ام نور العين
معطل
درود و سلام اس شہ انبیاء پر اتارا ہے قرآن جس پر خدا نے
وہ قرآں کہ جس کی بلیغ آیتیں ہیں خفی و جلی حکمتوں کے خزانے
کتاب مبیں جس کو روح الامیں خاتم المرسلیں کی طرف لے کے آئے
وہ وحی الہی کہ جس کی حفاظت کا ذمہ لیا آپ رب علا نے
جو بندوں کی جانب پیام ھدی ہے ، جو رحمت نصیحت ہدایت شفا ہے
وہ منشور آخر جسے روح سمجھے ، جسے قلب جانے جسے ذہن مانے
کھلے جس کی ترتیل سے ہم پہ عقدے زمان و مکاں کے وراء الوراء کے
ہوئے جس کی تنزیل سے ہم پہ روشن ازل سے ابد تک کے سارے زمانے
وہ مجموعہ خیر روشن صحیفہ بٹھایا ہے اسلام کا جس نے سکہ
سکھایا ادب جس نے خیر الوری کا سکھایا ادب جس نے خیر الوری کا
درود و سلام اس شہ انبیاء پر اتارا ہے قرآن جس پر خدا نے
وہ قرآں کہ جس کی بلیغ آیتیں ہیں خفی و جلی حکمتوں کے خزانے