دیئے گئے لفظ پر شاعری - دوسرا دور

[مومن فرحین]

پھر مرے شہر سے گزرا ہے وہ بادل کی طرح
دست گُل پھیلا ہُوا ہے مرے آنچل کیطرح

آنچل

 

[شمشاد خان]

وہ خط پاگل ہوا کے آنچلوں پر
کسے تم نے لکھا تھا یاد ہوگا
(بشیر بدر)

خط

 

[مومن فرحین]

تمہارے ہجر میں یہ حال ہو گیا اپنا
کسی کا خط ہو اسے بھی سنبھال رکھتے ھیں

ہجر

 

[شمشاد خان]

اپنی مٹی سے دور ہو کر ہی
ہجر کے دکھ سمجھ میں آئے ہیں
(عاشق جعفری)

مٹی

 

[مومن فرحین]

یا تو مٹی ہی اس کی کجرو تھی
یا میرے ہاتھ میں ہنر نہ رہے

ہنر

 

[شمشاد خان]

سنا ہے اس کو بھی ہے شعر و شاعری سے شغف
سو ہم بھی معجزے اپنے ہنر کے دیکھتے ہیں
(احمد فراز)

معجزہ

 

[مومن فرحین]

یہ معجزہ بھی محبت کبھی دکھائے مجھے
کہ سنگ تجھ پہ گرے اور زخم آئے مجھے

زخم

 

[شمشاد خان]

یہ معجزہ بھی محبت کبھی دکھائے مجھے
کہ چوٹ تجھ کو لگے اور زخم آئے مجھے
زخم

دوسرے مصرعہ ایسے ہے :

کہ سنگ تجھ پہ گرے اور زخم آئے مجھے

یہ قتیل شفائی کی غزل ہے۔

 

[مومن فرحین]

دوسرے مصرعہ ایسے ہے :

کہ سنگ تجھ پہ گرے اور زخم آئے مجھے

یہ قتیل شفائی کی غزل ہے۔

شکریہ ۔۔۔ میں نے درست کر دیا ۔۔۔

 

[شمشاد خان]

دیکھو یہ میرے خواب تھے دیکھو یہ میرے زخم ہیں
میں نے تو سب حساب جاں بر سر عام رکھ دیا
(احمد فراز)

خواب

 

[مومن فرحین]

ہونا تو وہی ہے جو مقدر میں لکھا ہے
لیکن یہ میرے خواب میرے خواب میرے خواب

مقدر

 

[شمشاد خان]

تمہارا ہونے کے فیصلے کو میں اپنی قسمت پہ چھوڑتا ہوں
اگر مقدر کا کوئی ٹوٹا کبھی ستارا تو میں تمہارا
(عامر امیر)

قسمت

 

[مومن فرحین]

تجھ سے قسمت میں میری صورت قفل ابجد
تھا لکھا بات کے بنتے ہی جدا ہو جانا

غالب

قفل

 

[شمشاد خان]

مدت سے ہے بند قفل ابجد
اے محتسبو حساب کیسا
(ابو الحسنات حقی)

مدت

 

[مومن فرحین]

اتنی مدت بعد ملے ہو
کن سوچوں میں گم رہتے ہو
کون سی بات ہےتم میں ایسی
اتنے اچھے کیوں لگتے ہو

گم

 

[شمشاد خان]

اچھا خاصا بیٹھے بیٹھے گم ہو جاتا ہوں
اب میں اکثر میں نہیں رہتا تم ہو جاتا ہوں
(انور شعور)

تم

 

[مومن فرحین]

تم میرے درد بھی غم بھی میرے آلام بھی تم
تم میرا چین ہو جاناں میرا آرام بھی تم

جاناں

 

[شمشاد خان]

غم جاناں میں جب سے مبتلا ہوں
غم دوراں سے فرصت ہو گئی ہے
(آتش بہاولپوری)

فرصت

 

[مومن فرحین]

واں نہیں وقت تو ہم بھی ھیں عدیم الفرصت
اس سے کیا کہیے جو ہر روز کہے کل ملنا

کل

 

[شمشاد خان]

جس سر کو غرور آج ہے یاں تاجوری کا
کل اس پہ یہیں شور ہے پھر نوحہ گری کا
(میر تقی میر)

غرور