سروری قادری
​

 

[سیما علی]

ماشاء اللّہ
بہت عمدہ منقبت !!!!!