دوڑ پیچھے کی طرف اے گردشِ ایام تُو

[لاریب مرزا]

بہت خوب یاز بھائی پرانی اشیاء کی یادیں نوادرات سے کم نہ ہوں گی۔

 

[مریم افتخار]

ہمارے گھر میں ایک بلیک اینڈ وائٹ ٹی وی ہوتا تھا جس کے اوپر وی شیپڈ انٹینا ہوتا تھا اور سب آٹھ بجے والا ڈرامہ دیکھنے اس کے سامنے بیٹھتے تھے.

 

[مریم افتخار]

شاید کچھ لوگ اب بھی عید کارڈ بذریعہ پوسٹ بھیجتے ہوں۔
میں نے آخری کارڈ 1997 میں خریدا تھا کہ سکول کے ایک دوست کو بھیجوں گا۔ بس سستی کی وجہ سے وہ نہیں بھیج پایا۔ وہ عید کارڈ آج بھی میرے بریف کیس میں پڑا ہوا ہے۔ کسی وقت اس کی تصویر بنا کر بھی پوسٹ کروں گا۔

لوگ بھیجتے تو ہیں لیکن وہ ضرورت نہ رہی کیونکہ فون اور انٹرنیٹ نے ان چیزوں کو جو پہلے لازمی تھیں اب ثانوی سا کر دیا.

 

[محمد تابش صدیقی]

میری ٹینس ٹیبل جو بعد میں ہماری مصروفیات کی نذر ہو کر پانی چوستی رہی اور پھول گئی۔

 

[محمد تابش صدیقی]

لوگ بھیجتے تو ہیں لیکن وہ ضرورت نہ رہی کیونکہ فون اور انٹرنیٹ نے ان چیزوں کو جو پہلے لازمی تھیں اب ثانوی سا کر دیا.

بلکہ ثلاثوی سا کر دیا۔
اس کے بعد ای میل کے ذریعے کارڈز بھیجے جاتے تھے، وہ بھی اب آنا ختم ہو گئے۔

 

[یاز]

میں ہر عید پر اپنی سب کزنز کے لیے اپنے انتخاب کے مطابق بہت اچھے عید کارڈز خرید کر گاؤں کے ڈاکخانے میں ان کا پتہ لکھ کر ڈالتی تھی. کبھی پوچھا نہیں کہ کبھی ان کو پہنچے بھی یا نہیں لیکن زیادہ بچپن میں یہ میرا معمول تھا. پھر جب عین لیٹر بکس میں ڈالنے لگتی تو خیال آتا کہ وہ سوچیں گی کہ اتنی دور سے کچھ بھیجا بھی تو بس کارڈ ہی تو جو بھی اندر ڈالنے لگتی لفافے میں پورا نہ آتا کوئی چھوٹا سا تحفہ وغیرہ. مجھے یاد ہے ایک بار 'پمبیری' ڈال دی تھی.

امی جان یہ واقعہ سناتی ہیں کہ ہماری ایک خالہ جان نے اپنی کسی سہیلی کو عید کارڈ بھیجنے کا قصد کیا۔ عید کارڈ منگوایا گیا۔ اس پہ خوشخطی سے عید مبارک اور نام وغیرہ لکھے گئے۔ اس کے بعد لفافے میں بند کیا اور جب باری آئی کہ لفافے پہ کیا لکھا جائے تو کسی عقل مند نے مشورہ دیا کہ سب سے اہم چیز تو اپنا نام ہے کہ وصول کنندہ کو علم تو ہو کہ کس نے اور کہاں سے بھیجا ہے۔ سو اپنا نام اور پتا لکھ کر اس کو لیٹر باکس میں ڈالنے کے لئے "شہر" بھیجا گیا۔ چند دن بعد کامیابی سے اپنے ہی گھر میں موصول ہو گیا۔

 

[مریم افتخار]

ہمارے گاؤں میں ایک پی سی او ہوتا تھا اور کسی خوشی غمی کی اطلاع اس پر ہوتی تھی اور پی سی او والا گھر بتا کر جاتا تھا. میری نانی اماں کی وفات کی اطلاع بھی اس پر ہوئی اور ان کی وفات سے چند ماہ قبل میرے 'جڑواں بھائیوں' کی پیدائش کی اطلاع بھی شہر سے اسی پر کی گئی اور دادی اماں مرحومہ. کو خوشی سے یقین ہی نہ آ رہا تھا اور انہوں نے مجھے دوبارہ بھیجا کہ پی سی او والے بھائی سے کنفرم کر کے آؤ کہ ان کے کانوں نے ٹھیک تو سنا ہے؟

 

[محمد تابش صدیقی]

کارڈ اور بورڈ گیمز کی بھرمار ہوتی تھی، اور روزمرہ لائف کا حصہ تھے۔
کیرم، سکریبل، مونوپلی، لوڈو، کلوڈو، بارہ گیٹ، ڈرافٹ، شطرنج
بہت کھیلے

 

[محمد عدنان اکبری نقیبی]

یادگار ساتھی ۔

 

[محمد تابش صدیقی]

پہلا ٹیلی فون ٹی آئی پی والوں کا سبز ڈائل والا ٹیلی فون 1992 میں لگا۔
اس سے بھی بڑی یادیں وابستہ ہیں۔

 

[یاز]

بلکہ ثلاثوی سا کر دیا۔
اس کے بعد ای میل کے ذریعے کارڈز بھیجے جاتے تھے، وہ بھی اب آنا ختم ہو گئے۔

اب تو ای میل بھی یادِ ماضی ہو چکی۔
اپنے کسی دوست یا عزیز کو ای میل کئے ہوئے بھی ایک عشرے سے زائد ہی ہو گیا ہو گا۔ بلکہ شاید ڈیڑھ عشرہ ہی ہو گیا ہو۔

 

[محمد عدنان اکبری نقیبی]

 

[محمد تابش صدیقی]

اب تو ای میل بھی یادِ ماضی ہو چکی۔
اپنے کسی دوست یا عزیز کو ای میل کئے ہوئے بھی ایک عشرے سے زائد ہی ہو گیا ہو گا۔ بلکہ شاید ڈیڑھ عشرہ ہی ہو گیا ہو۔

اب بس آفیشل ای میل ہی استعمال میں ہے۔ پرسنل ای میل مختلف سائٹس پر اکاؤنٹ بنانے کے کام آتی ہے۔

 

[یاز]

تقریباً اسی طرح کا میرے پاس بھی تھا، اور میچ والے دن سکول لے کر آنا بھی میری ذمہ داری ہوتی تھی۔ کلاس میں بھی ٹوٹی لگا کر کمنٹری سنی جاتی۔ اور آسٹریلیا میں صبح صبح شروع ہونے والے میچز کی کمنٹری بھی اسے تکیہ کے نیچے رکھ کر سنی جاتی۔

اور وہ "ٹوٹی" بھی اس طرح کی ہوا کرتی تھی۔

 

[محمد تابش صدیقی]

ویسے تو کئی بیٹ خریدے، مگر ایک بیٹ جس نے 7،8 سال ساتھ دیا۔ سی اے کا بگ سکسر۔ میں نہ بھی کھیل رہا ہوں تو دوست مانگ کر لے جاتے تھے۔
ایگل کے بیڈمنٹن ریکٹ نے بھی آخر تک ساتھ دیا، جب تک بیڈ منٹن کھیلی۔

 

[ربیع م]

اس ریڈیو نے بہت عرصہ ساتھ نبھایا
آج تک بھی ریڈیو سے ہم جان نہیں چھڑا پائے

 

[یاز]

پہلا ٹیلی فون ٹی آئی پی والوں کا سبز ڈائل والا ٹیلی فون 1992 میں لگا۔
اس سے بھی بڑی یادیں وابستہ ہیں۔

ہمارے ہاں 1993 میں لگا تھا۔ اس شکل و صورت والا

 

[محمد تابش صدیقی]

ہمارے ہاں 1993 میں لگا تھا۔ اس شکل و صورت والا

ہمارا گہرے سبز رنگ کا تھا اور اس کی نسبت چوڑا تھا۔ وہ ڈیزائن بھی بہت عام تھا۔

 

[یاز]

پولکا آئس کریم کس کس نے کھائی ہے؟

 

[یاز]

اس طرح کا جیومیٹری باکس بھی سکول کے زمانے میں قیمتی اثاثہ ہوا کرتا تھا۔