جن کی خاطر رہےاپنوں سے پرائے برسوں ۔ خادم حسین خاکسار

[عندلیب]

جن کی خاطر رہےاپنوں سے پرائے برسوں
کام کاغذ کے وہ ٹکڑے بھی نہ آئے برسوں

اب وہ خوشبو کا بھی حقدار نہیں ہے یارو
جس نے باغات گلابوں کے لگائے برسوں

آج سائے میں درختوں کے وہی بیٹھا ہے
کاٹ کر پیڑ یہاں جس نے لگائے برسوں

سرچھپانےکو ضروری تھے مکاں مٹی کے
ہم نے کاغذ کے مکانات بنائے برسوں

میں دعاؤں میں اسے یاد سدا رکھتا ہوں
جس نے کانٹے مری راہوں میں بچھائے برسوں

یاد ان کو نہ رہا کوئی بھی وعدہ خادم
ہم نے رشتوں کی طرح قول نبھائے برسوں

خادم حسین خاکسار۔۔

 

[مغزل]

کیا کہنے سبحان اللہ ، کیا عمدہ انتخاب ہے ، واہ۔
پوری غزل خارجی عوامل کی مد میں داخلی کیفیات کا آئنہ ہے ، ماشا اللہ
شکریہ عندلیبِ ہند ، جیتی رہیں