دیئے گئے لفظ پر شاعری - دوسرا دور

[سیما علی]

نہ دیکھے اے چمن دو پھول تجھ میں ایک صورت کے
جو صورت مل گئی بو باس دونوں کی جدا پائی

شاد عظیم آبادی

جدا

 

[سیما علی]

جدا ہوئے تو جدائی میں یہ کمال بھی تھا
کہ اس سے رابطہ ٹوٹا بھی تھا بحال بھی تھا

نوید رضا

رابطہ

 

[مومن فرحین]

نہ قرب ذات ہی حاصل نہ زخم رسوائی
عجیب لگتا ہے اب خود سے رابطہ رکھنا

جمیل نظر
زخم

 

[سیما علی]

اُن کے اِک تغافل سے ٹوٹتے ہیں دِل کتنے
اُن کی اک توجہ سے کتنے زخم بھرتے ہیں

تغافل

 

[سیما علی]

رکھتے ہیں محبت کو تغافل میں چھپا کر
پروا ہی تو کرتے ہیں جو پروا نہیں کرتے

جنید اختر

پروا

 

[لاريب اخلاص]

نہ ستایش کی تمنا نہ صلے کی پروا
گر نہیں ہیں مرے اشعار میں معنی نہ سہی
مرزا غالب

اشعار

 

[Haider Sufi]

اشعار مرے یوں تو زمانے کے لیے ہیں
کچھ شعر فقط ان کو سنانے کے لیے ہیں
جاں نثاراختر

فقظ

 

[لاريب اخلاص]

ہمارے ہاتھ فقط ریت کے صدف آئے
کہ ساحلوں پہ ستارہ کوئی رہا ہی نہ تھا
اسلم انصاری

ستارہ

 

[شمشاد]

شعار مرے یوں تو زمانے کے لیے ہیں
کچھ شعر فقط ان کو سنانے کے لیے ہیں
جاں نثاراختر

فقظ

Haider Sufi آپ نے یہ شعر جہاں سے نقل کیا ہے، پہلے مصرعے کے پہلے لفظ کا پہلا حرف نقل نہیں ہوا۔ یہ "شعار" نہیں "اشعار" ہے۔
تدوین کر لیں

 

[شمشاد]

تمہیں تو چاند بننا ہے مری تاریک راتوں کا
ستارہ تم نہیں بننا ستارا ٹوٹ جائے گا
مشکور ممنون قنوجی

تاریک

 

[لاريب اخلاص]

دل کو تاریک نہ کر دے کہیں دوریوں کے فاصلے
پیار کے دیپ جلاؤ کہ زندگی کم ہے
نامعلوم

دیپ

 

[شمشاد]

دیپ جلے تو دیپ بجھانے آتے ہیں
شہر کے سارے لوگ رلانے آتے ہیں
شاذیہ اکبر

لوگ

 

[عطاء اللہ جیلانی]

لوگ ڈرتے ہیں دشمنی سے تری
ہم تری دوستی سے ڈرتے ہیں

حبیب جالب

ڈر

 

[شمشاد]

مجھے اب تم سے ڈر لگنے لگا ہے
تمہیں مجھ سے محبت ہو گئی کیا
جون ایلیا

محبت

 

[مومن فرحین]

مجھے تم سے محبت ہو گئی ہے
یہ دنیا خوبصورت ہو گئی ہے

خوبصورت

 

[سیما علی]

منیرؔ اس خوب صورت زندگی کو
ہمیشہ ایک سا ہونا نہیں ہے!!!!


منیر نیازی

ہمیشہ

 

[سیما علی]

ہمیشہ دیر کر دیتا ہوں میں، ہر کام کرنے میں
ضروری بات کہنی ہو کوئی وعدہ نبھانا ہو

نیازی صاحب

وعدہ

 

[شمشاد]

امید تو بندھ جاتی تسکین تو ہو جاتی
وعدہ نہ وفا کرتے وعدہ تو کیا ہوتا
چراغ حسن حسرت

امید

 

[سیما علی]

وہ امید کیا جس کی ہو انتہا
وہ وعدہ نہیں جو وفا ہو گیا
الطاف حسین حالی

وفا

 

[شمشاد]

تجھ سے وفا نہ کی تو کسی سے وفا نہ کی
کس طرح انتقام لیا اپنے آپ سے
حمایت علی شاعر

انتقام