دامودر ذکی ٹھاکور :::: بُلند زیست کا اپنی وقار ہو نہ سکا -- Damodar Zaki Thakor

[طارق شاہ]

غزلِ
ذکی ٹھاکور

بُلند زیست کا اپنی وقار ہو نہ سکا
تِری نظر میں مِرا پیار، پیار ہو نہ سکا

زمانہ زندگی کا سازگار ہو نہ سکا
جیئے ضرور، مگر اعتبار ہو نہ سکا

تِرا وقار ، مُکمل وقار ہو نہ سکا
کسی سے تجھ کو زمانے میں پیار ہو نہ سکا

زمانہ سارا ہُوا ہے تمھارا محرمِ راز
نہ ہو سکا تو مِرا اعتبار ہو نہ سکا

حیات گزُری زمانے کی غمگساری میں
مگر کوئی بھی مِرا غم گسار ہو نہ سکا

ذکی ٹھاکور​