دل کے موضوع پر اشعار!

[زیرک]

نکال لایا ہوں ایک پنجرے سے اک پرندہ
اب اس پرندے کے دل سے پنجرہ نکالنا ہے

 

[زیرک]

سرد ہو سکتی نہیں ساجدؔ کبھی سینے کی آگ
دل جلانے کو ملا ہے، یاد کا ایندھن مجھے
اقبال ساجد

 

[زیرک]

عشق کچھ کھیل نہیں اے دل آرام طلب
سیکھنا تھا تجھے وہ کام جو آسان ہوتا
داغ دہلوی

 

[زیرک]

تِیر پلٹے تو دل نہ زخمی ہو
یہ ہنر بھی کمان میں رکھنا
محسن نقوی

 

[زیرک]

درد بھی دیتا ہے دروازے پہ دستک دوشیؔ
دل کی دھک دھک سے بھی خوابوں میں خلل پڑتا ہے
رانا سعید دوشی​

 

[زیرک]

ترے نصیب میں اے دل! سدا کی محرومی
نہ وہ سخی، نہ تجھے مانگنے کی عادت ہے
احمد فراز​

 

[زیرک]

نگاہِ یار کا کیا ہے، ہوئی، ہوئی، نہ ہوئی
یہ دل کا درد ہے پیارے، گیا، گیا، نہ گیا
احمد فراز​

 

[زیرک]

نہ پوچھو عہدِ الفت کی، بس اک خوابِ پریشاں تھا
نہ دل کو راہ پر لائے، نہ دل کا مدعا سمجھے
فیض احمد فیض​

 

[زیرک]

وہ خدا ہے، کسی ٹوٹے ہوئے دل میں ہو گا
مسجدوں میں اسے ڈھونڈو نہ کلیساؤں میں
قتیل شفائی​

 

[زیرک]

دل پہ تو تِری یاد کے بادل کا ہے سایہ
سر پہ ہے کڑی دھوپ جسے جَھیل رہا ہوں
اشتیاق زین​

 

[زیرک]

یہ آرزو بھی عجب وقتِ مرگ تھی دل میں
تمہی نے زخم دیئے تھے، تمہی دوا کرتے
اشتیاق زین​

 

[زیرک]

کبھی پتھر کے دل اے کیف پِگھلے ہیں، نہ پِگھلیں گے
مناجاتوں سے، فریادوں سے، چیخوں سے، پکاروں سے
کیف بھوپالی​

 

[زیرک]

برا نہ مان، اگر یار کچھ برا کہہ دے
دلوں کے کھیل میں خودداریاں نہیں چلتیں
کیف بھوپالی​

 

[زیرک]

ہجر کے پیڑ سے جب یاد کا پھل گِرتا ہے
دل میں پھر درد کے انبار سے لگ جاتے ہیں​

 

[زیرک]

سحر سِسکتے ہوئے آسمان سے اتری
دل نے جان لیا یہ بھی سال درد کا ہے
فرحت عباس شاہ​

 

[زیرک]

ان کا ہم سے پیار کا رشتہ، اے دل! چھوڑو، بھول چکو
وقت نے سب کچھ میٹ دیا ہے اب کیا نقش ابھارو گے
ابنِ انشا​

 

[زیرک]

ماحول کچھ ایسا بنا واں حسن تھا، یاں شوق تھا
گھر لوٹے ہم دل ہار کر ہاں اک نشیلی شام تھی
مدثر جاوید ملک​

 

[عبدالرحمن آزاد]

ادا سے دیکھ لو جاتا ہے ہے گلہ دل کا
بس اک نگاہ پہ ٹھرا ہے فیصلہ دل کا
ارشد علی خان قلق

 

[زیرک]

اثر دکھا نہ سکا اس کے دل میں اشک مرا
یہ تیر بھی کسی ٹوٹی ہوئی کمان کا ہے
محسن نقوی​

 

[زیرک]

یہ شاعری یہ کتابیں یہ آیتیں دل کی
نشانیاں یہ سبھی تجھ پہ وارنا ہوں گی
محسن نقوی​