روشن صبح

جاسمن

لائبریرین

IMG-20230621-211320.jpg
سپیشل اولمپکس: سیف اللہ سولنگی پاکستان کے لئے چار میڈل حاصل کرنے میں کامیاب​

پاکستان کی سپیشل اولمپکس ٹیم کے رکن سیف اللہ سولنگی نے جرمنی کے شہر برلن میں جاری اسپیشل اولمپکس ورلڈ گیمز میں چار تمغے جیت لیے۔
سیف اللہ سولنگی نے پاور لفٹنگ ایونٹ میں دو گولڈ میڈل جیتے۔ انہوں نے بیک اسکواٹ میں 90 کلو وزن اٹھا کر گولڈ میڈل حاصل کیا۔ ڈیڈ لفٹ میں ایک اور طلائی تمغہ 115 کلوگرام وزن اٹھا کر حاصل کیا۔ اس کے علاوہ کمبائنڈ میں 245 کلوگرام وزن اٹھا کر چاندی کا تمغہ اپنے نام کیا۔
 

جاسمن

لائبریرین
پنجاب بھر کی جیلوں میں ملزمان کو انٹرنیٹ کی سہولت دینے کا فیصلہ

ملزمان کو مخصوص ویب سائٹ تک رسائی دی جائے گی

انٹرنیٹ کے استعمال کیلئے سیکیورٹی کا فول پروف سسٹم بنایا جائے گا

لائبریری استعمال کرنے والے ملزمان اور تعلیم حاصل کرنے والے ملزمان کو بھی انٹرنیٹ کی سہولت ملے گی۔
 

سیما علی

لائبریرین
کراچی میں استعمال شدہ پلاسٹک کی پہلی سڑک
اس 730فٹ طویل اور 60فٹ چوڑی سڑک کو 2.5 ٹن سے زائد لیوبریکینٹ کی استعمال شدہ پلاسٹک کی بوتلوں سے تعمیرکیا گیا ہے۔
کراچی: شیل پاکستان نے کراچی میں شیل لیوبریکینٹ کے لیے استعمال ہونے والی پلاسٹک کی بوتلوں کو ری سائیکل کر کے ایک سڑک تعمیر کی ہے۔
شیل پاکستان نے بی آر آر انٹرپرائزز نامی اسٹارٹ اپ اور ڈسٹرکٹ میونسپل کارپوریشن (ساؤتھ)کے تعاون سے سڑک کی تعمیر مکمل کی، جس سے پلاسٹک کے فضلے کو کم کرنے اور ماحول دوست طریقوں کو فروغ دینے میں بھی مدد ملے گی۔
 

جاسمن

لائبریرین
IMG-20230729-162931.jpg
گلگت بلتستان کی ڈاکٹر نشاط ریاض کو کارڈف میٹروپولیٹن یونیورسٹی سے ڈاکٹریٹ کی اعزازی ڈگری دی گئی۔


ہنزہ(آئینہ ہنزہ)ہنزہ سے تعلق رکھنے والی ایجوکیشن لیڈر ڈاکٹر نشاط ریاض کو گزشتہ روز کارڈف میٹروپولیٹن یونیورسٹی کی جانب سے ڈاکٹریٹ کی اعزازی ڈگری سے نوازا گیا۔ ڈاکٹر نشاط کو ایجوکیشن لیڈر شپ میں 25 سال سے زیادہ کا تجربہ ہے اور انہیں 2017 میں تعلیم کے میدان میں ان کی خدمات پر ایم بی ای سے نوازا گیا۔ ڈاکٹر نشاط ریاض نے صحت، جنس، مہارت، ثقافت اور تعلیم پر بڑے پیمانے پر پروگرام تیار کیے ہیں، ان کا انتظام کیا ہے اور ان کی نگرانی کی ہے۔ ویلز ملینیم سینٹر میں کارڈف میٹ کی گریجویشن تقریب میں اپنی تقریر کے دوران، انھوں نے کہا: "آج میں اس عظیم ادارے کے ساتھ اپنی وابستگی کے لیے دل کی گہرائیوں سے اعزاز محسوس کر رہی ہوں۔ ایک دیہی، الگ تھلگ کمیونٹی سے آنے والی اور اپنی والدہ کے ساتھ ساتھ والد کے خاندان کی پہلی لڑکی ہونے کے ناطے کہ جو یونیورسٹی میں داخل ہوئی، پیچھے مڑ کر دیکھتی ہوں تو میں یہاں ہونے کا تصور بھی نہیں کر سکتی تھی۔ ایک باقاعدہ طالب علم کے طور پر اس ادارے میں داخلہ لینا اور اس یونیورسٹی تک پہنچنا ایک نادر اور منفرد اعزاز ہے، ایک ایسا اعزاز جس کی میں ہمیشہ قدر اور احترام کروں گی۔ "میں یہ ایوارڈ ان شاندار لوگوں کے لیے وقف کرتی ہوں جن کے ساتھ میں برٹش کونسل میں کام کرتی ہوں اور ان لاکھوں حیرت انگیز افراد کے لیے جن کے لیے ہم ایک پرامن اور خوشحال دنیا کی تعمیر میں مدد کے لیے کام کرتے ہیں۔" کارڈف میٹروپولیٹن یونیورسٹی میں پارٹنرشپس کے ایسوسی ایٹ ڈین ڈاکٹر فیاض حسین نے کہا: "افراد اور اداروں کو ان کی امنگوں کو پورا کرنے میں مدد، رہنمائی اور ڈیلیور کرنے کا نشاط کا جذبہ کسی سے کم نہیں۔ نشاط نے برطانیہ اور پاکستان کے درمیان مضبوط ادارہ جاتی شراکت داری قائم کرنے کے ساتھ ساتھ اسکولوں، ہنر، اعلیٰ تعلیم، وظائف، روایتی تعلیمی ماڈلز سے لے کر اختراعی امتزاج والے پروگراموں تک کے شعبوں کا احاطہ کرنے میں اہم کردار ادا کیا ہے۔ ڈاکٹر نشاط ہنزہ، گلگت بلتستان سے تعلق رکھنے والی پہلی خاتون انجینئر تھیں جنہوں نے الیکٹرانکس انجینئرنگ میں انجینئرنگ کی ڈگری حاصل کی۔ اس نے مانچسٹر یونیورسٹی سے بین الاقوامی ترقی میں ایم اے اور بحریہ یونیورسٹی، پاکستان سے مینجمنٹ سائنسز میں پی ایچ ڈی بھی کی ہے۔ تعلیم کے شعبے میں نشاط کے کام نے اسے پوری دنیا میں متعارف کرایا ہے۔
 

جاسمن

لائبریرین

کراچی کے طلباء کی ایجاد​

شہر قائد سے تعلق رکھنے والے چند طلبہ و طالبات نے سائنس کے ساتھ گہری رغبت کی وجہ سے حکام کی توجہ حاصل کرنے کے بعد امریکا میں ناسا کے خلائی کیمپ میں شمولیت کا اعزاز حاصل کرلیا ہے۔

امریکی قونصلیٹ جنرل کراچی کی مالی اعانت سے سائنسی مقابلوں میں کامیاب طلبہ و طالبات کو ناسا کے خلائی کیمپ میں شمولیت کا موقع حاصل ہوا، 24 طلبہ کا تعلق کراچی کے تین اسکولوں سے تھا، جنھوں نے امریکی خلائی و راکٹ سینٹر کے اسپیس کیمپ میں اپنا حصہ ڈالا۔

امریکی قونصلیٹ جنرل کراچی اور داؤد فاؤنڈیشن کے باہمی تعاون سے اس سرگرمی کا انعقاد کیا گیا، جس کا مقصد کراچی کے 50 اسکولوں میں سائنس، ٹیکنالوجی، انجینئرنگ اور ریاضی (اسٹیم) کی تعلیم کو فروغ دینا تھا، یہ خلائی کیمپ امریکی ریاست الاباما کے شہر ہنٹس وِل میں واقع ہے۔

اس سائنسی مقابلے میں کراچی کے علاقے ہجرت کالونی میں واقع ایور گرین سیکنڈری اسکول کے طلبہ نے پہلی پوزیشن حاصل کی، انہوں نے”اینٹی سلیپ“ چشمہ تیار کیا ہے، جو ڈرائیوروں کو سونے سے روکتا ہے۔

واضح رہے کہ دوران ڈرائیونگ تھکاوٹ نہ صرف پاکستان بلکہ عالمی سطح پر ڈرائیوروں اور روڈ استعمال کرنے والوں کے لیے ایک اہم خطرہ ہے۔

ورلڈ ہیلتھ آرگنائزیشن کے مطابق تھکاوٹ دنیا بھر میں حادثات کا ایک اہم عنصر ہیں۔ غنودگی کے شکار ڈرائیوروں کو عدم ہوشیاری، نیند کے جھونکوں، کمزور فیصلہ سازی اور اپنی لین سے ہٹنے کا سامنا کرنا پڑتا ہے۔

جس کیلئے اونگھتے ہوئے ڈرائیونگ کے خطرات کے بارے میں بیداری پیدا کرنا، تھکاوٹ کی علامات کو پہچاننا، کافی آرام کو ترجیح دینا، اور نقل و حمل کے متبادل اختیارات کو فروغ دینا بہت ضروری ہے۔

طلبہ کی اس ایجاد کا مقصد حادثات کو کم کرنا اور روڈ سیفٹی کو بڑھانا ہے۔ ایک طالبعلم نے ایم ایم نیوز سے گفتگو میں بتایا کہ اگر آپ ڈرائیونگ کے دوران اس چشمے کو اون کرتے ہیں تو یہ ایکٹو ہوجاتا ہے اور اگر آپ اس دوران 1 منٹ سے زیادہ اپنی آنکھیں بند کریں گے تو اِن چشموں میں سے آواز آنی شروع ہوجائے گی
جو کہ آپ کو نیند سے فوراََ جگادے گی۔

طلبہ کو اینٹی سلیپ چشمے تیار کرنے میں تقریباََ 4 مہینے لگے ہیں۔

ناسا اسپیس کیمپ میں شرکت کے حوالے سے طلبہ نے کہا کہ انھیں اس کیمپ میں شرکت سے ٹیکنالوجی کے حوالے سے بہت سی معلومات ملی ہیں اور وہ چاہتے ہیں کہ حکومت پاکستان انھیں سپورٹ کرے تاکہ وہ پاکستان کا نام مزید روشن کرسکیں۔
 

جاسمن

لائبریرین

برطانوی ارب پتی بزنس مین کا مشہور انٹرٹینمنٹ کمپلیکس میں مسجد تعمیر کرنیکا فیصلہ​

July 17, 2023
سینٹرل لندن کے مشہور انٹرٹینمنٹ کمپلیکس میں اب مسجد تعمیر کی جائے گی۔

برطانوی ارب پتی مسلمان آصف عزیز نے عمارت کو مسجد میں تبدیل کرنے کا اجازت نامہ حاصل کرلیا۔

آصف عزیز لندن میں تین منزلہ مسجد تعمیر کریں گے جس میں اسلامک سینٹر بھی شامل ہو گا، مسجد میں تقریباً 400نمازی نماز ادا کر سکیں گے۔

56 سالہ ممتاز رئیل اسٹیٹ ٹائیکون عاصم عزیز، جو "مسٹر ویسٹ اینڈ" کے نام سے جانے جاتے ہیں، ٹروکارڈو نامی مشہور عمارت کے اندر تین منزلہ مسجد اور اسلامی مرکز قائم کر رہے ہیں۔

2006 تک یہ عمارت میٹرو سینما کے طور پر استعمال کی جاتی تھی جس کے بعد سے یہ عمارت خالی تھی۔

 

سیما علی

لائبریرین

برطانوی پاکستانی طالبہ نے ‘جی سی ایس سی امتحان’ میں عالمی ریکارڈ قائم کر دیا​


برٹش پاکستانی طالبہ ماہ نور

اگست 25, 2023

لندن: برٹش پاکستانی طالبہ ماہ نور نے جی سی ایس سی امتحان میں عالمی ریکارڈ قائم کر دیا، مینسا ٹیسٹ کے مطابق ماہ نور کا آئی کیو لیول 161 دنیا کے ذہین ترین ایک فیصد افرادمیں شامل ہیں۔
تفصیلات کے مطابق برٹش پاکستانی طالبہ نے جی سی ایس سی امتحان میں عالمی ریکارڈ قائم کردیا ، ماہ نور چیمہ نے چونتیس مضامین میں اے اسٹار گریڈ حاصل کیے۔
دس مضامین اسکول سے اور چوبیس پرائیویٹ امیدوار کے طور پر دیے، مینسا ٹیسٹ کے مطابق ماہ نور کا آئی کیو لیول 161 دنیا کے ذہین ترین ایک فیصد افرادمیں شامل ہیں۔

ماہ نور کے والدین عثمان اور طیبہ چیمہ کا تعلق لاہور سے ہے، ماہ نور نے لاہور کے پرائیویٹ اسکول سے تعلیم حاصل کی، دو ہزار سولہ میں برطانیہ منتقل ہوئیں۔
 

زیک

مسافر
ماہ نور چیمہ نے چونتیس مضامین میں اے اسٹار گریڈ حاصل کیے۔
34 مضامین کونسے؟ دو سال جی سی ایس ای امتحان دینے کا کیا فائدہ؟ اکثر طلبا تو اس کے بعد اے لیول کرتے ہیں۔ انگلستان میں تو 1 سے 9 تک گریڈ ہوتے ہیں۔ اے اور اے سٹار وغیرہ اب وہاں نہیں ہیں۔
 

سیما علی

لائبریرین
2024 میں سیاحت کیلئے بہترین ممالک میں پاکستان بھی شامل
پاکستان 2024 میں سیاحت کے لیے بہترین 10 ممالک میں شامل ہے / فوٹو بشکریہ وکی پیڈیا

گھومنے پھرنے کا شوق کس کو نہیں ہوتا اور مختلف ممالک کی سیاحت کا خواب ہر فرد ہی دیکھتا ہے۔
دنیا کی سب سے بڑی ٹریول گائیڈ بک پبلشر کمپنی لونلی پلانیٹ نے دنیا کے 10 ممالک کو 2024 میں سیاحت کے لیے بہترین قرار دیا گیا ہے۔۔۔۔۔

 

سیما علی

لائبریرین
کراچی کی 3 خواتین کی ہے، ہمت کی مثال بن گئیں۔۔۔۔

کہتے ہیں مشکلات اور آزمائش تو ہماری زندگیوں کا حصہ ہیں، انسان کو محض حوصلہ پیدا کرنا ہوتا ہے، ایک بار حوصلہ آجائے تو پھر کتنی ہی بڑی مشکل ہو اور کتنی ہی بڑی پریشانی ہو، وہ انسان کو پھر روک نہیں سکتی ہے اور نہ ہی اس کے ارادوں کو کمزور کرسکتا ہے۔

ایسی ہی ایک کہانی کراچی کی 3 خواتین کی ہے، جن پر اچانک مشکلات کا پھاڑ آگرا، لیکن اس پر انہوں نے کسی قسم کی ہمت نہ ہاری بلکہ حوصلوں کو بلند کرکے آگے کی طرف بڑھ گئیں۔
ہمارے مشرقی معاشرے میں گھر کی کفالت کی ذمہ داری عموماً مرد کی ہوتی اور عورتیں بچوں کی دیکھ بھال سمیت گھر کے امور دیکھتی ہیں، لیکن عورت کو اللہ تعالی نے انتہائیٰ مضبوط ترین اعصاب سے نوازا ہے۔
کسی نے کیا خوب کہا ہے کہ عورت ایک مکان کو گھر بناتی ہے اور ضرورت پڑھنے پر گھر کو چلا بھی سکتی ہے، اسی طرح کراچی کی 3 خواتین پاکستان میں اس مہنگائی کے دور میں ایک مثال بن کر سامنے آئیں ہیں۔
کراچی کے علاقے ناظم آباد کی خواتین نے فاسٹ فوڈ کا اسٹال لگا کر بتادیا کہ کچھ کرنے کا عزم ہو تو انسان نوکری نہ کرنے کا بہانہ نہیں بناتا۔
خاتون کا کہنا تھا کہ مہنگائی اتنی ہوگئی ہے کہ گھر چلانا مشکل ہوگیا ہے، ان حالات میں صرف ایک فرد گھر نہیں چل سکتا۔
انہوں نے کہا کہ اس اسٹال پر 12 سے 14 گھنٹے تک کھڑے ہوتے ہیں، میں خواتین کو یہ پیغام دینا چاہوں گی کہ اگر وہ کچھ کرنا چاہتی ہیں تو ضرور کوئی کام کریں اپنے شوہر اور گھر میں اپنے شوہر کا ساتھ دیں۔

 

سیما علی

لائبریرین

شرمین عبید چنائے کی دستاویزی فلم کو عالمی اعزاز مل گیا​

شوبز ویب ڈیسک 17 نومبر 2023
ریو ڈی جنیرو: پاکستان کی دو مرتبہ آسکر انعام یافتہ فلمساز شرمین عبید چنائے اور دیگر نامور ڈائریکٹروں کے اشتراک سے بننے والی دستاویزی فلم ’آئی ایم سم باڈی‘ کو عالمی اعزاز ملا ہے۔
فلم نے میلانو انٹرنیشنل فیسٹیول میں ’گرلینڈ دی اونر‘ کا ایوارڈ جیتا ہے اور اس فیسٹیول کو انٹرنیشنل اولمپک کمیٹی کی طرف سے توثیق حاصل ہے۔
فٹبال آئیکون ڈیوڈ بیکھم کو فلم میں مہمان اداکاری کے تحت شامل کیا گیا ہے اور اس میں مختلف ممالک کے ان بچوں کو شامل کیا گیا ہے جنہوں نے فٹبال کے اسٹریٹ چائلڈ ورلڈ کپ قطر میں حصہ لیا۔
کچھ بچے برازیل اور بنگلادیش سے، کچھ پاکستان سے جبکہ کچھ بچوں کو فلسطین کے مہاجر کیمپوں سے فلم میں شامل کیا گیا ہے۔
فلم کی شوٹنگ پانچ ممالک میں کی گئی ہے اور اس میں اسٹریٹ چائلڈ ورلڈ کپ سے پہلے اور بعد کے بچوں پر اثرات کا جائزہ بھی پیش کیا گیا ہے۔
واضح رہے کہ فلم کا ورلڈ پریمیئر رواں برس اکتوبر میں برازیل میں فیسٹیول دی ریو کے موقع پر کیا گیا تھا۔

 

سیما علی

لائبریرین

تیز ترین ٹرین۔۔ لاہور سے کراچی صرف 2 گھنٹے میں ؟​

دنیا بھر میں عام طور پر ایک منزل سے دوسری منزل پر جلدی پہنچنے کے لئے ہوائی جہاز کا سفر کیا جاتا ہے، مگر اب چین میں ایسی ٹرین تیار کی جارہی ہے، جو ہوائی جہاز سے بھی پہلے آپ کو اپنی منزل پر پہنچادے گی۔

غیر ملکی ذرائع ابلاغ کے مطابق اس ٹرین کا پہلا تجربہ چند ماہ قبل کیا گیا تھا جس کے دوران اس نے 281 میل فی گھنٹہ کی رفتار سے سفر کیا۔ انجینئرز کو توقع ہے کہ جب ٹرین تیار ہو جائے گی تو یہ 621 میل فی گھنٹہ کی رفتار سے سفر کر سکے گی۔

واضح رہے کہ زیادہ تر ہوائی جہاز 546 اور 574 میل فی گھنٹہ کے درمیان سفر کرتے ہیں، یہ ٹرین ہوا میں معلق رہ کر سفر کرے گی جس کے لیے ماگلیو ٹیکنالوجی کو استعمال میں لایا جائے گا۔

 

جاسمن

لائبریرین
حوریہ بتول نے کم عمر ترین چارٹرڈ اکاؤنٹنٹ کا اعزاز حاصل کرلیا.
IMG-20240206-170802.jpg

پاکستانی طالبہ حوریہ بتول نے دنیا کی کم عمر ترین چارٹرڈ اکاؤنٹنٹ (سی اے) بن کر تاریخ رقم کردی۔

گنیز ورلڈ ریکارڈ میں نام درج کروانے والی حوریہ بتول نے 19 برس کی عمر میں سی اے مکمل کرکے بھارتی طالبہ کاریکارڈ توڑ دیا۔

پاکستانی طالبہ کی یہ شاندار کامیابی ان ہزاروں طلبا کے لیے بہترین مثال ہے جو اکاؤنٹنٹس کے خواہشمند ہیں لیکن سی اے کی پڑھائی سے خوفزداہ بھی ہیں۔

واضح رہے کہ حوریہ بتول نے 2016 میں 19 سال 202 دن کی عمر میں چارٹرڈ اکاؤنٹنٹ (سی اے) مکمل کیا تھا، تاہم اس کارنامے کے تقریباً 8 برس بعد گنیز ورلڈ ریکارڈ نے اسے تسلیم کیا ہے۔

اس سے قبل یہ ریکارڈ بھارتی طالبہ نندنی اگروال کے پاس تھا جس نے 19 برس 330 دن میں سی اے مکمل کیا تھا۔
 
Top