خطا میں نے کوئی بھاری نہیں کی۔۔۔ ۔تابش مہدی

[نعمان رفیق مرزا]

خطا میں نے کوئی بھاری نہیں کی
امیرِ شہر سے یاری نہیں کی

کسی منصب، کسی عہدے کی خاطر
کوئی تدبیر بازاری نہیں کی

بس اتنی بات پر دنیا خفا ہے
کہ میں نے تجھ سے غداری نہیں کی

مری باتوں میں کیا تاثیر ہوتی
کبھی میں نے اداکاری نہیں کی

مرے عیبوں کو گِنوایا تو سب نے
کسی نے مری غم خواری نہیں کی

(تابش مہدی)

 

[زبیر مرزا]

واہ بہت خُوب جناب

 

[الف عین]

خوب، میرے خیال میں مطلع میں یوں ہو گا۔
خطا میں نے کوئی بھاری نہیں کی

 

[نایاب]

خطا میں نے کوئی بڑی نہیں کی
امیرِ شہر سے یاری نہیں کی

کسی منصب، کسی عہدے کی خاطر
کوئی تدبیر بازاری نہیں کی

بس اتنی بات پر دنیا خفا ہے
کہ میں نے تجھ سے غداری نہیں کی

مری باتوں میں کیا تاثیر ہوتی
کبھی میں نے اداکاری نہیں کی

مرے عیبوں کو گِنوایا تو سب نے
کسی نے مری غم خواری نہیں کی

(تابش مہدی)

بہت خوب شراکت

 

[محمداحمد]

بہت خوب انتخاب ہے۔

خوش رہیے۔

 

[نعمان رفیق مرزا]

بہت شکریہ دوستو۔۔۔ الف عین صاحب، آپ کی رہنمائی کا بھی بیحد شکریہ ۔۔۔ آپ نے غلطی کی صحیح نشاندہی کی۔ غلطی کے لئے معذرت خواہ ہوں۔۔۔ اسے ابھی درست کرتا ہوں۔

 

[نعمان رفیق مرزا]

کوئی صاحب دھاگے میں تدوین کرنے میں میری مدد کریں گے؟ مجھے تحریر میں تبدیلی کرنی ہے، لیکن مجھے اس کام کے لئے لنک نہیں مل رہا ہے۔

 

[الف عین]

محفل میں عام اراکین کے لئے تدوین کا آپشن محض چند لمحوں کے لئے ہے۔ حد بندی کتنی ہے، اس کا علم نہیں۔ منتظمین ہی درست کر سکتے ہیں۔ محمد وارث سے درخواست ہے کہ مطلع درست کر دیں اور قافیہ کو ’بھاری‘ کر دیں۔ ہم جیسے ارکان سے بوجھ ایسا کہاں سے اٹھتا ہے!!

 

[محمد وارث]

جی تبدیلی کر دی گئی ہے۔

 

[نعمان رفیق مرزا]

تشکر وارث صاحب اور الف عین صاحب۔۔۔

 

[مہ جبین]

بہت اچھا انتخاب ہے
شریکِ محفل کرنے کا شکریہ