خاک مجھ میں کمال رکھا ہے۔۔

[یوسف سلطان]

خاک مجھ میں کمال رکھا ہے
مصطفیٰﷺ نے سنبھال رکھا ہے

میرے عیبوں پہ ڈال کر پردہ
مجھ کو اچھوں میں ڈال رکھا ہے

میم سے مرضِ ہر دوا ہو کر
ہر مصیبت کو ٹال رکھا ہے

تیرے صدقے ترے کرم نے کریم
مجھ کو جگ میں خوشحال رکھا ہے

اُن کی رحمت نہیں فقط ہم پر
غیر کا بھی خیال رکھا ہے

دال سے دافعِ بلا ہیں یہ
یوں محمد میں دال رکھا ہے

اُن کے جلوؤں میں خود خدا کی قسم
رب نے اپنا جمال رکھا ہے

عاصیو! رب نے اُنؐ سے ملنے کو
نقش پائے بلال رکھا ہے

دے کے دلبر کو رب نے اپنا جمال
پاس اپنے جلال رکھا ہے

اک تری یاد کے سوا میں نے
دل سے سب کچھ نکال رکھا ہے

مصطفیٰﷺ کی شبیہ حُسیؓن و حَسؓن
نام پردے میں آل رکھا ہے

کوئی کہہ دے نہ اُنؐ کو ہم جیسا
یوں اُنہیں بے مثال رکھا ہے

جو فقیرانِ شاہِ بطحٰا ہیں
اُن کی گڈری میں لال رکھا ہے

تیرا اعجازؔ کب کا مر جاتا
تیرے ٹکڑوں نے پال رکھا ہے

اعجاز احمد اعجازقادری​

 

[محمد عدنان اکبری نقیبی]

ماشاء اللہ ، سبحان اللہ
ﷺ

 

[الف نظامی]

تصحیح کر لیجیے
عاصیو! رب نے اُنؐ سے ملنے کو
نقشِ پائے بلال رکھا ہے

 

[یوسف سلطان]

ماشاء اللہ ، سبحان اللہ
ﷺ

شکریہ جزاک اللہ۔

تصحیح کر لیجیے
عاصیو! رب نے اُنؐ سے ملنے کو
نقشِ پائے بلال رکھا ہے

جزاک اللہ۔