عدم دل نے دیکھی ہے تری زلف کے سر ہونے تک - عبدالحمید عدم

[معاویہ وقاص]

دل نے دیکھی ہے تری زلف کے سر ہونے تک
وہ جو قطرے پہ گزرتی ہے، گہر ہونے تک

بھیڑ لگ جائےگی شیریں کی گلی میں فرہاد​

لوگ بے بس ہیں ترے شہر بدر ہونے تک

زہر پی لیتا ہوں ، گر شہد بھرے ہونٹ ترے
میرے قبضے میں رہیں اس کا اثر ہونے تک

بعد اس کے کوئی تقریب نہیں ہے غم کی
آج تم پاس رہو میرے ، سحر ہونے تک

ہم تمھیں اپنی خبر دیں بھی تو کیا سوچ کے دیں
ہم کو رہنا ہی نہیں تم کو خبر ہونے تک

میرا شیرازہ ہستی نہ بکھر جائے عدم
اس پری زاد کو توفیق نظر ہونے تک

عبدالحمید عدم

 

[سید شہزاد ناصر]

بہت خوب شراکت
شاد و آباد رہیں

 

[سید زبیر]

بہت عمدہ
ہم تمھیں اپنی خبر دیں بھی تو کیا سوچ کے دیں
ہم کو رہنا ہی نہیں تم کو خبر ہونے تک

واہ ۔ ۔ کیا بات ہے

 

[نویدظفرکیانی]

بہت خوب

 

[عمراعظم]

لا جواب۔