الشفاء
لائبریرین
ساڈے ول سوہنیا نگاہواں کدوں ہونڑیاں
دَسّو منظور ایہہ دعاواں کدوں ہونڑیاں
ساڈے ول سوہنیا۔۔۔
اک اک ذرّے وچ رکھیاں شفاواں نے
بوسے تیرے قدماں نوں دِتّے جنہاں راہوں نے
ساڈیاں نصیباں وچ اوہ راہواں کدوں ہونڑیاں
ساڈے ول سوہنیا نگاہواں کدوں ہونڑیاں
رو رو ساری عمر جدائیاں وچ گالی اے
ہُنڑ ساڈی زندگی دی شام ہونڑ والی اے
معاف ماہی ساڈیاں خطاواں کدوں ہونڑیاں
ساڈے ول سوہنیا نگاہواں کدوں ہونڑیاں
تِکھیاں جدائیاں دیاں دُھپّاں دل ساڑیا
اینی گل دس دے او خدائی دیا لاہڑیا
دُھپّاں کدوں مُکڑیاں تے چھاواں کدوں ہونڑیاں
ساڈے ول سوہنیا نگاہواں کدوں ہونڑیاں
عشق دے بیماراں نوں دارُو کوئی نئیں چاہی دا
ایہناں دا علاج اے دیدار سوہنے ماہی دا
عشق دے بیماراں نوں شفاواں کدوں ہونڑیاں
ساڈے ول سوہنیا نگاہواں کدوں ہونڑیاں
آقا ایہو سدھراں نے سینے وچ پا لیاں
چُمّاں گا میں جا کے کدوں روضے دیاں جالیاں
سجن اُتّے تیریاں عطاواں کدوں ہونڑیاں
ساڈے ول سوہنیا نگاہواں کدوں ہونڑیاں
ساڈے ول سوہنیا نگاہواں کدوں ہونڑیاں
دسّو منظور ایہہ دعاواں کدوں ہونڑیاں
۔۔۔
صل اللہ علیک وسلم یا سیدی یا حبیبی یا مولائی یا رسول اللہ۔۔۔
دے نال تہڈی اس محبت نو ہمیشہ قائم و دائم رکھے
