رات کٹتی رہی، چاند ڈھلتا رہ

[مون]

رات کٹتی رہی، چاند ڈھلتا رہا
آتشِ ہجر میں کوئی جلتا رہا

گھر کی تنہائیاں دِل کو ڈستی رہیں
کوئی بے چین کروٹ بدلتا رہا

آس و اُمید کی شمع روشن رہی
گھر کی دہلیز کوئی تکتا رہا

رات بھر چاندنی گُنگناتی رہی
رات بھر تنہا کوئی سسکتا رہا

اشک پلکوں میں آ کر بِکھرتے رہے
نام لب پر کسی کا لرزتا رہا

آج کی رات بھی یوں بسر ہو گئ
آج پھر خود سے کوئی اُلجھتا رہا

 

[زینب]

بہت خوب۔۔۔۔۔۔۔۔

 

[عمر سیف]

بہت خوب مون ۔۔۔