زیرک دی پسندیدہ پنجابی، سرائیکی، پوٹھواری تے ہندکو شاعری

زیرک نے 'پنجابی فورم' کی ذیل میں اس موضوع کا آغاز کیا، ‏جنوری 21, 2019

  1. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    میں عشقے نوں قبلہ کیتا، تُوں کی کیتا؟
    چنگا کیتا ماڑا کیتا، تُوں کی کیتا؟
    گال نئیں کڈی سر نہیں پاڑے شعر لخے بس
    اپنے نال ای جھگڑا کیتا، توں کی کیتا
    وال ودھا کے جگ نوں اپنے پچھے لا کے
    میں تے یار ڈرامہ کیتا، توں کی کیتا؟
    ماں بولی دے نام تے جھوٹھے فنکشن کر کے
    ماں بولی دا سودا کیتا، توں کی کیتا؟

    علی زریون​
     
  2. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    نواں سویرا

    اک وعظاں منبر والَیاں، ساڈے سینے دِتّے چیر
    اک چوٹھے پنتھ پجاریاں، ساڈی ہک وچ مارے تیر
    اساں جہنوں دردی جانیا، اوہنے دتّے درد اخیر
    اساں اپنے ای گھر وچ اوبڑے،ساڈے جثّے لیر و لیر

    اساں ہاری کمّی کامڑے، اساں موچی تے ترکھان
    اساں کل وی نیچ ملیچھ ساں، تسی جنماں دے پردھان
    ساڈے بُلّاں کلّر جمّیا،تساں گنگا دے اشنان
    جہڑا ساڈے پرکھاں ویکھیا او کتھّے پاکستان؟

    اوس آکھیا وارث شاہ نوں "کتے قبراں وچوں بول"
    میں آکھاں امرت پریت نوں، آ مائیں دکھ پھرول
    ساڈی دِھیاں اِٹّاں کھاندیاں، سانوں کُتے کرن مخول
    ساڈے شملے پرزے ہو گئے، ساڈے گھبرو دتّے رول

    ساڈے لیکھت غیرت ویچ کے،سب رَل گئے شاہاں نال
    ساڈے ساحر جالب مر گئے، ساڈا کسے ناں پچھیا حال
    اساں لہو دا مڑھکا چھڑکیا، اساں کھیڈی رت دھمال
    ساڈی فصلاں گِدّڑ کھا گئے، ساڈے پُکھّے مر گئے بال

    ایہہ نھیر بتھیرا ہو گیا، بس ہن نئیں سہنے پھٹ
    ایہہ بوڑھ قدیمی ظلم دے اسیں مڈّوں دینے پٹ
    اٹھ وِیر کساناں سوہنیاں تے دانے اپنے وٹ
    اٹھ مزدوراں دیا ہانیاں ہن دیر ناں کوئی جھٹ

    علی زریون​
     
  3. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    باپ گھراں دی راکھی کردے بن کےخود رکھوالے
    قدر پچھانن باپ دی جہڑے لوگ نصیباں والے
    روز مشقت کر کے بھاویں پین ہتھاں تے چھالے
    لباں تے ہاسے رکھ کے پیؤ بچیاں نوں پالے​
     
  4. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    ایہہ جیون اک گورکھ دھندا
    ایہہ بازار ہمیشہ مندا
    مُک جاونڑ گے سارے جھیڑے
    یاراں نے جد پھیریا رندا
    عشق نے گل وچ ہار پوایا
    سمجھو گاٹے پئے گیا پھندا
    ساڈے متھے عشق دیاں لیکاں
    تینوں ملیا مانڑ حسن دا
    قدر شناس جے ٹُر نہ جاندے
    گلیاں وچ کیوں رُلدا بندا

    واصف علی واصف​
     
  5. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    الف الله دی رمز انوکھی عقلاں نال نہ مِلدا
    عقلاں والا مرد وچارہ، نامحرم منزل دا
    الله نیڑے ہوندا اے جد سجدہ ہووے دل دا
    واصؔف یار! الله نوں لبھنا کم نئیں عاقل دا

    واصف علی واصف​
     
  6. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    چوکھا منافقانہ رنگ

    پنجو وقت نمازاں پڑھ کے
    دُدھ وچ پانی پائی جاؤ
    سُور تے سُود نوں ہتھ نئیں لانا
    رشوت دَب کے کھائی جاؤ
    مار کے ہندو، سکھ، عیسائی
    جنت روز کمائی جاؤ
    اقلیتاں دے پرمٹ اُتّے
    دارُو دے گُھٹ وی لائی جاؤ​
     
  7. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    کسے تاج محل دا مالک نہ
    میں جھگیاں دا سلطان آں
    عام انسان آں
    بس کول وفا دا مکتب ہے
    لجپالیاں دا عنوان آں
    عام انسان آں
    کسے ہیر دا رانجھا ہاں کوئی نئیں
    نہ سسی دا میں خان آں
    عام انسان آں
    ہِن درد میرے وی سینے وچ
    کدوں وقت دا میں لقمان آں
    عام انسان آں​
     
  8. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    مومن ویکھ مینوں کر دے اللہ اللہ
    ہندو ویکھ مینوں رام رام کر دے
    سالک تکدیوں پڑھن سبحان اللہ
    مست ویکھ مینوں جام جام کر دے
    اہلِ بت خانہ پُوجن بت میرا
    حاجی کعبہ وچ مینوں امام کر دے
    دائم دین ایمان دا سر صدقہ
    مینوں کافر وی پئے سلام کر دے

    دائم اقبال دائم​
     
  9. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    پُتر پریت تروڑے جو ما پیو دی
    اس تھیں چنگی غریبنڑی دھی بچیا
    دائم اس بیوپار تھیں دس بچیا
    تینوں کی بچیا، مینوں کی بچیا

    دائم اقبال دائم​
     
  10. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    مکے جاویں تے پتھر پوجیں
    گنگا جاویں تے پانڑیں
    چل بلھیا کج ایداں دا کرئیے
    مُک جاوے آنڑیں جانڑیں

    بابا بلھے شاہ​
     
  11. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    مینوں عشق دا کوئی پیر دسو
    جیہڑا وچھڑے یار ملاوندا اے
    گل لاکے ٹٹے عاشقاں نوں
    جیہڑا عشق دا درد مکاوندا اے
    جیہڑا جانڑدا دکھ وچھوڑے دا
    جیہڑا دلاں دے میل کراوندا اے
    جیہڑا عشق ہوس دا فرق سمجھے
    جیہڑا پاک محبت پچھانڑدا اے
    دس دے پتا اوس پیر دا مینوں
    جیہڑا یار دے نال رب وی ملاوندا اے​
     
  12. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    سارے گھراں نوں جنہاں روشن کرنا نہیں
    ایہو جہے مجبور اجالے، کی کریئے؟
    ساڈے تاں سبھ جذبے پتھر ہو گئے نے
    شام، سویرے، دھپاں، پالے کی کریئے؟
    عمران سلیم​
     
  13. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    میرے ہتھیں چھالے پئے مزدوری نال
    فر وی نہیوں بھریا چھناں چوری نال
    خوشیاں نال نہیں چھڈی اپنی جمّن بھوں
    تیرے شہر 'چ آیا واں مجبوری نال
    میرے نالوں کوہجھا پُتر لمبڑاں دا
    دھرتی اتے پھردا اے مغروری نال
    بھگت سنگھ تے دُلا، جبرو میرا لہو
    کنجھ کھلوواں غزنی تے تیموری نال
    میرا قلم قبیلہ اوہناں وچوں نئیں
    اکھر جہڑے لکھدے نے منظوری نال
    شیشے ولے کر کے کنڈ کھلونا نئیں
    جنا مرضی ویکھو مینوں گھوری نال
    بابا اوہ وی سوچے میرے بالاں لئی
    جس دا کھیسا بھرنا واں کستوری نال

    بابا نجمی​
     
  14. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    ایہو جیہی کمزور حکومت بابا جی
    ویکھی نئیں کوئی ہور حکومت باباجی
    پچھلی نال وی ساڈا ایہو رولا سی
    ایہہ وی پکی چور حکومت بابا جی

    بابا نجمی​
     
  15. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    میں پڑھ پڑھ ورقے شکلاں دے
    تے رنگ برنگیاں عقلاں دے
    بس بھید اکو ای پایا اے
    بس ایہو سمجھ 'چ آیا اے
    ایتھے اوہدا پلہ بھاری اے
    جدی صبر اُتے سواری اے
    جہڑا راضی رہن توں اکیا نہیں
    جہڑا اُچیاں نال تے رہندا اے
    پر نِیواں ہو کے بیہندا اے
    جو رب نوں راضی کر جاندا
    اوہ ڈُبیا ہویا وی تر جاندا​
     
  16. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    نہ وی ہوون تاں وی سوہنے لگدے نیں
    کُجھ بندیاں دے ناں وی سوہنے لگدے نیں
    دِل وِچ ہووے آس کِسے دے آون دی
    اودوں کالے کاں وی سوہنے لگدے نیں
    رب دی قسمے! رُکھ سجناں دے ویڑھے دے
    دین نہ بھاویں چھاں وی، سوہنے لگدے نیں​
     
  17. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    توتیا وے سانوں نہ ستا

    باغ دے وے والیاں نوں
    پُچھدا نہیں مالیاں نوں
    سُکھ مُڈھوں پُٹ لیندا
    ہاسیاں نوں لُٹ لیندا
    لگدا ای جہدا ایتھے داء
    توتیا وے سانوں نہ ستا

    ارشاد سندھو​
     
  18. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    پا کے جِند وی گہنے بھلیو
    کُجھ لہنے نہیں لہنے بھلیو
    اک اک سُکھ لئی سوسو ایتھے
    دُکھ پیندے نیں سہنے بھلیو

    ارشاد سندھو​
     
  19. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    اک سجن ہوندا سی
    زہراں وچ پتاسے ورگا
    سُرمے سک دنداسے ورگا
    دُکھاں وچ دلاسے ورگا
    سجرے چن دے ہاسے ورگا

    اک سجن ہوندا سی
    الھڑ شوخ ہواواں ورگا
    دُھپاں دے وچ چھاواں ورگا
    اوکھے ویلے بانہواں ورگا
    اٹھے پہر دعاواں ورگا

    ارشاد سندھو​
     
  20. زیرک

    زیرک محفلین

    مراسلے:
    4,295
    جھنڈا:
    Pakistan
    موڈ:
    Buzzed
    اک کچے گھڑے کیتے
    منہ کالے چناباں دے
    ہَوکے تے وی پابندی
    دُکھڑے وچ کتاباں دے

    صغریٰ صدف​
     

اس صفحے کی تشہیر