سٹار شپ سیریل 8 کی متوقع ٹیسٹ پرواز

[نبیل]

خلائی سفر کی کمپنی سپیس ایکس کے نیکسٹ جنریشن راکٹ سٹارشپ کی ٹیسٹ پرواز کل متوقع تھی جس میں سٹارشپ کے سیریل 8 پروٹوٹائپ کو 12 اعشاریہ 5 کلومیٹر کی بلندی تک پرواز کرکے حفاظت سے واپس لینڈ کرنے کا پروگرام تھا، لیکن عین آخری سیکنڈ میں سٹارشپ کے انجن نے ابارٹ سگنل جاری کر دیا اور یوں یہ مشن تکمیل کو نہ پہنچ سکا۔ میں نے نوٹ کیا ہے کہ یوٹیوب کے کچھ چینل ابھی بھی اس امید میں لائیو سٹریم چلا رہے ہیں کہ شاید سپیس ایکس دوبارہ ٹیسٹ پرواز کی تیاری کرنے والی ہے۔ لیکن کسی جگہ سے اس کی باقاعدہ تصدیق نہیں ہو سکی ہے۔ سٹارشپ اب تک تاریخ کی سب سے طاقتور خلائی سفر کی مشین ہے اور اس کی کامیابی پر سپیس ایکسپلوریشن کے نئے دور کے آغاز کا انحصار بھی ہے۔ اسی لیے تمام دنیا کی توجہ اس ٹیسٹ پرواز کی جانب ہے۔

 

[نبیل]

اطلاعات کے مطابق سٹارشپ کی ٹیسٹ پرواز بڑی حد تک کامیاب رہی ہے۔ ہوا کچھ یوں ہے کہ سٹارپ سیریل 8 نے کامیابی سے مطلوبہ بلندی تک پرواز کی اور اس کے بعد لانچنگ پیڈ پر واپسی کا سفر بھی درست نشانے کے ساتھ طے کیا۔ لیکن جب واپسی کے تمام مراحل طے ہو گئے تو یکبارگی دھماکے کی آواز آئی اور سٹاشپ شعلوں میں گھر گئی۔ دھول کچھ صاف ہوئی تو سٹارشپ گری نظر آئی۔ اس طرح کہا جا سکتا ہے کہ ٹیسٹ پرواز کا یہ مشن 95 فیصد کامیاب رہا ہے۔ امید ہے کہ اگلی ٹیسٹ پروازیں اس سے بھی زیادہ کامیاب رہیں گی۔

 

[شمشاد]

نبیل بھائی اس کی کوئی ویڈیو ہو تو شیئر کریں۔

 

[نبیل]

سپیس ایکس کے یوٹیوب چینل پر ویڈیو میں اسے ایک گھنٹہ 48 منٹ آگے کر دیکھا جا سکتا ہے:


مختصر ورژن کے لیے یہ ویڈیو دیکھی جا سکتی ہے: