حمد برائے اصلاح

[ارشد چوہدری]

بحر ہزج مثمن سالم ( مفاعیلن مفاعیلن مفاعیلن مفاعیلن )
وہی بحر نئےالفاظ کے ساتھ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خدا نے ہی جہاں سارا اکیلے نے بنایا ہے
کیا اچھا بنایا ہے کیا اچھا سجایا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اکیلا تھا اکیلا ہے اکیلا ہی رہے گا وہ
کسی کا وہ نہیں بیٹا نہ بیٹا ہی بنایا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اُسی کے دم سے یہ رونق ہے سارے ہی جہانوں میں
یہ نیلا آسماں اُس نے ستاروں سے سجایا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کبھی دیکھا کرو خود کو تمہیں کس نے بنایا ہے
وہ کس کی ذات ہے جس نے تمہیں جینا سکھایا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عبادت اُس کی کرتا ہوں مجھے جس نے بنایا ہے
اُسی کا نام لیتا ہوں اُسے دل میں بسایا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ دنیا آزمائش ہے یہاں بچ کر ہی چلنا ہے
اجر دینے کو اس نے حشر کا وہ دن بنایا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ تیرے ساتھ ہوتا ہے کبھی تنہا نہیں ارشد
جہاں جاتا ہوں میرے سر پہ میرے رب کا سایہ ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

اب اصلاح کرتے کرتے تھک گیا، بعد میں کروں گا ۔ اگر بھول جاؤں تو ٹیگ لینا !

 

[الف عین]

خدا نے ہی جہاں سارا اکیلے نے بنایا ہے
کیا اچھا بنایا ہے کیا اچھا سجایا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 'نے' دو بار کی کیا ضرورت؟ دوسرے مصرعے میں 'کیا' سوالیہ لگتا ہے جسے محض 'کا' تقطیع ہونا چاہیے تھا

اکیلا تھا اکیلا ہے اکیلا ہی رہے گا وہ
کسی کا وہ نہیں بیٹا نہ بیٹا ہی بنایا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دوسرے مصرعے میں 'اس نے' کے بغیر بات مکمل نہیں ہوئی

اُسی کے دم سے یہ رونق ہے سارے ہی جہانوں میں
یہ نیلا آسماں اُس نے ستاروں سے سجایا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

کبھی دیکھا کرو خود کو تمہیں کس نے بنایا ہے
وہ کس کی ذات ہے جس نے تمہیں جینا سکھایا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یہ ایک اور مطلع ہو گیا! اس کو شروع میں رکھیں بلکہ اصل مطلع کو اس سے بدل دیں

عبادت اُس کی کرتا ہوں مجھے جس نے بنایا ہے
اُسی کا نام لیتا ہوں اُسے دل میں بسایا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یہ بھی مطلع؟ اسی کو دل میں بسایا ہے کسی طرح لا سکیں تو بہتر ہو گا پہلا مصرع یوں کہیں تو؟
عبادت بھی اسی کی ہے اسی کا نام لیتا ہوں

یہ دنیا آزمائش ہے یہاں بچ کر ہی چلنا ہے
اجر دینے کو اس نے حشر کا وہ دن بنایا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اجر کا ج ساکن ہونا چاہیے، حشر کا 'وہ' دن کیوں؟ دونوں مصرعوں میں آپسی تعلق بھی نہیں اور دونوں کا 'ہے' پر اختتام بھی پسندیدہ نہیں

وہ تیرے ساتھ ہوتا ہے کبھی تنہا نہیں ارشد
جہاں جاتا ہوں میرے سر پہ میرے رب کا سایہ ہے
تنہا نہیں ارشد بھی کہہ رہے ہیں اور مصرع کا فاعل 'وہ' بمعنی اللہ تعالیٰ ہے! دوسرے مصرعے میں ضمیر 'میں' ہو گئی ہے!