کاشفی
محفلین
خیبر پختونخوا کی حکومت نے ایک ہی روز رمضان المبارک کے آغاز کے لئے مفتی شہاب الدین پوپلزئی کو راضی کرنے کی کوششیں شروع کر دی ہیں۔ شوکت یوسفزئی کا کہنا ہے کہ مفتی پوپلزئی کا نام صوبائی رویت ہلال کمیٹی میں شامل کر لیا گیا ہے۔
پشاور: (دنیا نیوز) صوبائی حکومت چاہتی ہے کہ اس بار مرکز کے ساتھ روزے رکھے جائیں اور پورے ملک میں عید بھی اکٹھی منائی جائے۔ اس مقصد کے لئے مسجد قاسم علی خان کے خطیب مفتی شہاب الدین پوپلزئی سے بھی رابطہ کیا گیا ہے جو ہر سال غیر سرکاری مقامی کمیٹی بٹھا کر چاند نظر آنے کا اعلان کر دیتے ہیں۔ وزیر اطلاعات شوکت یوسفزئی کا کہنا ہے کہ مفتی پوپلزئی کا نام صوبائی رویت ہلال کمیٹی میں شامل کیا گیا ہے اور انہیں اکٹھے چاند دیکھنے کیلئے آمادہ کیا جا رہا ہے۔ انہوں نے کہا کہ اب رویت ہلال پر سیاست نہیں ہونی چاہئیے۔
