دیئے گئے لفظ پر شاعری - دوسرا دور

[جاسمن]

وہ تیرے نصیب کی بارشیں،کسی اور چھت پہ برس گئیں
دلِ بے خبر میری بات سُن ،اُسے بھول جا،اُسے بھول جا
(امجد اسلام امجد)
چھت

 

[انوار گوندل؎]

انوار صاحب اس کھیل کا اصول ہے کہ جو شعر میں سے ایک لفظ دیا جاتا ہے، وہ لفظ اگلے شعر میں آنا چاہیے۔

میں نے بھی کیا تو ویسے ہی تھا لیکن ہی الٹ پتا نہیں کیسے ہو گیا ہے

 

[شمشاد]

کل ہی جن کو تری پلکوں پہ کہیں دیکھا تھا
رات اسی طرح کے تارے مری چھت پر نکلے(احمد مشتاق)

پلک / پلکیں

 

[شمشاد]

میں نے بھی کیا تو ویسے ہی تھا لیکن ہی الٹ پتا نہیں کیسے ہو گیا ہے

کوئی بات نہیں، کبھی کبھار ایسا ہو جاتا ہے۔
آپ پھر سے کھیل میں شامل ہو جائیں۔

 

[جاسمن]

تمہاری بھیگتی پلکوں سے میں نے بارہا پوچھا
کہ ترکِ ربط پر کیا مجھ سے وحشی یاد آتے ہیں
(خلیل اللہ فاروقی)
وحشی

 

[شمشاد]

ہم اس قبیلہءوحشی کے دیوتا ہیں کہ جو
پجاریوں کی عقیدت پہ پھول جاتے ہیں
(احمد فراز)

دیوتا

 

[زھرا]

اس زندگی میں اتنی فراغت کسے نصیب
اتنا نہ یاد آ کہ تجھے بھول جائیں ہم
احمد فراز
فراغت

 

[شمشاد]

کیا کروں بیمارئِ غم کی فراغت کا بیاں
جو کہ کھایا خونِ دل، بے منتِ کیموس تھا
(چچا)

غم

 

[جاسمن]

غم ہائے روزگار نے گُم سُم کیا مجھے
میں بھی تری طرح کبھی حاضر جواب تھا
روزگار

 

[شمشاد]

دنیا نے تری یاد سے بیگانہ کر دیا
تجھ سے بھی دلفریب ہیں غم روزگار کے
(فیض احمد فیض)

بیگانہ

 

[زھرا]

دل ہر اک حال سے بیگانہ ہوا جاتا ہے
اب توجہ نہ تغافل نہ ادا مانگے ہے
جاں نثاراختر

تغافل

 

[شمشاد]

تغافل، بد گمانی، بلکہ میری سخت جانی ہے
نگاہِ بے حجابِ ناز کو بیمِ گزند آیا
(چچا)

حجاب

 

[انوار گوندل؎]

قیمتی چادریں مزاروں پہ۔۔۔۔۔۔۔۔۔۔
عزتیں بے حجاب پھرتی ھیں۔

" ڈی۔ایم"
عزتیں

 

[شمشاد]

وہ سیِّد بچّہ ہو اور شیخ کے ساتھ
میاں عزّت ہماری جا رہی ہے

ہے برپا ہر گلی میں شورِ نغمہ
مری فریاد ماری جا رہی ہے(جون ایلیا)

بچہ

 

[زھرا]

گئی شب چاند جیسا جب چمکتا ہے خیال اس کا
تمنا میری اک چھوٹا سا بچہ ہو ہی جاتی ہے
فیاض فاروقی
تمنا

 

[شمشاد]

بس اك نگاہ سے لوٹا ہے قافلہ دل كا
سو رہ روان تمنا بھی ڈر كے دیكھتے ہیں(احمد فراز)

قافلہ

 

[جاسمن]

وہ قافلہ کسی اندھے نگر سے آیا تھا
ہر ایک شخص کا تکیہ کلام آنکھیں تھیں
شخص

 

[شمشاد]

تو بھی کسی کے باب میں عہد شکن ہو غالباً
ميں نے بھي ايک شخص کا قرض ادا نہيں کيا
(جون ایلیا)

قرض

 

[جاسمن]

میرے چارہ گر کو نوید ہو،صفِ دشمناں کو خبر کرو
کہ جو قرض رکھتے تھے جان پر وہ حساب آج چکا دیا
(فیض)
چارہ گر

 

[شمشاد]

چارہ گر یوں تو بہت ہیں مگر اے جانِ فرازؔ
جز ترے اور کوئی زخم نہ جانے میرے
(احمد فراز)

زخم