فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
جہاں تک جماعت اسلامی يا پاکستان ميں کسی بھی اور سياسی جماعت يا دھڑے کو دی جانے والی امداد کا سوال ہے تو يہ واضح رہے کہ امريکی حکومت بيرونی ممالک ميں افراد اور گروہوں کو کيش کرنسی دينے کا "دھندہ" نہيں کرتی۔ مجموعی طور پر ايک شفاف نظام، فعال احتسابی عمل اور روک ٹوک کا مربوط نظام اس بات کو يقینی بناتا ہے کہ امريکی حکومت مخصوص حدود کے اندر رہتے ہوئے طريقہ کار وضح کرے۔
اس ميں کوئ شک نہيں کہ پاکستان سميت دنيا کے بے شمار ممالک ميں يو ايس ايڈ کے سينکڑوں منصوبے جاری ہيں۔ ليکن يو ايس ايڈ اور ان منصوبوں کا مقصد محض چند افراد اور گروہوں کو معاشی فوائد پہنچانا ہرگز نہيں ہے۔ يو ايس ايڈ امريکی حکومت کے ماتحت ايک فيڈرل ايجنسی ہے جس کے ذمے بيرونی سويلين امداد سے متعلق انتظامی امور کی نگرانی کرنا ہے۔ يو ايس ايڈ کا مقصد بيرون ممالک ميں ان عام افراد تک مدد کی فراہمی کو يقینی بنانا ہے جو ايک بہتر زندگی کی تگ ودو کر رہے ہيں، يا پھر کسی قدرتی آفت کے بعد مدد کے طلب گار ہيں يا پھر ايک آزاد جمہوری ملک ميں رہنے کے ليے کوشاں ہيں۔ يو ايس ايڈ کے دائرہ کار ميں افريقہ، ايشيا، لاطينی امريکہ اور يورپ شامل ہيں۔
سال 1961 ميں صدر جان ايف کينيڈی نے ايک صدارتی حکم نامے کے ذريعے يو ايس ايڈ کا آغاز کيا تھا تا کہ فارن اسسٹنٹ ايکٹ کے تحت ان ترقياتی منصوبوں کو عملی جامہ پہنانے کے ليے مدد فراہم کی جا سکے جن کی کانگريس کی جانب سے منظوری دی جا چکی ہے۔ کانگريس کی جانب سے اس منظوری کا اعادہ ہر سال "فنڈز اپروپريشن ايکٹس" اور ديگر قوانين کے ذريعے کيا جاتا ہے۔ تکنيکی طور پر يو ايس ايڈ ايک خود مختار فيڈرل ايجنسی ہے ليکن صدر، وزير خارجہ اور نيشنل سيکورٹی کونسل کی جانب سے متعين شدہ خارجہ پاليسی کے اصولوں کے تحت عمل درآمد کرتی ہے۔
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
www.state.gov
http://www.facebook.com/USDOTUrdu
