جمیل نوری نستعلیق میں انپیج جیسی کرننگ کا ایک کامیاب تجربہ!

arifkarim

معطل
کل محترم نعیم سعید صاحب کیساتھ باتوں باتوں میں جمیل نوری نستعلیق میں کرننگ سے متعلق کچھ گفتگو ہوئی تو سوچا اس سلسلہ میں اپنے تجربات محفل کی نظر کر دوں:
b380.gif


ابن سعید نبیل نعیم سعید عبدالمجید شاکرالقادری فاتح دوست سعادت اسد ابرارحسین محمد سعد زیک aladdin اوشو
 
مدیر کی آخری تدوین:

نبیل

تکنیکی معاون
بہتر ہوگا کہ ایک ہی متن کا انپیج اور ورڈ میں علیحدہ سکرین شاٹ لے کر دکھایا جائے تاکہ تقابل کیا جا سکے۔
 

arifkarim

معطل
اس کام کے لیے کیا تکنیک استعمال کی ہے؟
جناب فی الحال تو وولٹ ہی میں تجرباتی طور پر ٹیبل سیٹ کر رہا ہوں۔ مستقبل میں ارادہ ہے کہ منظم انداز میں اس کو تمام ترسیمہ جات پر ڈپلوئے کیا جائے۔ اوپر کرننگ میں خاص بات یہ ہے کہ یہ سابقہ ترسیمہ جات کی اونچائی کیساتھ بڑھ اور گھٹ رہی ہے اور یہی شے انپیج کی کرننگ کو ممتاز بناتی ہے۔
 

اوشو

لائبریرین
جناب فی الحال تو وولٹ ہی میں تجرباتی طور پر ٹیبل سیٹ کر رہا ہوں۔ مستقبل میں ارادہ ہے کہ منظم انداز میں اس کو تمام ترسیمہ جات پر ڈپلوئے کیا جائے۔ اوپر کرننگ میں خاص بات یہ ہے کہ یہ سابقہ ترسیمہ جات کی اونچائی کیساتھ بڑھ اور گھٹ رہی ہے اور یہی شے انپیج کی کرننگ کو ممتاز بناتی ہے۔
کرننگ کا کوئی سٹینڈرڈ ہے؟
مطلب فرض کریں ہم کورل میں ترسیمہ جات کی مینیولی کرننگ سیٹ کر رہے ہیں تو کیا کوئی سٹینڈرڈ ہے جس سے اندازہ ہوتا رہے کہ اگلا ترسیمہ پچھلے ترسیمے کے کتنا قریب آئے گا۔
 

اوشو

لائبریرین

بالکل یہی طریقہ میں استعمال کرتا ہوں۔
اب میں کہنا یہ چاہ رہا تھا کہ وولٹ وغیرہ میں کوئی ایسی آپشن نہیں ہے کہ کسی بھی ترسیمہ کے آؤٹ لائن پکسلز کو فلٹر کر کے اگلے ترسیمہ کے آؤٹ لائن پکسلز کے ساتھ ٹچ ہونے کی ریشو نکال لی جائے یا وولٹ یہ کام آٹومیٹک کر دے کہ ہر ترسیمے کی 5 پکسلز کی آؤٹ لائن ہو اور اگلے ترسیمے کی آؤٹ لائن جس پوائنٹ پر پچھلے ترسیمے کی آؤٹ لائن کو ٹچ کرے وہ اسی پوائنٹ پر اس کی کرننگ سیٹ کر دے۔
اگر وولٹ میں ایسی کوئی سہولت نہیں تو کیا کسی سکرپٹ وغیرہ کے ذریعے ایسا ممکن نہیں؟
 
مدیر کی آخری تدوین:

arifkarim

معطل
کسی بھی ترسیمہ کے آؤٹ لائن پکسلز کو فلٹر کر کے اگلے ترسیمہ کے آؤٹ لائن پکسلز کے ساتھ ٹچ ہونے کی ریشو نکال لی جائے یا وولٹ یہ کام آٹومیٹک کر دے کہ ہر ترسیمے کی 5 پکسلز کی آؤٹ لائن ہو اور اگلے ترسیمے کی آؤٹ لائن جس پوائنٹ پر پچھلے ترسیمے کی آؤٹ لائن کو ٹچ کرے وہ اسی پوائنٹ پر اس کی کرننگ سیٹ کر دے۔
اگر وولٹ میں ایسی کوئی سہولت نہیں تو کیا کسی سکرپٹ وغیرہ کے ذریعے ایسا ممکن نہیں؟
اس سلسلہ میں ایک عرصہ درازسے محترم ابن سعید صاحب سے مشاورت جاری ہے اور مختلف حل تجویز کئے گئے ہیں۔ امید ہے اگلی صدی تک کوئی نہ کوئی مثبت قابل عمل حل اس مسئلے کانکل ہی آئےگا :)
 

نبیل

تکنیکی معاون
خود سے کرننگ پئیر سیٹ کرنے کی بجائے کیا یہ ممکن نہیں ہے کہ انپیج سے یہ ہی معلومات حاصل کر لی جائیں؟ یعنی متن کو انپیج میں لکھ کر کسی طرح اس میں سے ہی یہ ڈی کوڈ کر لیا جائے کہ کرننگ کتنی ہے؟
 

arifkarim

معطل
خود سے کرننگ پئیر سیٹ کرنے کی بجائے کیا یہ ممکن نہیں ہے کہ انپیج سے یہ ہی معلومات حاصل کر لی جائیں؟ یعنی متن کو انپیج میں لکھ کر کسی طرح اس میں سے ہی یہ ڈی کوڈ کر لیا جائے کہ کرننگ کتنی ہے؟
اس کے لئے ہمیں انپیج کا سورس کوڈ درکار ہوگا۔ جو کہ تا حال ممکن نہیں کیونکہ یہ ایک کمرشل سافٹوئیر ہے۔ نیز انپیج کی کرننگ کوئی اتنی خاص اچھی نہیں ہے۔ میرے تجربات کے مطابق ہم انپیج سے بھی بہتر کرننگ حاصل کر سکتے ہیں اگر حسابی اندازے درست ثابت ہوں:
b382.gif
 
مدیر کی آخری تدوین:

آوازِ دوست

محفلین
بہت خوب رزلٹ ہے۔ برادران دقیق فنی اصطلاحات برطرف یہ بتائیے کہ جمیل نوری نستعلیق کا فونٹ ونڈوز فونٹ فولڈر میں ایڈ کرنے سے جو رزلٹ دکھایا گیا ہے وہ حاصل ہو سکتا ہے یا ساتھ میں کوئی اور اٹکل پچو بھی کرنا پڑے گا ۔
 

نبیل

تکنیکی معاون
اس کے لئے ہمیں انپیج کا سورس کوڈ درکار ہوگا۔ جو کہ تا حال ممکن نہیں کیونکہ یہ ایک کمرشل سافٹوئیر ہے۔ نیز انپیج کی کرننگ کوئی اتنی خاص اچھی نہیں ہے۔ میرے تجربات کے مطابق ہم انپیج سے بھی بہتر کرننگ حاصل کر سکتے ہیں اگر حسابی اندازے درست ثابت ہوں:

ضروری نہیں کہ اس کے لیے سورس کوڈ ہی دیکھنا پڑے۔ کچھ اور تجربات بھی کیے جا سکتے ہیں۔ ان پیج ڈاکومنٹ فائل کو ہیک کرکے اس سے بھی پڑھنے کی کوش کی جا سکتی ہے۔

میں ایک بات ابھی تک سمجھ نہیں پایا ہوں کہ کرننگ کس حد تک بہتر بنانا ضروری ہے؟ پبلشنگ انڈسٹری کی حد تک اگر ان پیج جیسی کرننگ سے کام چل سکتا ہے تو اس سے بہتر کی کیا ضرورت ہے؟ میں فونٹ سازی کی باریکیوں کو زیادہ نہیں جانتا ہوں لیکن مجھے کچھ محسوس ہو رہا ہے کہ گزشتہ کئی سال سے جمیل نستعلیق ٹیم کی تمام توانائی کرننگ پر ہی صرف ہو رہی ہے۔ میری دانست میں فونٹ سازی کے نئے پراجیکٹس جیسے گریفائٹ انجن کے استعمال، نئے نستعلیق فونٹس کی تیاری وغیرہ پر بھی کام کیا جانا چاہیے۔
 

arifkarim

معطل
ضروری نہیں کہ اس کے لیے سورس کوڈ ہی دیکھنا پڑے۔ کچھ اور تجربات بھی کیے جا سکتے ہیں۔ ان پیج ڈاکومنٹ فائل کو ہیک کرکے اس سے بھی پڑھنے کی کوش کی جا سکتی ہے۔
پاک انپیج ٹو یونیکوڈ کنورٹر کی تیاری کے دوران انپیج کی فائل ہیک کی گئی تھی۔ جس میں سے کرننگ کی انفارمیشن تو نہیں ملی کیونکہ کرننگ سافٹوئیر کے اندر ہوتی ہے۔ شاید ابرارحسین اس بارہ میں کچھ مزید بتا سکیں۔

میں ایک بات ابھی تک سمجھ نہیں پایا ہوں کہ کرننگ کس حد تک بہتر بنانا ضروری ہے؟ پبلشنگ انڈسٹری کی حد تک اگر ان پیج جیسی کرننگ سے کام چل سکتا ہے تو اس سے بہتر کی کیا ضرورت ہے؟ میں فونٹ سازی کی باریکیوں کو زیادہ نہیں جانتا ہوں لیکن مجھے کچھ محسوس ہو رہا ہے کہ گزشتہ کئی سال سے جمیل نستعلیق ٹیم کی تمام توانائی کرننگ پر ہی صرف ہو رہی ہے۔
نستعلیق خط میں کرننگ جتنی بہتر ہو سکتی ہےکرنی چاہئے۔ انپیج کی کرننگ چونکہ پبلشنگ انڈسٹری کا اسٹینڈرڈ بن چکی ہے یوں اسکے بغیر گزارہ اب ممکن نہیں۔ میرے خیال میں آئیڈیل کرننگ جو کہ نستعلیق فانٹس میں ہونی چاہئے وہ اس فانٹ میں جلوہ گر ہے:
b372.gif

میری دانست میں فونٹ سازی کے نئے پراجیکٹس جیسے گریفائٹ انجن کے استعمال، نئے نستعلیق فونٹس کی تیاری وغیرہ پر بھی کام کیا جانا چاہیے۔
گریفائٹس، اے سی ای اور اس جیسے بہت سے دیگر "اسمارٹ" رینڈرنگ انجنز میں مسئلہ ہے کہ یہ عام پروگرامز میں اسپورٹڈ نہیں ہوتے۔ اسوقت جو رینڈرنگ انجن اکثر ویب اورڈیسک اسٹاپ سافٹوئیرز میں چل رہے ہیں وہ حرف باز ، ڈائریکٹ رائٹ اور فری ٹائپ انجنز ہیں، جو کہ اوپن ٹائپ اسٹینڈر ڈ پر مبنی ہیں۔ اسلئے کمپیٹیبلیٹی کے مسائل سے بچنے کیلئے ہم ان گریفائٹس اور اے سی ای جیسے "اسمارٹ "انجنز کو استعمال نہیں کر سکتے۔
جہاں تک نئے فانٹس کی تیاری کا سوال ہے تو اس حوالہ سے گزشتہ 7 سالوں میں ریلیز ہونے والے تمام اردوفانٹس کا ریکارڈ چیک کر لیں۔ نوری نستعلیق فانٹس جیسے علوی نستعلیق اورجمیل نوری نستعلیق کے علاوہ کوئی بھی دوسرا حرفی یا ترسیمہ فانٹ اردو کمیونیٹی میں رائج العام نہیں ہوا :(۔
 
آخری تدوین:

سید ذیشان

محفلین
مدیر کی آخری تدوین:
پاک انپیج ٹو یونیکوڈ کنورٹر کی تیاری کے دوران انپیج کی فائل ہیک کی گئی تھی۔ جس میں سے کرننگ کی انفارمیشن تو نہیں ملی کیونکہ کرننگ سافٹوئیر کے اندر ہوتی ہے۔ شاید ابرارحسین اس بارہ میں کچھ مزید بتا سکیں۔
http://www.urduweb.org/mehfil/threads/انپیج-فائل-فارمیٹ-پر-تحقیق.26462/
میں انپیج فائل فارمیٹ پر کچھ ڈسکشن ہوئی تھی، لیکن اس میں فونٹ ، سائز اور اسی قسم کی معلومات تھی، کرننگ پر تحقیق اس وقت نہیں کی گئی تھی۔
 

متلاشی

محفلین
جناب فی الحال تو وولٹ ہی میں تجرباتی طور پر ٹیبل سیٹ کر رہا ہوں۔ مستقبل میں ارادہ ہے کہ منظم انداز میں اس کو تمام ترسیمہ جات پر ڈپلوئے کیا جائے۔ اوپر کرننگ میں خاص بات یہ ہے کہ یہ سابقہ ترسیمہ جات کی اونچائی کیساتھ بڑھ اور گھٹ رہی ہے اور یہی شے انپیج کی کرننگ کو ممتاز بناتی ہے۔
میں اپنے نستعلیق فونٹ میں یہی ترکیب استعمال کر رہا ہوں :)
 
Top