دیئے گئے لفظ پر شاعری

[جٹ صاحب]

سر اگلا لفظ ““پہلے““

 

[جٹ صاحب]

میری آنکھیں میرے چہرے کو اک دن غور سے دیکھو
مگر مت پوچھنا ویران ہونا کس کو کہتے ہیں

غور

 

[شمشاد]

غور سے دیکھتے ہیں طوف کو آہوئے حرم
کیا کہیں اس کے سگِ کوچہ کے قرباں ہوں گے
(مومن)


قربان یا قربانی

 

[جٹ صاحب]

اپنی خوشیاں لُٹا کر تجھ پہ قربان ہو جاؤں
کاش کچھ دن تیرے شہر میں مہمان ہو جاؤں


کاش

 

[شمشاد]

کانپتے ہونٹوں پہ تھی اللہ سے صرف اک دعا
کاش یہ لمحے ٹھہر جائیں، ٹھہر جائیں، ذرا !
(پروین شاکر)


ہونٹ

 

[جٹ صاحب]

ہونٹ لی جگہ لب استعمال کر سکتا ہوں؟

 

[جٹ صاحب]

نازکی اس کے لب کی کیا کہئے
پنکھڑی اک گلاب کی سی ہے

پنکھڑی

 

[شمشاد]

ہونٹ اتنا بھی نایاب حرف نہیں تھا۔

 

[جٹ صاحب]

میں سمجھا نہیں؟

 

[شمشاد]

میرا مطلب یہ تھا کہ ہونٹ پر شعر دینا تھا، آپ نے لب سے دے دیا، حالانکہ ہونٹ بھی ایک عام سا ہی لفظ ہے۔

ہونٹوں سے چُھو لو تم میرا گیت امر کر دو
بن جاؤ میت میرے میری پریت امر کر دو

 

[جٹ صاحب]

میرے ذہن مین لب سے آیا تو میں نے فوراً لکھ دیا

 

[جٹ صاحب]

خیر اگلا حرف؟

 

[شمشاد]

اگلا حرف “ پریت “

 

[محمد شعیب خٹک]

فرض کرو کہ یہ روک ہو جھوٹ ، جھوٹی پریت ہماری ہو
فرض کرو اس پریت کے روگ میں سانس بھی ہم پر بھاری ہو

روگ

 

[شمشاد]

دل نے ہمارے بیٹھے بیٹھے کیسے کیسے روگ لگائے
تم نے کسی کا نام لیا اور آنکھوں میں اپنی آنسو آئے
(ابن انشاء)

آنکھ

 

[جٹ صاحب]

نہ کسی کی آنکھ کا نور ہوں، نہ کسی کے دل کا قرار ہوں
جو کسی کے کام نہ آسکے، میں وہ اک مشتِ غبار ہوں

نور

 

[محمد شعیب خٹک]

نور خدا ہے کفر کی حرکت پہ خندہ زن
پھونکوں سے یہ چراغ بجھایا نہ جائے گا

اگلا لفظ: چراغ

 

[جٹ صاحب]

چراغِ حسن و عقیدت جلانے آیا ہوں
مدینے والے سے میں لو لگانے آیا ہوں


عقیدت

 

[شمشاد]

نور خدا ہے کفر کی حرکت پہ خندہ زن
پھوکوں سے یہ چراغ بجھایا نہ جائے گا

یہ لفظ پھوکوں نہیں بلکہ“ پھونکوں“ ہے۔

 

[شمشاد]

آپ سے عقیدت ہے باخدا نہایت ہے
آپ سے محبت ہی زندگی کی چاہت ہے


چاہت