صد آفرین و تحسین ! اللہ کریم آپ کو خوش رکھے! ہر مشکل پریشانی سے بچائے!
ظہیراحمدظہیر صاحب، آپ سے پہلے بھی درخواست کی تھی، دوبارہ عرض کر رہا ہوں کہ آپ ہم لوگوں کے ساتھ مل کر پروف خوانی میں حصہ کیوں نہیں لیتے۔ کتابوں پر آپ کی نظرثانی بہت مدد دے سکتی ہے۔صد آفرین و تحسین ! اللہ کریم آپ کو خوش رکھے! ہر مشکل پریشانی سے بچائے!
اردو کی پرانی کتب کو یونیکوڈ میں ٹائپ کرنے اور برقیانے کی جو بے غرض خدمت آپ اور آپ کے رفقائے کار کررہے ہیں اس کو جتنا سراہا جائے کم ہے ۔ اس خدمت کا صلہ اوپر والا ہی دے سکتا ہے ۔ ہم تو آپ کو ایک کلمۂ حوصلہ افزا اور ایک حرفِ دعا ہی دے سکتے ہیں سو وہ حاضر ہے ۔
ایک معمولی سی بات یہ کہ اپنے مراسلے میں ترمیم کرلیجئے ۔ ویسے تو اس کو بے نقط زبان کہنا درست ہے لیکن اب یہ متروک ہوچلا ہے ۔ بہتر ہے کہ اس کہانی کوبے نقط کے بجائے غیرمنقوط کہیئے ۔ بے نقط تو آپ جانتے ہی ہیں کہ کسے کہتے ہیں ۔
"اردو کی اولین۔۔۔۔۔۔" کا سلسلہ پیش نظر ہے۔ مثلاً اردو کی پہلی غیر منقوط کتاب، اردو کا پہلا ناول، اردو کا پہلا ڈراما۔ آپ سے درخواست ہے کہ اس سلسلہ کی مزید کتابوں کی جانب رہنمائی فرمائیں۔صد آفرین و تحسین ! اللہ کریم آپ کو خوش رکھے! ہر مشکل پریشانی سے بچائے!
اردو کی پرانی کتب کو یونیکوڈ میں ٹائپ کرنے اور برقیانے کی جو بے غرض خدمت آپ اور آپ کے رفقائے کار کررہے ہیں اس کو جتنا سراہا جائے کم ہے ۔ اس خدمت کا صلہ اوپر والا ہی دے سکتا ہے ۔ ہم تو آپ کو ایک کلمۂ حوصلہ افزا اور ایک حرفِ دعا ہی دے سکتے ہیں سو وہ حاضر ہے ۔
ایک معمولی سی بات یہ کہ اپنے مراسلے میں ترمیم کرلیجئے ۔ ویسے تو اس کو بے نقط زبان کہنا درست ہے لیکن اب یہ متروک ہوچلا ہے ۔ بہتر ہے کہ اس کہانی کوبے نقط کے بجائے غیرمنقوط کہیئے ۔ بے نقط تو آپ جانتے ہی ہیں کہ کسے کہتے ہیں ۔
شمشاد بھائی ، یہی تو عرض کیا تھا کہ بے نقط پرانی زبان ہے ، متروک ہوگئی ہے ۔ اب غیرمنقوط کہا جاتا ہے ۔ جو الفاظ پرانی کتابوں میں استعمال ہوئے ہیں ظاہر ہے انہیں تو نہیں بدلا جاسکتا ، وہ تو جوں کے توں ہی رہیں گے لیکن اپنے مراسلوں میں غیر منقوط کا لفظ استعمال کرنا چاہئے کہ اب یہی رائج ہے ۔ بے نقط عام طور پر " بے نقط سنانا" کے محاورے میں استعمال ہوتا ہے اور اس کا مطلب گالیاں دینا ، برا بھلا کہنا ہے ۔
محب بھائی ، معذرت خواہ ہوں ۔ اس سے پہلے یہ بات نظر سے نہیں گزری ورنہ جواب ضرور دیتا ۔ جو کام آپ اور آپ کی ٹیم کررہی ہے وہ بلاشبہ بہت اہم اور بہت بڑا کام ہے ۔ اسے سراہنے کے لئے الفاظ نہیں ۔ بخدا اگر میرے پاس وقت ہوتا تو میں ضرور اس کام میں آپ کا ہاتھ بٹاتا ۔ بدقسمتی سے کلینک اور گھر کی مصروفیات اس نوعیت کی ہیں کہ باقاعدہ وقت نکالنا ممکن نہیں ۔ کچھ غیر متوقع سے اوقاتِ کار ہیں میرے ۔ بعض دفعہ تو ہفتوں بلکہ مہینوں محفل پر نہیں آپاتا جبکہ آپ لوگ ایک لگے بندھے نظام پر پابندی سے چل رہے ہیں ۔ ایسی صورت میں میری شرکت مدد کے بجائے راہ کا روڑا ثابت ہوگی ۔ پروف خوانی تو باقاعدہ لگ کر بیٹھنا مانگتی ہے ۔ میں نہیں چاہتا کہ خدانخواستہ آپ کا یہ رواں دواں پراجیکٹ کسی کی وجہ سے بیچ میں لٹک جائے ۔ سو میری معذرت قبول کیجئے ۔ مجھے یہ لکھتے ہوئے شرمندگی ہورہی ہے لیکن یہ شرمندگی اس سے کہیں بہتر ہے کہ یہ اہم کام میری وجہ سے سست پڑجائے اور دوسرے کارکنوں کی رفتار بھی آہستہ کردے ۔
یہ تو بہت ہی اچھا سلسلہ شروع کررہے ہیں آپ ۔ جیسے جیسے کچھ یاد آئے گا میں ضرور آپ کے علم میں لاؤں گا ۔ اردو کا پہلا صاحبِ دیوان شاعر قلی قطب شاہ کو مانا جاتا ہے ۔ ان کا شعری مجموعہ میری نظر سے نہیں گزرا ۔ اس پر کچھ تحقیق کرتا ہوں۔ اگر مل گیا تو آپ کو مطلع کروں گا ۔ اردو کا پہلا مطبوعہ دیوان ولی دکنی کا ہے اور عام ملتا ہے۔ میرے علم کے مطابق یہ ابھی تک یونیکوڈ میں دستیاب نہیں ہے ۔ ڈپٹی نذیر احمد دہلوی کا ناول مرأۃ العروس بھی اردو کلاسیک میں شمار ہوتا ہے اور اردو کا پہلا مطبوعہ ناول مانا جاتا ہے ۔ سیرت رسول اکرم صلی اللہ علیہ وسلم پر اردو کی پہلی غیر منقوط کتاب ولی محمد رازی نے "ہادیِ عالم" کے نام سے لکھی تھی ۔ یہ تو شاید یونیکوڈ میں دستیاب ہو ۔