دھوپ، چھاؤں

[شمشاد]

کس نے صحرا میں مرے واسطے رکھی ہے یہ چھاؤں
دھوپ روکے ہے مرا چاہنے والا کیسا
زیب غوری

 

[گُلِ یاسمیں]

شاید اس کو بھی کوئی اور ٹھکانہ نہ ملا
آن بیٹھی ہے تیرے سایہ ء دیوار میں دھوپ

 

[جاسمن]

پھر وہی لمبی دوپہریں ہیں پھر وہی دل کی حالت ہے
باہر کتنا سناٹا ہے اندر کتنی وحشت ہے!!!!!!!
اعتبار ساجد

 

[جاسمن]

ہے وہی مزاجِ صحرا، وہی ریت جل رہی ہے
نہ یہ جسم موم کا ہے، نہ یہ دھوپ ہی نئی ہے
عبید الرحمٰن عبید

 

[جاسمن]

جو پیڑ جل رہا ہے، کڑی دھوپ میں مسلسل
یہی میرا استعارہ، یہی میری زندگی ہے
عبید الرحمٰن عبید

 

[گُلِ یاسمیں]

دوپہر کی دھوپ میں میرے بلانے کے لیے
وہ ترا کوٹھے پہ ننگے پاؤں آنا یاد ہے

 

[گُلِ یاسمیں]

چھاؤں چھاؤں پکارتا جائے
کون کرنے لگا سفر مجھ میں