سعادت بھائی کا انٹرویو

[لاریب مرزا]

اگلا سوال: شعر و شاعری یا موسیقی؟؟

 

[نبیل]

دس ناموں کے لیے تو نہیں، البتہ ستانوے نام پورے کرنے کے لیے یقیناً اِدھر اُدھر کا رُخ کرنا پڑے گا!

اب ستانوے کے عدد کا راز بھی بتا دیں۔

 

[ربیع م]

اب ستانوے کے عدد کا راز بھی بتا دیں۔

اب تو محض 85 محفلین کے نام لکھنے پڑیں گے.

 

[عبداللہ محمد]

اب تو محض 85 محفلین کے نام لکھنے پڑیں گے.

کافی آسان ہے @ لکھ کر آگے ا ب پ وغیرہ لکھیں فہرست سے پسندیدہ نام چُنیں- رپیٹ * 85

 

[محمد شعیب]

اب ستانوے کے عدد کا راز بھی بتا دیں۔

اس وقت ہزار مراسلے مکمل کرنے کے لیے اتنے مراسلے درکار تھے۔

 

[سعادت]

اگلا سوال: شعر و شاعری یا موسیقی؟؟

کسی زمانے میں دونوں کا کافی شوق تھا۔ اب موسیقی کا پلہ بھاری ہے، اور اس میں بھی گائیکی کم اور فلموں وغیرہ کے ساؤنڈٹریکس زیادہ سنتا ہوں۔

 

[سعادت]

اب ستانوے کے عدد کا راز بھی بتا دیں۔

ملاحظہ کیجیے:

اس وقت ہزار مراسلے مکمل کرنے کے لیے اتنے مراسلے درکار تھے۔

 

[سعادت]

ریپ اور victim blaming سے متعلق ایک لڑی تھی۔ اندیشۂ نقصِ امن کے تحت بہتر ہے کہ دفن ہی رہے۔

محمد شعیب : ناقص املا کی نشاندہی بھی تو کرتے جائیے۔

 

[سعادت]

اور میں آج تک آپ کے متعلق (نجانے کیوں) یہی سمجھتا رہا کہ آپ شاید برطانیہ یا پاکستان سے باہر کسی ملک میں مقیم ہیں۔

دلچسپ!

 

[عبداللہ محمد]

محمد شعیب : ناقص املا کی نشاندہی بھی تو کرتے جائیے۔

ابھی تو مضحکہ خیزی کا بم گرے گا بھائی!-

 

[اے خان]

دوسرا ذرا باغی طبیعت رکھتا ہے، اِدھر اُدھر چھلانگیں لگانے اور کھڑکیوں سے لٹکنے کا شوقین ہے، لیکن نجانے کیوں جھولوں وغیرہ کے معاملے میں کنزرویٹِو ہے۔ گلا پھاڑ کر گانا گانے کے دونوں ہی شوقین ہیں۔

واه میرا جڑواں بھائی بھی بچپن ایسا ہی تھا. بچپن میں بہت شرارتی تھا. اب تو پتہ نہیں کیا روگ پالا ہے. بالکل خاموش ہوگیا ہے.

 

[لاریب مرزا]

کسی زمانے میں دونوں کا کافی شوق تھا۔

اچھا، یعنی شعراء کی بھی کچھ جان پہچان ہے آپ کو۔
کوئی سے پانچ شعراء کا کوئی بھی ایک ایک شعر لکھیے۔

نوٹ: وہی۔۔۔ ہر شعر کے لیے ایک الگ مراسلہ ہونا چاہیے۔

سرگوشی

اگر آپ ہمارے سوالات سے کوفت میں مبتلا ہو رہے ہیں تو اس کے لیے کوئی معذرت نہیں۔

 

[لاریب مرزا]

واه میرا جڑواں بھائی بھی بچپن ایسا ہی تھا. بچپن میں بہت شرارتی تھا. اب تو پتہ نہیں کیا روگ پالا ہے. بالکل خاموش ہوگیا ہے.

آپ دونوں جڑواں ہیں۔ تو جو روگ آپ کو لگا ہے وہی ان کو بھی لگا ہو گا۔

 

[سعادت]

واه میرا جڑواں بھائی بھی بچپن ایسا ہی تھا. بچپن میں بہت شرارتی تھا. اب تو پتہ نہیں کیا روگ پالا ہے. بالکل خاموش ہوگیا ہے.

اُسے بھی محفل پر لے آئیں۔ احباب مل کر ٹھیک کر دیں گے۔

 

[سعادت]

اچھا، یعنی شعراء کی بھی کچھ جان پہچان ہے آپ کو۔
کوئی سے پانچ شعراء کا کوئی بھی ایک ایک شعر لکھیے۔

اب یہ انٹرویو امتحانی پرچہ بنتا جا رہا ہے! (اگلے سوال میں ان اشعار کی تشریح طلب کرنے کا ارادہ تو نہیں؟ )

سرگوشی

اگر آپ ہمارے سوالات سے کوفت میں مبتلا ہو رہے ہیں تو اس کے لیے کوئی معذرت نہیں۔

سرگوشی

کوفت کی تو کوئی بات نہیں۔

 

[سعادت]

کوئی سے پانچ شعراء کا کوئی بھی ایک ایک شعر لکھیے۔

لیجیے۔ یادداشت کے سہارے لکھ رہا ہوں۔ غلطی ہو جائے تو نمبر مت کاٹیے گا۔

؎ سرہانے میرؔ کے آہستہ بولو
ابھی ٹک روتے روتے سو گیا ہے

 

[سعادت]

کوئی سے پانچ شعراء کا کوئی بھی ایک ایک شعر لکھیے۔

؎ کیفیتِ چشم اس کی مجھے یاد ہے سوداؔ
ساغر کو مرے ہاتھ سے لینا کہ چلا میں

 

[سعادت]

کوئی سے پانچ شعراء کا کوئی بھی ایک ایک شعر لکھیے۔

؎ طاعت میں تا رہے نہ مے و انگبیں کی لاگ
دوزخ میں ڈال دو کوئی لے کر بہشت کو

(غالبؔ)

 

[سعادت]

کوئی سے پانچ شعراء کا کوئی بھی ایک ایک شعر لکھیے۔

؎ سورج نے جاتے جاتے شامِ سیہ قبا کو
طشتِ افق سے لے کر لالے کے پھول مارے

(اقبالؔ)

 

[سعادت]

کوئی سے پانچ شعراء کا کوئی بھی ایک ایک شعر لکھیے۔

؎ نہ گنواؤ ناوکِ نیم کش، دلِ ریزہ ریزہ گنوا دیا
جو بچے ہیں سنگ سمیٹ لو، تنِ داغ داغ لُٹا دیا

(فیضؔ)