سنتا ہے کون حال پریشاں تِرے بغیر - سعید الہ آبادی

[کاشفی]

​

غزل​

​

(سعید الہ آبادی)​

​

سنتا ہے کون حال پریشاں تِرے بغیر​

سُونی پڑی ہے انجمن جاں تِرے بغیر​

​

تیرے بغیر کچھ بھی نہیں لذتِ حیات​

منزل ہے مجھ کو شامِ غریباں تِرے بغیر​

​

کس سے کریں سوال کسے دیں دعائے خیر​

ویراں ہے آج محفلِ رنداں تِرے بغیر​

​

ڈر ہے کہیں‌فضا میں نہ رہ جائے گونج کر​

تھرا رہا ہے نعرہء مستاں تِرے بغیر​

​

تیرے بغیر جان بھی کس طرح دے سعید​

دشوار ہے یہ مشکل آساں تِرے بغیر​