جیو کی مزاحیہ سیریز مزاح یا اسماءالحسنی کا استہزاء

[محمود احمد غزنوی]

ویسے ایک نسخہ ہے جسے استعمال کرنے سے بعض عقول کا اضطراب دور ہوسکتا ہے اور ان کیلئے یہ سیریز قابلِ قبول ہوسکتی ہے۔۔۔۔وہ یہ کہ کرداروں کے ناموں سے پہلے عبدل کا سابقہ لگا دیا جائے۔۔۔

 

[سعادت]

اس میں جبار دی پاورفل ، جلیل دی میجسٹک ، مصور دی آرگنائزر ، وسیع دی واسٹ ، نور دی لائٹ ، صمد ۃ دی انولنریبل ، باقی دی ایور لاسٹنگ ، باطن دی ہڈن وغیرہ اور فی میل کیریکٹرز کی منفی خصوصیات واضح ہیں مثلا دی ڈسٹرکٹر ۔

کیا آپ نے The 99 کی ویب سائٹ پر کرداروں کے ناموں کے ساتھ ساتھ ان کے پروفائلز بھی پڑھے ہیں؟ اگر نہیں تو ضرور پڑھیے۔

آپ الباطنۃ دی ہڈن دی ڈسٹرکٹرز اور چند دوسرے فی میل کیریکٹرز کو دیکھیں ۔ ان کا امیج بہت مکروہ ہے، ان کا گیٹ اپ امپلسو ہے ۔

دوسری بات جو آپ نے کہی : اور اسلام کو جس تشدد اور برائی کے ساتھ پیش کیا جاتا ہے اس حوالے سے بھی ایک بہتر عمل ہے۔

آپ الممیتہ یا دی ڈسٹرکٹر نامی فی میل کیرکٹر کو دیکھیں ضرور ۔[---]

آپ کو فی میل کرداروں کے منفی ہونے کے بارے میں تحفظات ہیں، اور اس ضمن میں آپ نے خاص طور پر Mumeeta the Destroyer کا ذکر کیا (دا ڈسٹرکٹر کے نام سے کوئی فی میل کردار نہیں ہے، اس لیے میں فرض کر رہا ہوں کہ آپ دا ڈسٹرائیر ہی کی بات کر رہی ہیں)۔ یہ رہا اس کردار کا پروفائل:

Catarina Barbosa was a runaway teen that lived on the streets and fought for everything she ever had. She traveled from country to country, often as a stowaway. And along the way, she became an expert fighter.

When Catarina reached the UAE, she entered the Abu Dhabi Grappling Championship by pretending to be a boy. She won several matches before her ruse was discovered. Booted out, Catarina was approached by operators of an illegal fighting ring based in Cairo. Catarina became a champion fighter for the organization, still disguising her gender.

Nawaf—known to THE 99 as Jabbar—convinced Catarina to join Dr. Ramzi’s cause after he fought her in a grueling arena battle.

Mumita wears her gem in a custom-designed combat gauntlet. She retains many of her rough edges; she’s often sarcastic, particularly to Noora, whom she regards as a spoiled rich girl. But since joining THE 99, Mumita has tackled her studies with a vengeance and discovered she has a hidden talent for chess. Dr. Ramzi has reminded her more than once that she must learn when not to be the Destroyer, as well as when to embrace her power.

Perhaps Dr. Ramzi sees Mumita as a possible successor to him one day, if she can master her violent nature. This causes further friction with Noora, who, as one of the most senior members, see herself as the natural leader.

Powers:
• Enhanced speed, strength, agility, and reflexes.
• Nearly invulnerable.

​

کیا آپ نشاندہی کر سکتی ہیں کہ اس کردار میں ایسی کونسی منفی بات ہے جو اسے فکشن کے دیگر ملٹی ڈائمینشل کرداروں سے خصوصیت سے ممتاز کرتی ہے؟ علاوہ ازیں، اس کردار میں لیڈرشپ کی خصوصیات بھی ہیں، اور دیگر کردار اُسے اپنی خامیوں پر قابو پانے کی تلقین بھی کرتے رہتے ہیں۔ کیا اپنی خامیوں پر قابو پانے کی کوشش کرنا منفی بات ہے؟

آپ نے Batina the Hidden کا ذکر بھی کیا۔ اس کا پروفائل بھی پیش ہے:

Little is known about Batina the Hidden, whose mastery of her gemstone gives her the ability to become invisible. She surreptitiously visited THE 99 a few times, always undercover, which led to a misunderstanding—THE 99 initially believed Batina was an enemy.

In truth, Batina has lived for many years in a remote retreat, invisible to human instruments, high in the Himalayas far from the domain of mountain climbers and inhabitants. This Retreat is a haven for gem-bearers, particularly those, like Musawwira or Sami, who have difficulty coping with their gifts. The Retreat works hand in hand with THE 99 Steps Foundation, and members of THE 99 frequently travel between the two.

While Batina is intensely curious about the outside world, she isn't yet equipped to deal directly with it. She prefers to lurk in the shadows, observing but not participating in the lives of THE 99.

Powers:

• Batina can blend into any background and become nearly invisible.
• She is very quiet, and can only be detected by super-sensitive hearing like Sami's.

​

اس کردار میں بھی کوئی منفی یا مکروہ امیج والی بات نہیں ہے۔

گیٹ اپ کے "امپلسِو" ہونے والی بات سمجھ میں نہیں آئی۔ شاید آپ "ریپلسِو" (repulsive) کہنا چاہ رہی تھیں؟ مجھے اس بارے میں زیادہ علم نہیں، آفیشل ویب سائٹ پر کرداروں کے پروفائلز کے ساتھ صرف ہیڈ شاٹس موجود ہیں، دیگر تصاویر ڈھونڈنے کی کوشش کروں گا جن میں مکمل گیٹ اپ ہو۔

مزید فی میل کردار یہ ہیں:

- Widad the Loving
- Musawwira the Organizer
- Hadya the Guide
- Noora the Light
- Samda the Invulnerable
- Mujiba the Responder

ان سب کے پروفائلز پڑھ لیجیے، یہ منفی کردار نہیں ہیں۔

لیکن شاید آپ کا اعتراض صفات کے انگریزی ترجمے پر ہے، جیسا کہ آپ نے کہا:

[---] الممیت اللہ کا نام ہے ، ڈسٹرکشن کے لیے کئی متبادل لفظ ممکن تھے ۔

مثلاً؟ ایسے کونسے الفاظ ہیں جن میں موت یا زندگی کے اختتام کے بارے میں منفی connotations موجود نہیں ہیں؟

پھر اللہ کا ایک صفاتی نام "القہار" بھی ہے۔ کیا اس کا کوئی "مثبت" ترجمہ کیا جا سکتا ہے؟

آپ کو تشویش ہے کہ ڈسٹرائیر جیسے الفاظ میں منفی عنصر پایا جاتا ہے، لیکن Loving، Guide، اور Light وغیرہ بھی تو ہیں جو نہایت مثبت ہیں۔ پھر یوں بھی ہے کہ کامک بکس میں سُپر طاقتوں کا استعمال مثبت اور منفی نہیں، بلکہ دفاعی یا تعمیری، اور جارحانہ یا تخریبی ہوا کرتا ہے۔ بعض اوقات تو ایک ہی طاقت تعمیری اور تخریبی دونوں طریقوں سے استعمال کی جا سکتی ہے۔ The 99 کے کردار وں کی طاقتیں بھی اسی فارمولے کو سامنے رکھ کر ترتیب دی گئی ہیں۔

ایک اور اہم بات یہ ہے کہ تقریباً تمام کرداروں کے نام ان کی سُپر طاقتوں کی جانب اشارہ کرتے ہیں، لیکن ممیتہ اور صمدہ کے معاملے میں ایسا نہیں۔ ممیتہ کی طاقتیں تو اوپر بیان ہو چکیں، صمدہ کی طاقتیں یہ ہیں:

• Samda emits a force field that protects her, and anyone near her, from all harm.
• Cannot be moved once she plants her feet.

​

غور کیجیے، یہ طاقتیں کہیں سے بھی "الصمد" کو بیان نہیں کرتیں۔ اسی طرح ممیتہ کی طاقتوں میں بالواسطہ موت کا ذکر نہیں ہے۔ شاید آپ یہ کہیں کہ اس طرح تو یہ بات زیادہ خطرناک ہے اور کمسن ذہنوں کو اصل معانی کے بارے میں الجھن کا شکار کر سکتی ہیں، لیکن میرے خیال میں یہ ایک کافی محفوظ قدم ہے: اس طرح "منفی" تاثر بھی قائم نہیں ہوتا، اور بچوں کو "الصمد" جیسے الفاظ کی تشریح پیش کی جانے کی ضرورت بھی نہیں رہتی۔ اور اتنا حسنِ ظن تو رکھنا ہی چاہیے کہ جب یہ بچے بڑے ہو کر الصمد کا اصل مفہوم جاننے کے قابل ہوں گے تو فیکٹ اور فکشن میں تفریق بھی کر سکیں گے۔ نیز، "الصمد" تو صرف اللہ کی ذات ہی ہو سکتی ہے، لیکن محض "صمد" بہت سے لوگوں کا نام ہے (جس کے بلا اعتراض ہونے سے آپ اتفاق بھی کرتی ہیں)۔

آخر مخصوص اسلامی اصطلاحات ہی پر اصرار کیوں ؟

تاکہ بچوں کو اس سیریز کے کرداروں سے اجنبیت محسوس نہ ہو؟ اس سیریز کا آغاز ایک اسلامی ملک سے ہی ہوا تھا۔ (کچھ اسی سمبولزم کے بارے میں مزید آگے بھی۔)

لیکن نوری پتھروں والی بات سے مجھے اختلاف ہے اس سے علم کی طاقت مراد نہیں ہے ۔ اس میں ماورائی طاقتیں ہیں ۔

درست، مجھے لکھنے میں غلطی ہوئی تھی۔ ولن کا اصل مقصد ان ہیروں کی طاقتوں پر ذاتی برتری کی خاطر قبضہ کرنا ہے۔ جبکہ ایک اور مرکزی کردار، ڈاکٹر رمزی، کا مقصد ان ہیروں کو اکٹھا کرنا اور ان کی طاقتوں کو انسانیت کے مسائل حل کرنے کے لیے استعمال کرنا ہے۔ (ڈاکٹر رمزی کا کردار ایکس-مین کے ڈاکٹر ایکس سے ملتا جلتا ہے، فرق یہ ہے کہ ڈاکٹر رمزی کے پاس کوئی سپر طاقت نہیں ہے۔)

اولا تو بحیثیت مسلمان ہمیں پتھروں کی طاقتوں پر یقین نہیں [---]

یہ کامک فکشن ہے۔

[---] اور یہاں بھی نور ایک اسلامی اشارہ یا سمبل ہے ۔ امید ہے آپ سمبولزم اور اس کی تاریخ سے واقف ہوں گے ۔

معذرت، لیکن نور، یا پاکیزہ روشنی، کا ذکر صرف اسلام ہی میں نہیں بلکہ دیگر مذاہب میں بھی ملتا ہے۔

لیکن کیا سمبولزم کو فکشن میں استعمال نہیں کیا جا سکتا؟ کئی کہانیاں suspension of disbelief کی متقاضی ہوتی ہیں، اور لوگ ان سے لطف اندوز بھی ہوتے ہیں۔ اس کا مطلب یہ تو نہیں کہ اصل زندگی میں لوگ حقیقت کو پہچاننے کے قابل نہیں رہ جاتے۔ داستانِ امیر حمزہ، طلسمِ ہوشربا، اور الف لیلی کی کہانیاں بھی اسلامی سمبولزم سے بھری پڑی ہیں، اور ان کو بچے بھی پڑھتے آئے ہیں۔ کیا The 99 اس لیے زیادہ قابلِ اعتراض ہے کہ اس میں شامل سمبولزم کا تعلق اللہ کے صفاتی ناموں سے ہے؟ اور اگر ایسا ہے تو اللہ کی ننانوے صفات ہمیں کسی نہ کسی صورت میں (کم یا زیادہ) روزمرہ مشاہدے میں اور عام انسانوں کی شخصیات میں کیوں نظر آتی ہیں؟ کامک کی کہانی کے مطابق ننانوے ہیروں کی طاقتوں کا ماخذ دار الحکمت کی کتابوں کا علم ہے۔ اگر اس علم کی طاقت کی تقسیم اللہ کی ننانوے صفات سے انسپائر ہو کر کی جاتی ہے، تو کیا یہ واقعی اتنا بڑا مسئلہ ہے کہ اس سے مسلمان بچوں کے اذہان پر اللہ کے بارے میں منفی یا مسخ اثرات مرتب ہو سکیں گے؟ اور وہ بھی تب جب کامک میں کہیں بھی اللہ، قرآن، اور اسلام کا ذکر نہیں ہے (میری پچھلی پوسٹ میں ڈاکٹر نایف کے بیان کا اقتباس دیکھیے۔) کم از کم میری رائے میں تو یہ ایک انتہائی تخلیقی اور دلچسپ آئیڈیا ہے۔ اگر اس بات کا خدشہ ہے کہ بچے ان کرداروں کو اللہ کی مجسم صورت سمجھنا شروع کر دیں گے تو میرے خیال میں اس کا ازالہ یہی بات کر دیتی ہے کہ اس سیریز میں اللہ کا ذکر نہیں ہے، اور نہ ہی ان کرداروں کو ایک خدا کے متعدد روپ (یا مختلف خداؤں) کے طور پر پیش کیا جا رہا ہے، بلکہ یہ سب کردار عام، فانی انسان ہی ہیں۔ بچے فطرتی طور پر out of the box سوچتے ہیں، اور اس طرح کی کہانیاں ان کے تخیل اور تخلیقی صلاحیتوں کو جِلا ہی بخشتی ہیں۔ پھر بھی اگر کوئی بچہ کنفیوز ہوتا ہے، تو جیسا محب علوی کہہ چکے ہیں، اس کی کنفیوژن دور کرنے کے لیے والدین اور اساتذہ موجود ہیں۔ جہاں تک میں نے پڑھا ہے، ان کامکس میں بچوں کی اسلامی تربیت کا کبھی کوئی مقصد نہیں رہا، بلکہ ان میں ایسی آفاقی قدروں کو بیان کیا جاتا ہے جو ہر مذہب اور معاشرے میں احسن سمجھی جاتی ہیں۔ اب اگر جیو کا یہ کہنا ہے کہ اس کامک پر مبنی اینیمیٹد پروگرام مسلمان بچوں کی اسلامی تربیت کے بھی کام آ سکتا ہے، تو یہ سراسر غلط بیانی ہی ہے۔

 

[ام نور العين]

ہاہ مسلمانوں کا خدا۔
انڈونیشیا میں عیسائیوں نے مقدمہ کر دیا کہ مسلمان کہتے ہیں اللہ صرف انہیں کا رب ہے، عدالت نے کہا کس نے مسلمانوں کو حق دیا کہ وہ کہیں اللہ انہیں کا رب ہے۔ اللہ سب کا ہے، عیسائیوں کا بھی۔ اور اب عیسائی بھی اللہ کا نام استعمال کرتے ہیں وہاں۔ نبی ٖ ﷺ ساری انسانیت کا، اور خدا بھی ساری انسانیت کا۔ ایشور، گاڈ، خدا، رب، اللہ کوئی بھی کہہ لو، پالنے والا تو وہی ہے۔ اور اسی کے اچھے اچھے نام ہے۔

مسلمانوں کا خدا کی فریز محب علوی بھائی نے استعمال کی تھی میں نے جواب دیتے وقت اسے جوں کا توں استعمال کیا تا کہ ان کی بات کا حوالہ دے سکوں ۔
اس بات میں کوئی شک نہیں کہ اللہ سب کا رب ہے ۔ اور میں اللہ کے لیے لفظ خدا کے استعمال میں کوئی حرج نہیں سمجھتی لیکن الہیات کی بحثوں میں مختلف ادیان کا ذکر کرتے ہوئے ہم اس طرح بات کرتے ہیں ہندوؤں کا خدا ، مسلمانوں کا خدا ، اس سے مقصود اس مذہب کا خدائی تصور ہوتا ہے ۔ اس میں ایسی کوئی قباحت نہیں ہے ۔

اس سیریز کی شروعات اسما الحسنی سے تھی مگر بعد میں اسے عالمی طور پر پیش کرنے کے لیے اب مذہب یا اسلام کا حوالہ ختم کر دیا گیا ہے اور اسے دوسری سپر ہیروز والی سیریز کے طور پر ہی دکھایا جا رہا ہے جو فرضی ہی ہوتی ہے اور اس کا حقیقت سے کوئی تعلق نہیں ہوتا۔
میری نظر میں تو یہ ایک اچھی سیریز ہے اس لحاظ سے کہ بین الاقوامی طور پر ایک مسلم تخلیق کنندہ نے اسلام کی خوبیوں کو خوبصورتی سے ایک سیریز میں پیش کیا ہے اور اس سے دنیا بھر میں یہ پیغام جائے گا کہ مسلمانوں کے خدا کے تمام نام اچھائی کا مظہر ہیں اور اسلام کو جس تشدد اور برائی کے ساتھ پیش کیا جاتا ہے اس حوالے سے بھی ایک بہتر عمل ہے۔
یہ ایک تصوراتی سیریز ہے اور اسے دیکھنے اور سمجھنے والے بھی اس حقیقت سے بہرحال واقف ہی ہیں اس لیے اگر کوئی اسے سچ سمجھتا ہے تو وہ اس کے فہم کا قصور ہے۔

 

[ام نور العين]

اس کے علاوہ وہ تمام عمر بچے نہیں رہیں گے اور بڑے بھی ہوں گے اور چیزوں کو بہتر طور پر سمجھ سکیں گے۔
یہ میری نظر میں اچھی پیش رفت اس لیے ہے کہ کسی نے اپنی مسلم شناخت سے بچوں کے لیے کوئی سیریز بنائی اور مزید لوگوں کو ایک راہ دکھائی کہ صرف مغربی اداروں اور تخلیق کاروں کے لیے ہی پورا میدان کھلا نہ چھوڑیں بلکہ اپنی ثقافت اور تہذیب سے جڑے کچھ کردار اور سیریز بنا کر پیش کی جائے تاکہ ہم اپنے بچوں کو اپنی تہذیب اور ثقافت سے روشناس کروا سکیں۔

کون سا تصور زیادہ مضبوط ہوتا ہے ؟ جو بچپن میں راسخ کیا جائے یا پہلے سے موجود تصور کو مٹا کر نئے سرے سے نقش کیا جائے ؟ ڈویلپمنٹل سائیکالوجی آپ کو اس بات کا بہترین جواب دیتی ہے بچے کی ابتدائی عمر کے پانچ سال کس قدر اہم ہوتے ہیں کہ وہ اپنے بنیادی علم کا ستر فی صد اسی عمر میں حاصل کرتا ہے بعد میں ساری زندگی وہ اسی علم میں ردو بدل اور اضافے کرتا رہتا ہے ۔
یہاں آپ کا کہنا ہے کہ کسی نے مسلم شناخت کے لیے فلم بنائی لیکن
آپ بھول رہے ہیں کہ نایف مطوع اب خود کہہ چکا ہے کہ اسلام سے اس کا تعلق نہیں ہے ؟
اور اس سیریز کے سب کرداروں میں کس ملک کی مسلم ثقافت کی جھلک ہے ؟
یہ کردار کس لحاط سے اسلامی ہیں ؟ آپ ان کے گیٹ اپ سے ڈائلاگ تک سب چیک کرلیں ۔ باطنہ کا ماسک تو بالکل فرعونی عہد کا ماسک لگتا ہے ۔
نایف نے یہ یوٹرن لیا ہی اس لیے کہ اس پر اسلامی علما کی جانب سے شدید تنقید ہوئی تھی ، ظاہر ہے کہ ہر علم و فن میں ماہرین کا حکم تسلیم کیا جاتا ہے ، لہذا مذاہب میں مذہبی علما کی رائے ہی فیصل ہو گی ۔ جب نایف نے دیکھا کہ اس کا اسلامی تربیت کا چکر نہیں چلا تو اس نے رنگ بدل لیا ۔

میں نے یہ ذکر بھی کیا ہے کہ نواف اب اس کی اسلامی شناخت برقرار نہیں رکھنا چاہتا بلکہ اسے ایک غیر جانبدار سیریز کے طور پر پیش کرنا چاہتا ہے جس سے اس پر زیادہ تر اعتراضات تو خود بخود ہی ختم ہو جاتے ہیں۔
میں نے بھی انٹریو دیکھے اور سنے ہیں نواف کے اور وہ اب اسے مکمل غیر جانبدار سیریز کے طور پر پیش کرنا چاہتا ہے تاکہ وہ مغرب میں کامیاب ہو تو اس سے اسلام سے جڑا ہونے کے اعتراضات تو خود ہی کم ہو جائیں گے سوائے اس کہ یہ اسلام ماخذ سے شروع ہونے والی سیریز ہے اور اسے ایک مسلمان نے شروع کیا۔

اعتراضات ختم نہیں ہوتے بلکہ بڑھ جاتے ہیں ، کسی مذہب کے شعار اور اصطلاحات کو غلط معنوں میں ٹوسٹ کر کے استعمال کرنا زیادہ قابل اعتراض ہے ۔ جو بعض اوقات توہین مقدسات کے زمرے میں آ جاتا ہے۔ ہماری ایک پاکستانی لیڈی آرٹسٹ کا دعوی ہے کہ اس نے براق کو پینٹ کیا ہے جو معراج میں رسول اللہ صلی اللہ علیہ وسلم کی سواری تھی ۔ لیکن اس نے اس کو آدھا عورت اور آدھا گھوڑا بنا کر پینٹ کیا ہے ۔ اب کیا میں اسے اسلامی آرٹ کا پیس مان لوں ؟

دوسرا اچھی صفات پر اسلام کی اجارہ داری نہیں اس میں مجھے تو کوئی غلط بات محسوس نہیں ہوتی، ہر مذہب اور معقول نظریے میں آفاقی اصولوں کی پاسداری اور ستائش ہمیں نظر آتی ہے اور یہ تمام بنی نوع انسان کی مشترکہ وراثت ہے۔

آپ اس سے اتفاق کر سکتے ہیں یہ آپ کی رائے ہے لیکن یہاں اس نے ایک اچھی بات کوغلط استعمال کیا ہے ۔ اللہ تعالی کے ننانوے نام ، اسلام کے پانچ ارکان ، ایمان کے چھ بنیادی ارکان ، مسجد ، اذان یہ سب اسلامی شعار و شناخت ہیں ۔ اسلامی اصطلاحات ہیں ۔

میں نے بھی انٹریو دیکھے اور سنے ہیں نواف کے اور وہ اب اسے مکمل غیر جانبدار سیریز کے طور پر پیش کرنا چاہتا ہے تاکہ وہ مغرب میں کامیاب ہو تو اس سے اسلام سے جڑا ہونے کے اعتراضات تو خود ہی کم ہو جائیں گے سوائے اس کہ یہ اسلام ماخذ سے شروع ہونے والی سیریز ہے اور اسے ایک مسلمان نے شروع کیا۔

بہرحال اسلامی اصطلاحات کے غلط استعمال کا اعتراض ہر حال میں باقی رہتا ہے ۔ اس میں اس کے سوا کچھ بھی اسلامی نہیں ، اسی لیے یہ جہاں بھی نمائش کے لیے پیش ہوئی متنازعہ رہی ، اب بھی جیو نے اس کو چلا کر صرف تنازعہ کھڑا کرنے کی کوشش کی ہے ۔ اس دنیا میں بہت سے اسلامی چینل اچھا کام کر رہے ہیں لیکن ان کے آئیڈیاز ان گندے چینلوں کے لیے اس لیے ناقابل قبول ہیں کہ وہ ان کے ماحول کے لیے مسائل کھڑے کر دیں گے ۔

 

[ام نور العين]

سعادت بھائی آپ کا شکریہ وقت ملنے پر کچھ باتیں عرض کرنے کا ارادہ ہے ۔

 

[ام نور العين]

بات یہ ہے کہ میں تو اپنے ارد گرد بچوں کو ہندی نما اردو، میں نقلی پستول لئے (مختلف قسم کے جملے جو ان کی عمروں سے مطابقت نہیں رکھتے ) بولتے ہوئے سنتا ہوں۔ کمانڈر سیف گارڈ کی ٹیم سے ملتا ہوں BEN10 کی تصاویر سے مزین ان کے لباس۔ اور تو اور ان بچوں کے لئے داغ اچھے ہوتے ہیں کیونکہ سرف ایکسل والوں نے انہیں یہی سق پڑھا دیا ہے۔
یہ بچے چیونگم اس لئے چباتے ہیں کیونکہ DinDong کھاکر بلی کی ذہانت بڑھ جاتی ہے۔ اور Tigerبسکٹ تو کیا ہی بات ہے اس سے ان میں بہت طاقت آجاتی ہے۔

بالکل درست ، میڈیا کے اثرات کا انکار کرنا ممکن نہیں ۔

 

[عظیم اللہ قریشی]

کیا آپ نے The 99 کی ویب سائٹ پر کرداروں کے ناموں کے ساتھ ساتھ ان کے پروفائلز بھی پڑھے ہیں؟ اگر نہیں تو ضرور پڑھیے۔

بہت عمدہ سعادت بھائی اللہ آپ کو دین و دنیا کی سعادتیں نصیب فرمائے آپ کا نرم لہجہ دھیما انداز اور تحریر کی نفاست اور سلجھا ہوا علمی انداز آپ کی خاندانی شرافت و نجابت کو آشکارا کرتا ہے اور اس بات کا مظہر ہے کہ آپ کی تربیت بہت عمدہ ماحول اور ہاتھوں میں ہوئی ہے جزاک اللہ۔
بس اتنا یاد رکھیئے کہ کمپنی صرف لاتوں کے بھوت ہیں یہ باتوں سے نہیں مانتے ہیں۔ یہ شق القمر کے بعد بھی ایمان لانے والے نہیں ہیں۔

 

[محمود احمد غزنوی]

گمان ہے کہ اس قسم کے اعتراض کرنے والے دوستوں کی نظر سے ڈاکٹر اقبال کی معرکۃ الآراء کتاب یعنی جاوید نامہ، نہیں گذری ہوگی۔ اگر گذری ہوتی تو یقیناّ اس پر بھی بیشمار اعتراضات لگ کر آجاتے۔

 

[محمد شعیب]

اردو ویکیپیڈیا پر

 

[محمود احمد غزنوی]

یہاں سے اس سیریز کو ڈاؤنلوڈ کیا جاسکتا ہے ۔ پی ڈی ایف
http://www.rohama.org/en/news/3533/the-99-islamic-cartoon-free-download

 

[محمود احمد غزنوی]

پہلا والیم پڑھ رہا ہوں۔۔اور جیسے جیسے پڑھتا جارہا ہوں، میری پسندیدگی بڑھتی جارہی ہے، بڑی عمدگی سے اور ذہانت سے، بہت خوبصورت تخیل پیش کیا گیا ہے۔یعنی Mind into matter.
تخلیق کار یقیناّ داد کا مستحق ہے۔

 

[ساجد]

بہت عمدہ سعادت بھائی اللہ آپ کو دین و دنیا کی سعادتیں نصیب فرمائے آپ کا نرم لہجہ دھیما انداز اور تحریر کی نفاست اور سلجھا ہوا علمی انداز آپ کی خاندانی شرافت و نجابت کو آشکارا کرتا ہے اور اس بات کا مظہر ہے کہ آپ کی تربیت بہت عمدہ ماحول اور ہاتھوں میں ہوئی ہے جزاک اللہ۔
بس اتنا یاد رکھیئے کہ کمپنی صرف لاتوں کے بھوت ہیں یہ باتوں سے نہیں مانتے ہیں۔ یہ ابوجہل کی زریات ہیں جو شق القمر کے بعد بھی ایمان لانے والے نہیں ہیں۔

روحانی بابا ، آپ کی تحاریر میں جارحانہ الفاظ کا کثرت سے استعمال متعدد بار بد مزگی اور دل ازاری کا سبب بن چکا ہے ۔ آپ کو متنبہ کیا جاتا ہے کہ احتیاط سے کام لیجئے۔

 

[ام نور العين]

اردو ویکیپیڈیا پر

اس مفید ربط کے لیے شکریہ ۔ انگریزی ویکی کی طرح اردو ویکی کو بھی اس نام نہاد ’اسلام کے متعلق اعتراضات کا جواب دینے والی عالمی سطح پر مقبول عام سیریز ‘کی تعریف کے لیے جو دو آرٹیکل ملے وہ ایک ہی سائٹ کے ہیں ، کومن گراونڈ نیوز کی اسلامی موضوعات کے سلسلے میں ریپوٹیشن کیا ہے ؟ یہ وہ سائٹ ہے جو چرچ میں مردوں عورتوں کی مخلوط نماز پڑھانے والی امینہ ودود، ڈینیل پرل کیس فیم اسری نعمانی اور فاتحہ تنظیم کی دوسری ہم جنس پرست پروفیسر غزالہ انور کو قابل ستائش مسلمان خواتین کے طور پر پیش کرتی ہے ۔ حجاب کے بارے میں اسے صرف ہپ ہاپ حجابیز پر مضامین چھاپنے کی اجازت ہے ۔
سعادت بھائی اور محب علوی بھائی
پچھلے صفحات میں اپنی طرف سے بات مکمل کر چکی تھی ، آپ کے اٹھائے گئے نکات ثانوی قسم کے ہیں جن میں سے بعض کا جواب فرصت میں دینا چاہتی تھی ، لیکن اب یہاں بعض لوگوں کی جو کوشش ہے اس کے بعد شاید مجھے جواب کی فرصت ملنے تک یہاں تالا لگ چکا ہو ۔ جو باتیں رہ گئی ہیں ان پر شاید پھر بات ہوسکے ۔ اس لیے مختصرا عرض کر دوں ہمارا نظریاتی اختلاف واضح ہے اور اسی کی وجہ سے ہماری اس سیریز کے بارے میں رائے بھی مختلف ہے ۔میں آپ کی رائے کا احترام کرتی ہوں ۔

 

[حسان خان]

مجھے دا نیوز کی خبر پر اس پروگرام کے مقاصد کے بارے میں درج ذیل چیز پڑھنے کو ملی:

Our culture and religion is full of themes and values that connect us to all people irrespective of their religion.

The world of ‘The 99’ is an inclusive one not an exclusive one. I went back to our culture and religion and pulled out tolerant, multicultural messages instead of the violent messages that the media so quickly associated to our faith abroad.

Don’t let a few bad apples spoil a bountiful orchard!

بے شک، ہماری مذہبی روایات اور ہمارا مذہبی تمدن واقعی بہت خوبصورت ہے جو بدقسمتی سے چند دماغی مریضوں کی حرکات کی وجہ سے دنیا کی نظروں سے اوجھل رہتا ہے۔ اگر اس طرح کے پروگرام اسلام کی خوبصورت اور روادار روایات کو دنیا کے سامنے پیش کر سکتے ہیں تو اس سے اچھی کوئی بات ہو ہی نہیں سکتی۔

 

[شمشاد]

روحانی بابا ، آپ کی تحاریر میں جارحانہ الفاظ کا کثرت سے استعمال متعدد بار بد مزگی اور دل ازاری کا سبب بن چکا ہے ۔ آپ کو متنبہ کیا جاتا ہے کہ احتیاط سے کام لیجئے۔

ساجد بھائی کچھ لوگ لاتوں کے بھوت ہوتے ہیں یہ باتوں سے نہیں مانتے ہیں۔ یہ ابوجہل کی زریات ہیں جو شق القمر کے بعد بھی سدھرنے والے نہیں ہیں۔

 

[سعادت]

بہت عمدہ سعادت بھائی اللہ آپ کو دین و دنیا کی سعادتیں نصیب فرمائے آپ کا نرم لہجہ دھیما انداز اور تحریر کی نفاست اور سلجھا ہوا علمی انداز آپ کی خاندانی شرافت و نجابت کو آشکارا کرتا ہے اور اس بات کا مظہر ہے کہ آپ کی تربیت بہت عمدہ ماحول اور ہاتھوں میں ہوئی ہے جزاک اللہ۔
بس اتنا یاد رکھیئے کہ کمپنی صرف لاتوں کے بھوت ہیں یہ باتوں سے نہیں مانتے ہیں۔ یہ ابوجہل کی زریات ہیں جو شق القمر کے بعد بھی ایمان لانے والے نہیں ہیں۔

روحانی بابا، پذیرائی پر آپ کا ممنون ہوں۔

البتہ ایک چھوٹی سی عرض ہے، کہ اختلافِ رائے کی بنیاد پر دوسروں کے بارے میں اس قدر کرخت الفاظ استعمال کرنا تعمیری گفتگو کے دروازے بند کرنے کے مترادف ہے، اور پھر بد مزگی الگ پیدا ہوتی ہے۔ مجھے اور باقی احباب کو خوشی ہو گی اگر آپ جارحانہ الفاظ کے استعمال میں احتیاط برتیں گے۔

 

[سعادت]

یہاں سے اس سیریز کو ڈاؤنلوڈ کیا جاسکتا ہے ۔ پی ڈی ایف
http://www.rohama.org/en/news/3533/the-99-islamic-cartoon-free-download

زبردست! یہ وہی شمارہ ہے جو میں نے بھی پڑھا تھا۔ بہت شکریہ، محمود بھائی۔

 

[محب علوی]

اس مفید ربط کے لیے شکریہ ۔ انگریزی ویکی کی طرح اردو ویکی کو بھی اس نام نہاد ’اسلام کے متعلق اعتراضات کا جواب دینے والی عالمی سطح پر مقبول عام سیریز ‘کی تعریف کے لیے جو دو آرٹیکل ملے وہ ایک ہی سائٹ کے ہیں ، کومن گراونڈ نیوز کی اسلامی موضوعات کے سلسلے میں ریپوٹیشن کیا ہے ؟ یہ وہ سائٹ ہے جو چرچ میں مردوں عورتوں کی مخلوط نماز پڑھانے والی امینہ ودود، ڈینیل پرل کیس فیم اسری نعمانی اور فاتحہ تنظیم کی دوسری ہم جنس پرست پروفیسر غزالہ انور کو قابل ستائش مسلمان خواتین کے طور پر پیش کرتی ہے ۔ حجاب کے بارے میں اسے صرف ہپ ہاپ حجابیز پر مضامین چھاپنے کی اجازت ہے ۔
سعادت بھائی اور محب علوی بھائی
پچھلے صفحات میں اپنی طرف سے بات مکمل کر چکی تھی ، آپ کے اٹھائے گئے نکات ثانوی قسم کے ہیں جن میں سے بعض کا جواب فرصت میں دینا چاہتی تھی ، لیکن اب یہاں بعض لوگوں کی جو کوشش ہے اس کے بعد شاید مجھے جواب کی فرصت ملنے تک یہاں تالا لگ چکا ہو ۔ جو باتیں رہ گئی ہیں ان پر شاید پھر بات ہوسکے ۔ اس لیے مختصرا عرض کر دوں ہمارا نظریاتی اختلاف واضح ہے اور اسی کی وجہ سے ہماری اس سیریز کے بارے میں رائے بھی مختلف ہے ۔میں آپ کی رائے کا احترام کرتی ہوں ۔

میں بھی صرف مثبت اختلاف رائے کرنا چاہتا ہوں اور روحانی بابا کے الفاظ قابل گرفت ہیں اور میری نظر میں سب سے غلط تبصرہ ہے اس پورے دھاگے میں۔

 

[عظیم اللہ قریشی]

مجھے جو مناسب لگا میں نے لکھ دیا۔
کمال ہے بڑے بڑے عالم فاضل لوگ بیٹھے ہیں وہ میری بات کی گہرائی تک پہنچ ہی نہ سکے۔
میں نے کسی کا نام تھوڑی لیا ہے میں نے تو صرف ایک گہری بات کہی ہے ابوجہل تو ابوالحکم تھا یعنی حکمت کا باپ۔۔۔۔میں نے تو استعارتا ایک بات کی ہے جیسے کہ کیدو ایک فرضی کردار ہے لیکن ہمارے معاشرے میں آپ کو دائیں بائیں بہت سے کیدو نظر آجائیں گے۔
بہرحال میری کسی بات سے کسی کی دل آزاری ہوئی ہے تو معذرت چاہتا ہوں

 

[عظیم اللہ قریشی]

ساجد بھائی کچھ لوگ لاتوں کے بھوت ہوتے ہیں یہ باتوں سے نہیں مانتے ہیں۔ یہ ابوجہل کی زریات ہیں جو شق القمر کے بعد بھی ایمان لانے والے نہیں ہیں۔

واہ واہ قمری معنی بھی کوک پڑے ۔۔۔۔ آپ میں اور مجھ میں فرق کیا رہ گیا