سفرِ سوات۔ 2016

[یاز]

مٹلتان نامی گاؤں کے نزدیک کا علاقہ بہت ہی خوبصورت ہے۔

 

[یاز]

مٹلتان میں ندی کنارے ڈرائیور صاحب نے چائے کا وقفہ کیا، جس دوران ہم نے جی بھر کے تصویرکشی کی۔

 

[قیصرانی]

قیصرانی بھائی! کچھ تفصیل درج ذیل ہے۔
راولپنڈی سے مینگورہ: تقریباً ساڑھے چار گھنٹے۔ سوائے تخت بھائی کے (سالوں سے) زیرِ تعمیر فلائی اوور کے باقی تمام سڑک کی حالت بہت اچھی ہے۔ صرف کچھ جگہوں پہ رش کی وجہ سے مسئلہ ہو سکتا ہے جیسے مینگورہ، بٹ خیلہ، مردان وغیرہ میں۔
مینگورہ سے بحرین: تقریباً ڈیڑھ گھنٹہ۔ سڑک زیادہ تر جگہوں پہ بہترین حالت میں ہے۔
بحرین سے کالام: تقریباَ اڑھائی سے پونے تین گھنٹے۔ سڑک کی حالت بدترین ہے۔ تاہم کوئی بھی گاڑی اس پہ جا سکتی ہے۔ فور وہیل ڈرائیو کی خاص ضرورت نہیں ہے۔ سوزوکی ڈبہ تک بآسانی جا سکتا ہے۔
کالام سے مہوڈنڈ: اڑھائی سے تین گھنٹے۔ ٹریک کی حالت سیزن کے ساتھ ساتھ بہتر ہوتی جاتی ہے۔ جب راستے کے گلیشیئر پگھل جاتے ہیں تو کاریں بھی مہوڈنڈ تک چلی جاتی ہیں۔ اس سے پہلے فور وہیل ڈرائیو ہی بہتر آپشن ہے۔ اس کے باوجود میں نے وہاں لوگوں کو اپنی کاریں حتی الامکان آگے تک لے جاتے دیکھا۔

بحرین سے خواض خیلہ: تقریباً ڈیڑھ گھنٹہ۔ سڑک کی حالت کافی بہتر۔ یہ وہی سڑک ہے جو مینگورہ سے بحرین تک جاتی ہے۔
خواض خیلہ سے بشام براستہ شانگلہ پاس: اڑھائی سے تین گھنٹے۔ نوے فیصد سے زیادہ جگہ پہ سڑک بہت عمدہ حالت میں ہے۔ بعض مقامات پر سیلاب سے کٹاؤ کی وجہ سے سڑک خراب ہے، لیکن یہ مقامات بہت تھوڑے ہیں اور کوئی بھی تیس چالیس میٹر سے زیادہ طویل نہیں ہے۔
بشام سے راولپنڈی: یہ قراقرم ہائی وے کا راستہ ہے۔ سڑک کی حالت انتہائی شاندار ہے۔ لیکن شنکیاری سے مانسہرہ تک بے تحاشا رش ہوتا ہے، اور مانسہرہ سے ایبٹ آباد تک بے تحاشا ترین رش ہوتا ہے۔ اور ایبٹ آباد سے حسن ابدال تک تو رش ہوتا ہی ہے۔ اسی رش کی وجہ سے یہ راستہ تقریباَ 6 سے 7 گھنٹے میں طے ہوتا ہے۔

نوٹ: میں تصویری مراسلوں میں سڑکوں کی تصاویر بھی شامل کر رہا ہوں، جس سے سڑک کی عمومی حالت کا کافی حد تک اندازہ لگ سکتا ہے۔

شکریہ

 

[یاز]

مناظر ایسے ایسے کہ بندہ بس دیکھتا ہی جائے۔

 

[یاز]

ایک اور "میلا" گلیشیئر کراس کرتے ہوئے

 

[یاز]

یہ وہ آبشار ہے جو مہوڈنڈ کے راستے کا مشہور لینڈ مارک ہے۔ اچھے وقتوں میں یہاں بہت رونق ہوا کرتی تھی۔ کچھ منچلے عین آبشار کے نیچے کھڑے ہو کر نہایا بھی کرتے تھے۔ فی الحال اس آبشار کے عین سامنے ایک بڑا سا گلیشیئر براجمان تھا، لہٰذا اس کو دور سے ہی سلام کہہ کر آگے بڑھنا پڑا۔

 

[یاز]

ندی کے دوسری جانب بھی ایک آبشار دکھائی دی

زوم ان کر کے

 

[یاز]

ایک اور گلیشیئر کراس کرنے کی تیاری۔ یہ گلیشیئر بھی "میلا" تھا۔

 

[یاز]

آخرکار ایک نسبتاً صاف گلیشیئر بھی دکھائی دیا

زوم ان تصویر میں آبشار بھی واضح دیکھی جا سکتی ہے۔

 

[یاز]

اور بالآخر ایک مکمل اجلا دودھیا رنگت کا گلیشیئر بھی آ ہی گیا۔

 

[یاز]

 

[یاز]

راستے میں ایک چشمہ آیا جو مقامی لوگوں میں چشمہ شفا کے نام سے مشہور ہے۔ یعنی اس کے پانی پینے سے بیماریاں وغیرہ دور ہوتی ہیں۔ لوگ یہاں سے پانی کی بوتلیں بھر کے لے جا رہے تھے۔ ویسے اس کا پانی انتہائی صاف تھا اور ذائقہ بھی بہت اچھا تھا۔

سلو شٹر سپیڈ سے (سپیڈ زیادہ کم نہیں کی کہ سٹینڈ لگانے میں وقت ضائع کرنا پڑتا)۔

 

[یاز]

اسی جگہ سے دریا کے دوسرے جانب کا منظر

زوم ان کر کے

 

[یاز]

مہوڈنڈ کے نزدیک پہنچتے ہوئے مناظر مزید دلفریب ہوتے جاتے ہیں۔

 

[یاز]

کشورِ حسین شاد باد

 

[زیک]

اجلا دودھیا رنگت کا گلیشیئر بھی آ ہی گیا۔

گلیشیئر کا بہترین رنگ تو نیلا ہوتا ہے۔

 

[یاز]

مہوڈنڈ کے آغاز سے کچھ ہی پہلے ایک بڑا سا گلیشیئر راستہ روکے موجود تھا۔ جیپیں بھی اس کو مشکل سے ہی عبور کر پا رہی تھیں۔

گلیشیئر کے ساتھ سے گزرتی ندی

 

[یاز]

گلیشیئر کا بہترین رنگ تو نیلا ہوتا ہے۔

نیلے گلیشیئر کی تو ابھی تک زیارت نہیں کی، البتہ ہنزہ سے آگے سیاہ رنگت کے گلیشیئر کافی دیکھے ہیں۔

 

[یاز]

اور آخرکار مہوڈنڈ پہنچ ہی گئے۔ مہوڈنڈ حسین و جمیل است۔

 

[یاز]

مزید مہوڈنڈ است
کشورِ حسین شاد باد وغیرہ بھی