دیئے گئے لفظ پر شاعری - دوسرا دور

[صاد الف]

کبھی تو شہیدوں کی قبروں پہ آؤ
یہ سب گھر تمہارے بسائے ہوئے ہیں
تعشق لکھنوی

قبر

 

[سیما علی]

کبھی تو شہیدوں کی قبروں پہ آؤ
یہ سب گھر تمہارے بسائے ہوئے ہیں
تعشق لکھنوی

قبر

دبا کے قبر میں سب چل دیے دعا نہ سلام
ذرا سی دیر میں کیا ہو گیا زمانے کو
استاد قمر جلالوی

زمانے

 

[صاد الف]

ایک سورج تھا کہ تاروں کے گھرانے سے اٹھا
آنکھ حیران ہے کیا شخص زمانے سے اٹھا
پروین شاکر

سورج

 

[سیما علی]

ایک سورج تھا کہ تاروں کے گھرانے سے اٹھا
آنکھ حیران ہے کیا شخص زمانے سے اٹھا
پروین شاکر

سورج

لوگ کہتے ہیں کہ مضمونِ غزل میں سورج
ایک رنگین سا اندازِ بیاں رکھتا ہے
سورج نرائن

اندازِ بیاں

 

[شمشاد]

انداز بیاں گرچہ بہت شوخ نہیں ہے
شاید کہ اتر جائے ترے دل میں مری بات
علامہ اقبال

بات

 

[صاد الف]

کون روتا ہے کسی اور کی خاطر اے دوست
سب کو اپنی ہی کسی بات پہ رونا آیا
ساحر لدھیانوی

خاطر

 

[شمشاد]

یونہی گاتا رہوں گاتا رہوں تیری خاطر
گیت بنتا رہوں بیٹھا رہوں تیری خاطر
فیض احمد فیض

گیت

 

[سیما علی]

یونہی گاتا رہوں گاتا رہوں تیری خاطر
گیت بنتا رہوں بیٹھا رہوں تیری خاطر
فیض احمد فیض

گیت

گیت میرے ہیں مگر نور سخن اس کا ہے
حق تو یہ ہے کہ مرا جوہر فن اس کا ہے

فن

 

[صاد الف]

ہاتھ میرے بھول بیٹھے دستکیں دینے کا فن
بند مجھ پر جب سے اس کے گھر کا دروازہ ہوا
پروین شاکر

دستک

 

[شمشاد]

میں نے پلکوں سے در یار پہ دستک دی ہے
میں وہ سائل ہوں جسے کوئی صدا یاد نہیں
ساغر صدیقی

صدا

 

[سیما علی]

میں نے پلکوں سے در یار پہ دستک دی ہے
میں وہ سائل ہوں جسے کوئی صدا یاد نہیں
ساغر صدیقی

صدا

تنہائیوں کی گونج نے جب بھی دیا فریب
مجھ کو شکستِ دل کی صدا یاد آ گئی
شکیب جلالی


شکست

 

[شکیل احمد خان23]

نہ گلِ نغمہ ہوں نہ پردۂ ساز
۔۔۔۔۔میں ہوں اپنی شکست کی آواز

ساز

 

[صاد الف]

ساز الفت چھڑ رہا ہے آنسوؤں کے ساز پر
مسکرائے ہم تو ان کو بد گمانی ہو گئی
جگر مراد آبادی

الفت

 

[شکیل احمد خان23]

الفت کی نئی منزل کو چلا تو بانہیں ڈال کے بانہوں میں
۔۔۔۔دل توڑنے والے دیکھ کے چل ہم بھی تو پڑے ہیں راہوں میں

دیکھ

 

[شکیل احمد خان23]

مانا کہ تیری دید کے قابل نہیں ہوں میں
تو میرا شوق دیکھ۔۔،۔ مرا انتظار دیکھ

مانا

 

[صاد الف]

میں نے مانا کہ عدو بھی ترا شیدائی ہے
فرق ہوتا ہے فدا ہونے میں مر جانے میں
خاور دہلوی

عدو

 

[سیما علی]

میں نے مانا کہ عدو بھی ترا شیدائی ہے
فرق ہوتا ہے فدا ہونے میں مر جانے میں
خاور دہلوی

عدو

ہے تاک میں عدو کہ ترے نیم‌جاں گریں
گویا زمیں کی گود میں اب آسماں گریں
راحیلؔ فاروق

نیم جاں

 

[صاد الف]

اے چشم یار موت کا پہلو بچا کے تو
ایسی نگاہ ڈال کہ میں نیم جاں رہوں
مضطر خیرآبادی

پہلو

 

[سیما علی]

اے چشم یار موت کا پہلو بچا کے تو
ایسی نگاہ ڈال کہ میں نیم جاں رہوں
مضطر خیرآبادی

پہلو

پہلو میں تو ہمارے جب اے صنم نہ ہوگا
تو ہی بتا کہ اس کا کیا ہم کو غم نہ ہوگا

صنم

 

[صاد الف]

ظاہراً توڑ لیا ہم نے بتوں سے رشتہ
پھر بھی سینے میں صنم خانہ بسا ہے یارو
عامر عثمانی

رشتہ