سُپر میکرو: (میرے تجربے)

السلام علیکم،

سُپر میکرو، یعنی انتہائی کلوز اَپس، میرا پَیشن لیکن پر ہائے میرے شوق کہ میری اوقات سے باہر، لیکن پھر بھی ہمت نہیں ہارتا اور اپنے وسائل کے اندر رہ کر کوشش کرتا رہتا ہوں اور انہی وسائل میں رہتے ہوئے اچھے وسائل والے ایکیوپمنٹس کے جیسے رزلٹ کی کوشش کرتا رہتا ہوں۔ میرے پاس کیمرہ ریل والا ہو یا ڈیجیٹل، پوائنٹ اینڈ شُوٹ ہو یا سیمی پروفیشنل یا پروفیشنل میں نے ہمت نہیں ہاری۔

میکرو اور سپر میکرو تو بہت سے کیمروں میں ہوتا ہے لیکن میرا شوق اس سے بھی کچھ آگے کا ہے۔ ایک دو چیزیں کم ہیں جو کہ ای بے پر دستیاب ہیں کوشش کرتا ہوں کہ وہ حاصل کر لوں پھر مزید بہتر نتائج کے ساتھ آپ کے سامنے اپنے تجربے پیش کر سکوں گا۔

ایک غلاف کا کلوز اَپ

 

اِن دی ایرینا
سب سے چھوٹی والی جو چیونٹی ہوتی ہے ان کے درمیان ہوئی جنگ کی تصویریں






ذرا یہاں دیکھیں نیچے اور اوپر والے دھڑ کے بیچ کا سٹرکچر کیسا ہے

 

گھروں میں پائی جانے والی عام مکھی


کاش لائٹ کا کچھ بہتر بندوبست ہو سکتا

 

بہت خُوب امجد بھائی

 

چینی کا ایک دانہ

 

میرے پاؤں پہ بال ؛)



میرے شارٹ کا کلوز اَپ، ایک بہت مزے کی بات یہ ہے کہ فل سائز میں تصویر دیکھنے پہ اند کی جلد اور بال بھی نظر آ رہے ہیں دھاگوں کے اتنے کم فاصلے سے بھی جو کہ عام آنکھ سے دیکھنا ممکن نہیں

 

کچھ فار کلوز اَپس

ہماری انگور کی بیل کا پتہ


انگور کی بیل کا ایک اور پتہ


انگول کی بیل کا ایک سوکھتا ہوا پتہ

 

ویسے ہی سب سے چھوٹی چیونٹیوں میں سے ایک رات کو بھی رزق کی فکر میں مصروف

 

یہ بھائی صاحب تو آج کل راتوں کو آ دھمکتے ہیں جگہ جگہ

 

کاپی کے صفحے پہ چھوٹی چیونٹی کے کلوز اَپس
تنگ لائین والی کاپی ہے لائنیں نظر آ رہی ہوں گی آپ کو

 

بڑی والی چیونٹی

 

مکھی صاحبہ سب سے اچھی ماڈل ثابت ہوتی رہیں کہ درخواست پر عمل کرتے ہوئے پوز بھی دیتی رہیں حسب منشاء

 

یہاں مجھے مجبوراً ایک عدد قتل کرنا پڑا،
مکھی پر تجربے سے جو چیز سامنے آئی وہ یہ کہ پوری طرح فوکس نہ کر سکنے کے باوجود ہر شاٹ پہ اس کے جسم کے ایک نئے گوشے کی باریکیاں سامنے آتی رہیں

 

بیل کی بالی یا رنگ یا پتہ نہیں کیا جو سپرنگ کی طرح ہوتے ہیں بیلوں پہ لگے ہوئے

 

ایک اور شریر ماڈل

 

پھپوندی، الجائی یا کائی شاید یہی کہتے ہیں گیلی یا نم مٹی پہ لگی اس ہری تہہ کو تو ذرا قریب سے دیکھیں تو اس کے بھی پتے ہیں جناب

اس اس پہ جو آپ کو لمبی لمبی مونچھوں والے یہ ہیرو نظر آ رہے ہیں آپ یقین کریں کے یہ ایک نقطے برابر ہوتے ہیں اور اکثر واش روم یا نلکوں کے آس پاس نم جگہ پہ دیوار کے ساتھ چپکے ہوئے پائے جاتے ہیں اور اکثر آنکھوں میں گھسنے کی کوشش کرتے ہیں۔ وہ مٹیالا سا نقطہ دیکھیں تو نقش و نگار بھی لیے ہوئے ہے۔

 

پودا دیکھ کر تو آپ سمجھ گئے ہوں گے کہ یہ اسٹرا بیری کا ہے اور شاید ساتھ لگی بھی ہوئی ہے لیکن جناب یہ اصل اسٹرابیری نہیں بلکہ اس کی پینڈو اور جنگلی بہن ہے، یہ نم مٹی میں خود ہی اگ آتی ہے، ویسی میٹھی اور کھٹی تو نہیں ہوتی لیکن اپنے اندر ٹھنڈے ٹھار پانی کی چند بُوندیں سموئی ہوتی ہے لیکن زیادہ سبزے والے علاقوں میں اور مجھے تایانے بتایا تھا کہ جب وہ بچپن میں باقی بچوں کے ساتھ پہاڑوں پہ مویشی چَرانے لے جایا کرتے تھے اور شدید پیاس میں اس کو ڈھونڈ کر اس سے اپنی پیاس بجھایا کرتے تھے۔

 

ایک کوشش کرتا ہوا فوٹو گرافر اپنی بیٹی کی نظروں میں

 

لو جی ہماری سپر ماڈل آ گئیں سیشن پہ
صرف ایک فوٹو کھنچوانے

 

انگور کے پتوں پہ تھوڑا اور تجربہ ہو جائے